2 Bitǝrus 3:4 - Maləmce Məfele mala Ɓakuli: Kurcau Məbəshe

⁴ À nǝ̀ na ama, “Mǝtalabangŋo pacau ama nǝ̀ nyare nǝ̀ yiu re? Sǝ nda ake? Twal a pwaryan ɓara-ɓara, aká sǝm yì wukio, sǝ agir kat ka à ndakam àkǝ̀ banì kǝla mǝnana à pusǝia atadǝmbe ka, kǝgir nggaɗi ɗang.”

2 Bitǝrus 3:4 ပူးပေါင်းရင်းမြစ်များ

Matiu 16:27

Acemǝnana Muna mala Ɓwa ka nǝ̀ ngga yiu aɓa gulo mala Tarrí, andǝ amǝturonjar male ate, sǝ nǝ̀ yia pe koyan ngga tangnakusǝi, ace gir mǝnana pak ka.

Matiu 16:28

Ən nggǝ na wun aɓa mǝsǝcau ama, aɓea ɓwana na akani aban came mǝnana à pà nǝ̀ wu ɗang she ɓǝa sǝna yiu mala Muna mala Ɓwa a Domurǝm male ka.

Matiu 24:28

Ban mǝnana lugir nong kam ngga, abanì sǝ adǝkǝlaki nǝ̀ rambǝa.

Matiu 24:48

Sǝ ɓǝ̀ guro mǝno ka mǝɓealɓikea na, sǝ ne ɓamuri ama, “Mǝtala-ɓala mem pà nǝ̀ yiu tu ɗang.”

Markus 10:6

Sǝ mǝno ka nda njar mala Ɓakuli ɗang. A tita pusǝ ɓanza ka, ‘Ɓakuli pusǝ ɓwapǝndǝa, ɓwabura andǝ mɓwama,’ kǝla mana Malǝmce na ka.

Markus 13:19

Acemǝnana amǝno yia anongge ka, a mala tanni na kǝrkǝr mǝnana ulangyi pà kàm àkǝ̀ baku raka, twalo a shareta ɓanza mǝnana Ɓakuli pusǝna ɓanza ka, yi bwal ado mǝno ka, sǝ à pà nǝ̀ kum ulangyi gbal a dǝmbǝa ɗang.

Luka 12:45

Sǝ ɓǝ̀ muna-ɓala ne ɓamuri ama, “Mǝtala-ɓala mem ngga pà nǝ̀ nyar tu ɗang.” Sǝ ɓǝ̀ kutia wal amuna-ɓala, aburana andǝ amamǝna, kǝ li, kǝ nu, sǝ kǝ wal wale ka,

Amǝ Mishan 7:60

Pǝlǝa ɓun amur ankuni loasǝ gi nǝ rǝcandǝa ama, “Mǝtalabangŋo, kǝa bwalia nǝ mǝnia yì cauɓikea ka amuria ɗang.” Lang bangŋǝna anggo ka, kara kuni kumsǝo.

1 Amǝ Tasalonika 2:19

Ɓǝ̀ mǝno na raka, mana ɗe nda tsǝkɓalǝu ma'sǝm, andǝ banɓoarnado ma'sǝm, ko mana nda mbulan mǝnana sǝm nǝ̀ jali nǝi a ɓadǝm Mǝtala sǝm Yesu a pwari yiu male? Kǝ wu nda re?

2 Bitǝrus 3:12

Ɓǝ̀ sǝm dukdo kundǝ pwari mala Ɓakuli, andǝ ɓariki arǝ turo ace tsǝk yiu male ɓǝ̀ pa a kaurǝa. A mǝno yì pwari ka, à nǝ̀ kiɗiki abumkuli nǝ bǝsa, sǝ agir mǝnana à nda a bumkuli ka, à nǝ̀ panzǝa aɓa pì mala bǝsa.

Sǝna 3:14

Gilǝî mǝturonjar mala ikǝlisiya mǝnana a Lawodisi ka ama: Mǝnia ka nda cautera mǝnana pur nǝ bani, yì ɓwa mǝnana nda Amin, mǝ'nakún mǝ'mǝsǝcau nì sǝ mǝɓafoe, mǝyalban amur agirbunda mǝnana Ɓakuli pusǝia ka.