2 Bitǝrus 3:2 - Maləmce Məfele mala Ɓakuli: Kurcau Məbəshe

² Ən nggǝ earce nǝma ɓǝ̀ wu ɗenyi nǝ acau mǝnana amǝ'ɓangna mǝfele mala Ɓakuli bangŋi a pwaryan, sǝ ɓalǝ wun ɓǝ̀ kǝa lorǝ nzongcau mǝnana Mǝtalabangŋo, Mǝ'amsǝban pá nǝ bu amǝ'mishan ma'wun ngga ɗang.

2 Bitǝrus 3:2 ပူးပေါင်းရင်းမြစ်များ

Luka 1:70

Pe kǝla mǝnana bangŋa a kun amǝ'ɓangna male mǝfele ɓara-ɓara ka.

Luka 24:27

Pǝlǝa tite nǝ Nggurcau mala Musa andǝ Kanigir mala amǝ'ɓangna mala Ɓakuli kat, bǝlkia wia ɓalǝ acau mǝnana à gilǝia aɓalǝ Amalǝmce amuri ka.

Luka 24:44

Pǝlǝa nea wia ama, “Mǝnia ka nda cau mǝnana ǝn bangga wun, mana sǝm nda a tarǝ sǝm ngga. Koya gir mǝnana à gilǝì a muram aɓa Nggurcau mala Musa andǝ amalǝmce mala Amǝ'ɓangna mala Ɓakuli andǝ Anggyal ka, dumǝna púp à nǝ̀ lumsǝo.”

Amǝ Mishan 10:43

Yì nda mana amǝ'ɓangna mala Ɓakuli kat ka, à nakun ace ama, koyana kat sǝ paɓamuri abani ka, nǝ̀ kum twalban cauɓikea aɓa lullǝi.

Amǝ Mishan 28:23

Pǝlǝa à tsǝk pwari mǝnana à nǝ̀ yia dum nǝi andǝa Bulǝs ka. Aɓwana pas yiu a pwari mǝno aban mǝnana Bulǝs duk kam ngga. Twal a dǝmbari yi bwal a pwarikpǝra, Bulǝs bǝlia wia ɓa cau male amur Domurǝm mala Ɓakuli. Bulǝs ɓariki nǝ̀ cia ɓǝa paɓamuria aban Yesu, nǝ̀ nun ɗenyicau malea arǝ acau mǝnana Nggurcau Mala Musa andǝ agir mǝnana amǝ'ɓangna mala Ɓakuli gilǝ ka.

Amǝ Mishan 3:18

Sǝ Ɓakuli ka, nda aban lumsǝ agir mǝnana bangce nǝ kun amǝ'ɓangna male ama, Kǝrǝsti nǝ̀ nu tanni ka.

Amǝ Mishan 3:21

Dumǝna púp ama Yesu ka nǝ̀ ueo kano a kuli, ba pwari mǝnana Ɓakuli nǝ̀ nyesǝ agir kat ɓǝa pǝlǝ bǝshe, kǝla mǝnana bangce nǝ kun amǝ'ɓangna male amǝfele a pwaryan ngga.

Amǝ Galati 6:2

Wu bwalia rǝ wun aɓa tanni; anggo ka, sǝ wu nǝ̀ lumsǝ nggurcau mala Kǝrǝsti.

Amǝ Afisu 2:20

Sǝm dapi kat ka, sǝm dumǝna ɓala male, mǝnana à ɓè amur kusǝɓa mala amǝ'mishan andǝ amǝ'ɓangna mala Ɓakuli ka. Sǝ nggea tali mǝnana kùr kusǝɓǎ ka, nda Kǝrǝsti Yesu nǝ nggearǝì.

Amǝ Afisu 3:5

sǝ à pusǝì a banfana aban aɓwana arǝ anza mǝno à kutikina raka. Sǝa ma adyan a nza man ngga, yi pusǝni a banfana aban amǝ'mishan andǝ amǝ'ɓangna mala Ɓakuli, nǝ bu Bangŋo male.

1 Timoti 6:14

Kpata nzongcau mǝnia ka nǝ ɓabumo mwashat andǝ ɗwanyi cau a rǝǔ, twal adyan ba pwari nyare yiu mala Mǝtala sǝm, Yesu Kǝrǝsti.

2 Bitǝrus 2:21

Ɗwanyi surǝ njar mala do ɓealɓoarna malea ka ɓǝ́ ɓoarǝni banì amur mǝnana à surǝni sǝ à pǝlǝ nzǝmia arǝ nzongcau mǝfele mǝnana à pea wia ka.

2 Bitǝrus 3:15

Wu ɗenyi ama, munyi mala Mǝtalabangŋo ka, nda rǝ pe ɓwapǝndǝa dǝmbǝu ɓǝ̀ kum amsǝban. Mǝnia ka, nda gir mǝnana mǝ'eamrǝarǝu Bulǝs gbal ka gilǝa wun nǝ sǝlǝe mǝnana Ɓakuli pe wi ka.

2 Bitǝrus 3:16

Kǝ na cau amur amǝnia yì agir ka aɓalǝ acautera male kat. Aɓea cau male ka, surǝe kwan kǝrkǝr, sǝ aɓwana mǝnana à ɗwanyi sǝlǝe sǝ à kǝ came amur cau mǝ'mwashati raka, à kǝ pūrǝ acautera male nǝ mgbasho, kǝla mǝnana à kǝ pak nǝ cili Amalǝmce ka. Mǝnia ka, nda gir mǝnana nǝ̀ nunmbia wia nggea kiɗikea mǝgule ka.

1 Yohana 4:6

Sǝ sǝm ngga, sǝm ndaka mala Ɓakuli. Aɓwana mǝnana a mala Ɓakuli na ka, à kǝ ok sǝm. Sǝ aɓwana mǝnana a mala Ɓakuli na raka, à kǝ ok sǝm ɗang. Anggo sǝ sǝm surǝ gir mǝnana gakita Bangŋo mǝ'mǝsǝcau nì andǝ mǝ'nyirì ka.

Yahuda 1:17

Sǝ wun, agyajam mem ngga, wu ɗenyi nǝ agir mǝnana amǝ'mishan mala Mǝtala sǝm Yesu Kǝrǝsti bang ɗiɗyal ama à nǝ̀ yia kumban ngga.

Sǝna 19:10

Lang ǝn ok cau mǝno ka, kara ǝn kpa a nzali a ɓadǝm mǝturonjar nǝma mǝ nǝ peri abani. Sǝ yì ka, banggam ama, “Awo, kǝa peri abanam ɗang! Mim ngga mǝ nda ɓeo guro andǝ ɓi guro ata amǝ'eambǝo amǝkwaɗi, mǝnana à kǝ banggi aɓwana cau amur Yesu ka. Peri aban Ɓakuli nǝmurǝì ɓǝrɓǝr, acemǝnana bangŋo mala ɓangna nda cau mala Yesu.”