2 Bitǝrus 3:17 - Maləmce Məfele mala Ɓakuli: Kurcau Məbəshe

¹⁷ Wun amǝ'eamrǝarǝu, mǝno ado wu surǝna mǝnia ka, wu tsǝkir wun, ɓǝ̀ ɓwarkio mala amǝ'ɓealɓikea mǝnia ka ɓǝ̀ kǝa gǝshi wun a bancame ma'wun, ɓǝ̀ kyan nǝ wun a kpa ɗang.

2 Bitǝrus 3:17 ပူးပေါင်းရင်းမြစ်များ

Matiu 16:11

Palang sǝ wu gandǝ sǝlǝ ama ǝn pa arǝ na cau amur bǝredi raka? Mǝ nda arǝ na ama wu par kir wun ce wu earnǝ yist mala amǝ Farisi andǝ amǝ Saduki ɗang.”

Matiu 16:6

Yesu nea wia ama, “Wu par kir wun, wu yal ɓamur rǝ wun arǝ yist mala amǝ Farisi andǝ amǝ Saduki.”

Matiu 7:15

Wu tsǝk kir wun arǝ amǝ'ɓangna mǝ'nyirì. Pak ka à kǝ ɓosǝki rǝia kǝla anzur, sǝ mǝsǝrǝia ka anvwa bondo mǝlulle na.

Yohana 16:4

Mǝ nda arǝ bangga wun agir mǝnia ka ado, ace mǝnana ɓǝ̀ pwari nì yi karǝna, sǝ à tinata pa wun tanni ka, ɓǝ̀ ɓalǝ wun kasǝa ama ǝn nunna kir wun. Ən bangga wun agir mǝnia ka atadǝmbe ɗang, acemǝnana banem nǝ̀ sauwa ata wun.

Amǝ Mishan 2:42

Pǝlǝa yia ka à paɓamuria aban ak kanigir aban amǝ'mishan, andǝ do a tarǝia, andǝ ligirlina a tarǝia, andǝ pakki ahiwi.

Amǝ Roma 16:18

Acemǝnana à ulang aɓwana mǝno ka, à pà aban pakki Mǝtala sǝm Kǝrǝsti turo ɗang, turo nzal kunia na à nakiyi ce ka. Nǝ kunɓoarna andǝ nacau mǝɓukɓuki sǝ à kǝ ɓosǝki ɗenyicau mala aɓwana mǝnana à surǝ kǝgir raka.

1 Amǝ Korinti 10:12

Ace mani ka, ɓǝ̀ a kǝ́ sǝni kǝla a camǝna kàngkàng ngga, tsǝk kiro pepe, ace mǝnana wu kǝa kpa ɗang!

1 Amǝ Korinti 15:58

Ace mani ka, wun amǝ'eambǝam, wu cam kàngkàng. Ɓǝ̀ kǝgir ɓǝ̀ kǝa gǝshi wun ɗang. Wu pita turo mala Mǝtalabangŋo koya pwari ka, acemǝnana wu sǝlǝna ama ɓe kǝ turo pà kàm wu nǝ̀ pe ace Mǝtalabangŋo, sǝ ture na ɓà ka ɗang.

2 Amǝ Korinti 11:3

Sǝa ma, ɓangciu kǝ pakkam, ɓǝ̀ kǝa do ama, kǝla mǝnana n'yau ɓosǝki Hawawu nǝ swarkiban male ka, ɓǝ̀ ɓosǝki ɗenyicau ma'wun, gandǝa wu nǝ̀ nying paɓamuru ma'wun mǝ'mǝsǝcau nì andǝ mǝɓoarnsari arǝ Kǝrǝsti ɗang.

Amǝ Galati 5:4

Acemǝnana ɓǝ̀ wu kǝ ɓariki ama, wu nǝ̀ kum akban aban Ɓakuli nǝ kpata Nggurcau ka, wu gauwuni tarǝ wun wunǝi yì Yesu, wu purni ɓata ɓwamuru mala Ɓakuli.

Amǝ Afisu 4:14

Anggo ka, pa sǝm nǝ̀ duk amuna ɗǝm ɗang. Pa sǝm nǝ̀ eare ɓǝ̀ sǝm nggǝ nggaɗiki ɗenyicau ma'sǝm arǝ gir mǝnana sǝm earǝna nǝi ka, nǝ koya bǝsa kanigir mala aɓwana amǝ ɓosǝkiban nǝ anyir aɓa kutan, mǝnana à kùrrì aɓa sǝmbǝrǝa ace swarkiban ngga ɗang.

Amǝ Filipi 3:2

Wu tsǝk kir wun arǝ anvwa mǝno, amǝ'ɓealɓikea, mǝnana à cam kingging nǝ cau mala kasǝ-ɓatau ace kum amsǝban ngga.

Amǝ Kolosi 2:5

Ko ɓǝ̀ do ama ǝn pa ata wun aɓa nggūrǝu raka, mǝ nda ata wun aɓa bangŋo. Sǝ ban kǝ ɓoaram arǝ gya a tarǝu ma'wun, andǝ came mala paɓamuru ma'wun nǝ rǝcandǝa aban Kǝrǝsti.

Amǝ Kolosi 2:8

Wu kǝa eari kǝɓwa ɓǝ̀ swarki wun nǝ makgir amur surǝe male mǝlime mana ɓe kǝ mǝɓoarne pà kàm a ɓalǝi raka. Ulang mǝno yì amakgir ka à kǝ pur aɓa kanigir mana à kumi a bu ɓwapǝndǝa, andǝ abangŋo mala ɓanza man, mǝnana mala Kǝrǝsti na raka.

2 Timoti 4:15

We gbal ka, tsǝk kiro a rǝì, acemǝnana kǝ munǝ arǝ koya cau sǝm bang ngga.

Amǝ Ibǝru 3:14

Ɓǝ̀ sǝm bwal kàngkàng arǝ guliarǝu ma'sǝm mana sǝm tinate nǝi sǝ kya bik masǝlǝate ka, gir mǝnana kat mala Kǝrǝsti na ka, sǝm nǝ̀ kumi ate.

1 Bitǝrus 5:9

Wu tamsǝ kusǝ wun kàngkàng aɓa paɓamuru ma'wun, wu ɓinǝi wi. Wu sǝlǝ ama aɓi wun amǝkwaɗi aɓa ɓanza kat ka, à nda ban nu ulang tanni ma'wun.

2 Bitǝrus 2:7

Sǝ Lotu mǝnana mǝɓealɓoarna na ka Ɓakuli amsǝi aɓa Sodom. Ɓakuli amsǝi acemǝnana yì ka, kuti aɓa ɗwanyi banɓoarnado andǝ bumkiɗikea arǝ do kìɗìkì mala nongginǝban mala amǝ'ɓealɓikea.

2 Bitǝrus 3:1

Wun amǝ'eamrǝarǝu, mǝnia ka nda ɓaria cautera mem aban ká aban wun. Aɓalǝia kǝm ngga, ǝn ɓariki mǝ nǝ kasǝɓalǝ wun arǝ agir mǝnana wu surǝnia, sǝ mǝ loasǝ aɗenyicau mǝɓoarne aɓalǝ wun.

Sǝna 2:5

Ɗenyi nǝ bancame mo mǝnana a ndakam ɗiɗyal sǝ a yi kpa ka! Pǝlǝ nzǝmo arǝ acauɓikea mo sǝ wu nyare arǝ agir mǝnana a pakkiyi ɗiɗyal atadǝmbe ka. Ɓǝ̀ a pǝlǝ nzǝmo arǝ cauɓikea mo a pwanzali raka, mǝ nǝ yipo, sǝ mǝ nǝ yia twal gir tamsǝ pitǝla mo aban came male.