2 Bitǝrus 3:7 - Maləmce Məfele mala Ɓakuli: Kurcau Məbəshe

⁷ Nǝ́ kǝ cau mǝ'mwashati ka, kuli andǝ ɓanza mana ado ndakam ngga, cia nǝ tsǝa ace kiɗikia nǝ bǝsa. À cia nǝ tsǝa ace pwari ɓashi mǝnana Ɓakuli nǝ̀ kiɗiki aɓwana mana à pànǝ ulang do male raka.

2 Bitǝrus 3:7 ပူးပေါင်းရင်းမြစ်များ

Matiu 10:15

Ən nggǝ na wun mǝsǝcau, a pwari ɓashi ka, amǝ Sodom andǝ amǝ Gomora ka, ɓashi malea nǝ̀ ɓoari mala amǝla mǝno.

Matiu 11:22

Sǝ mim ngga ǝn nggǝ na wun ama gir mǝnana nǝ̀ kum wun a pwari ɓashi ka, nǝ̀ ɓike nǝ̀ kuti gir mana nǝ̀ kum amǝ Taya andǝ amǝ Sidon ngga.

Matiu 11:24

Sǝ ǝn nggǝ no ama, gir mǝnana nǝ̀ kumo a pwari ɓashi ka nǝ̀ ɓike nǝ̀ kuti gir mǝnana nǝ̀ kum nzali Sodom ngga.

Matiu 12:36

Sǝ ǝn nggǝ na wun ama a pwari ɓashi ka aɓwana nǝ̀ bǝlki ɓa ko ya cau mǝɓane na pur a kunia ka.

Matiu 24:35

Agir mǝnana a bumkuli andǝa mǝnana a nzali ka tea nǝ̀ malâ, sǝ cau mem ngga te pà nǝ̀ mal ɗang.

Matiu 25:41

Pǝlǝa nǝ̀ ne aɓwana mana a bui mǝnggare ka ama, “Wu upi banam, wun mǝnana Ɓakuli su wun ngga! Wu kya ɓa bǝsa mǝnana li male pà nǝ̀ mal raka, mǝnana à pe ace Shetan andǝ amǝturonjar male ka.

Markus 6:11

Sǝ ɓǝ̀ wu wario àkǝ̀ ban sǝ à ɓinǝ ak wun ko à ginǝ cau ma'wun ngga, wu kǝtǝrǝki tu mǝnana a kusǝ wun ngga, ɓǝ̀ wu nǝ̀ nying banì ka. Ɓǝ̀ dupia wia gir'lǝmndǝa ama, bu wun pa aɓa ɓashi mǝnana nǝ̀ yiu amuria ka ɗang!”

Yohana 12:48

Aɓwana mǝnana kat à ginǝam sǝ à ginǝ ak cau mem ngga, à ndanǝ mǝɓashi mǝnana nǝ̀ ɓashia wia ka. Acau mǝnana ǝn nea ka, à nǝ̀ mea a ɓashi a masǝlǝata apwari!

Amǝ Roma 2:5

Sǝ acemǝnana we ka a ndanǝ murcandǝa, a ɓinǝ nying buo arǝ cauɓikea ka, a nda rǝ rambǝi ɓamuro candǝna tanni. Acemǝnana pwari mala bumlulla na kǝ yiu ka, mǝnana ɓashi mǝɓafoe mala Ɓakuli nǝ̀ lǝmndǝ rǝì ka.

1 Amǝ Korinti 3:13

turo mala ko ya ɓwa ka nǝ̀ pusǝrǝi, acemǝnana a Pwari mala Kǝrǝsti ka, tea nǝ̀ puro. Bǝsa na nǝ̀ pusǝ tea ka. Sǝ bǝsa na nǝ̀ karǝki koya turo nani ɓwa pè ka.

Amǝ Filipi 1:28

Wu kǝa dum nǝ ɓangciu a ɓadǝm aɓi wun amǝbura ɗang. Mǝno ka, nda nǝ̀ lǝmndǝia wia ama à nǝ̀ ngga kiɗiki, sǝ wun ngga wu nǝ̀ auwa. Mǝnia ka nda pe mala Ɓakuli.

2 Amǝ Tasalonika 2:3

Wu kǝa eare ɓǝ̀ kǝɓwa swarki wun ɗang ko bǝti. Acemǝnana mǝno yì pwari ka pà nǝ̀ yiu peatu ɗang she ɓǝ̀ masǝlǝata Mgbicau arǝ Ɓakuli yina, sǝ Ɓwa mala Cauɓikea pusǝna rǝì, mǝno yì ɓwa mǝnana dupi ká kìɗìkì ka.

1 Timoti 6:9

Sǝ aɓwana mǝnana à kǝ alte ama à nǝ̀ duk amǝkume ka, à kǝ kpa aɓa karǝkiban, andǝ gbǝli, andǝ kum ɓamuria aɓalǝ azǝnda mala agir mǝɓane pas. À nǝ̀ kum ɓamuria aɓalǝ agir mala yinǝ mǝɓike a rǝia, mǝnana à nǝ̀ ngga masǝlǝia aɓa kiɗikiban andǝ lu-bǝsa ka.

Amǝ Ibǝru 12:29

acemǝnana “Ɓakuli ma'sǝm ngga bǝsa mǝtwalta gir na.”

2 Bitǝrus 2:9

Sǝ acemǝnana Ɓakuli pak mǝno ka, yì ka, surǝna njar mana nǝ̀ amsǝna amǝ'ɓealɓoarna nǝi aɓalǝ akárǝkiban malea, sǝ amǝ'ɓealɓikea ka, nǝ̀ cia aɓata tanni, ba pwari mala ɓashi.

2 Bitǝrus 3:10

Sǝa ma pwari mala Mǝtalabangŋo ka, nǝ̀ yiu kǝla yiu mala mǝn'i. A pwari mǝno ka kuli nǝ̀ ndǝrmya nǝ gǝggǝli mǝcande, sǝ agir mǝnana a kuli ka à nǝ̀ pì kǝring a bǝsa, à nǝ̀ kiɗikea, sǝ ɓanza andǝ aturo mǝnana a ɓalǝi ka à nǝ̀ nong kwas.

2 Bitǝrus 3:12

Ɓǝ̀ sǝm dukdo kundǝ pwari mala Ɓakuli, andǝ ɓariki arǝ turo ace tsǝk yiu male ɓǝ̀ pa a kaurǝa. A mǝno yì pwari ka, à nǝ̀ kiɗiki abumkuli nǝ bǝsa, sǝ agir mǝnana à nda a bumkuli ka, à nǝ̀ panzǝa aɓa pì mala bǝsa.

1 Yohana 4:17

Ani ka, earcearǝu kum lumsǝo aɓalǝ sǝm, sǝ anggo ka, ɓangciu pà nǝ̀ pakka sǝm a Pwari Ɓashi ɗang, acemǝnana sǝm nda kǝla Yì a mǝnia yì ɓanza ka.

Yahuda 1:7

Ɗǝm ngga wu ɗenyi nǝ gir mǝnana kum amǝ Sodom andǝ Gomora, andǝ acili ala mǝnana abania tu, mǝnana à kuti aɓa do kìɗìkì mala nonggi nǝ rǝarǝu andǝ pakki agir suno nongnǝban mǝnana kyanggi do mǝɓoarne ka, kǝla mana amǝturonjar mǝno pe ka. Ɓakuli sok bǝsa amuria, ace mǝnana ɓǝ̀ duk girkani aban aɓwana kat, mala pibǝsa mǝnana malkiyi raka.

Sǝna 17:11

Yì nyamɓikea mǝnana ndakam ɗiɗyal nǝ yilǝmu, sǝ ado ka pà kàm raka, nda tongno-nong-tāruia murǝm. Sǝ yì ka, ndá mwashat ata amǝno yì amurǝma tongno-nong-ɓari ka, sǝ kǝ ká nǝ ká a lú male.

Sǝna 17:8

Mǝno yì nyamɓikea a sǝni ka, ndakam ɗiɗyal nǝ yilǝmu, ado ka pà kàm ɗang, sǝ banì pà nǝ̀ sau ɗang ndo nǝ ngga puro aɓa tuli-tàtǝkǝtè, sǝ nǝ̀ kutio nǝ̀ ká lú mǝnana málá male pà kàm raka. Aɓwana mǝnana à ndanǝ do a ɓanza, amǝnana pur a share ɓanza ka, à gilǝ lullǝia aɓa Malǝmce Yilǝmu raka, à nǝ̀ ndali nǝ nyare-yiu mala man yì nyamɓikea mǝnana wú ɗiɗyal ka.

Sǝna 20:11

Sǝ ǝn sǝn nggea bunomurǝm mǝpwasǝe andǝ ɓwa mǝnana do amuri ka. Nzali andǝ kuli ɓanggi ɓadǝmbǝi, à o à kya ndǝrmikea, ko à nyare à sǝnia ɗǝm ɗang.

Sǝna 21:1

Pǝlǝa ǝn sǝn kuli mǝbǝshe andǝ nzali mǝbǝshe. Kuli mǝnana ɗiɗyal andǝ nzali mǝnana ɗiɗyal ka, à ndǝrmina, sǝ nggeamur gbal ka pà kàm ɗǝm ɗang.