2 Bitǝrus 3:15 - Maləmce Məfele mala Ɓakuli: Kurcau Məbəshe

¹⁵ Wu ɗenyi ama, munyi mala Mǝtalabangŋo ka, nda rǝ pe ɓwapǝndǝa dǝmbǝu ɓǝ̀ kum amsǝban. Mǝnia ka, nda gir mǝnana mǝ'eamrǝarǝu Bulǝs gbal ka gilǝa wun nǝ sǝlǝe mǝnana Ɓakuli pe wi ka.

2 Bitǝrus 3:15 ပူးပေါင်းရင်းမြစ်များ

Luka 21:15

Acemǝnana mǝ nǝ pa wun acau andǝ sǝlǝe mǝnana kǝɓwa pà kàm ata amǝɓinǝ múr wun mǝnana nǝ̀ gandǝ cam a kun wun, ko nǝ̀ makgir cau ma'wun ngga ɗang.

Amǝ Mishan 15:25

Ace mani ka sǝm yì kpapi, sǝ nǝ́ eare ma'sǝm kat sǝ sǝm twal aɓwana sǝm turia aban wun, a tarǝia andǝa Barnabas andǝ Bulǝs, yia mana sǝm earkiyi acea raka.

Amǝ Mishan 7:10

amsǝi aɓalǝ atanni male. Pe wi múrɓoarna andǝ sǝlǝe a ɓadǝm Firona, Murǝm Masar, pǝlǝa murǝm Masar tsǝk Yisǝfu ɓǝ̀ duk nggwamna mala nzali Masar, sǝ amur ɓala male kat yì Murǝm.

Amǝ Mishan 9:17

Pǝlǝa Hananiya lo kya kutio a ɓala mǝnana Sawul ndakam ngga. Tsǝk bui amur Sawul, sǝ na ama, “Mǝ'eamrǝarǝu Sawul, Mǝtalabangŋo Yesu mana pusǝrǝi abano amur njargula mǝnana a yiu nǝi ka, turam ace mǝnana wu kum sǝnban ɗǝm, sǝ wu lumsǝ nǝ Bangŋo Mǝfele.”

Amǝ Roma 2:4

We ka, a sǝn nggea ɓwamuru, andǝ twal gandǝa, andǝ munyi mala Ɓakuli mǝnana ndanǝi a rǝo raka re? Mǝnia ka kǝgir na abano re? A sǝlǝ ado ama ɓwamuru male ka nda ace mǝnana nǝ̀ nyesǝo wu pwanzali abani, wu nying buo arǝ cauɓikea ka re?

1 Amǝ Korinti 12:8

Ɓe ɓwa ka, Bangŋo pe wi cau mǝnana lumsǝ nǝ sǝlǝe ka, sǝ ɓǝ̀ ɓwa ka, Bangŋo pe wi cau mǝnana lumsǝ nǝ surǝe ka.

1 Amǝ Korinti 2:13

Ace mani ka, aɓa nacau ma'sǝm ngga, sǝm nggǝ pakturo nǝ gir mǝnana à kania sǝm nǝ sǝlǝe mala ɓwapǝndǝa ka ɗang. Cau ma'sǝm nda kǝ mǝnana Bangŋo mala Ɓakuli kania sǝm ngga. Kǝ nda sǝm nggǝ mǝnggi ɓa mǝnia yì mǝsǝcau mala Bangŋo ka, aban aɓwana mǝnana gbal à ndanǝ Bangŋo mala Ɓakuli ka.

1 Amǝ Korinti 3:10

Nǝ ɓwamuru mala Ɓakuli mǝnana lǝmndǝam ngga, ǝn pak turo a pe mala mǝsǝlǝɓa, ǝn tsǝk kusǝɓǎ, sǝ ɓeɓwa yiu kǝ ɓak ɓa amuri. Sǝ koyan aɓalǝ sǝm ngga ɓǝ̀ tsǝk kiri, ɓǝ̀ ɗenyi nǝ ulang ɓa mǝnana kǝ ɓak ka.

Amǝ Afisu 3:3

Kǝla mǝnana ǝn ak dǝmbǝa ǝn gilǝa wun cau amuri mgbeatuk ka, Ɓakuli nǝ nggearǝì, nǝ̀ mǝnggiam ɓa kane male mǝnana nda aɓa sǝmbǝrǝa ka.

1 Timoti 1:16

Sǝ àkǝ̀ ce mǝnia ka Ɓakuli sǝn mǝsǝswatǝr mem amsǝam, ace mǝnana ɓǝ̀ Kǝrǝsti Yesu pak turo nǝ mim, nggea mǝ'cauɓikea mana karban kat ka, ace lǝmndǝ munyi male mǝnana maɗanyi pà kàm raka a rǝam, ɓǝ̀ aɓwana sǝni. Sǝ anggo, acili aɓwana nǝ̀ sǝlǝ ama yia gbal ka, à nǝ̀ gandǝ paɓamuria abaní, à nǝ̀ kum yilǝmu mana málá male pà kàm raka.

Jemis 1:5

Ɓǝ̀ kǝɓwa aɓalǝ wun ɗwanyi sǝlǝe ace pak mǝɓoarne ka, ɓǝ̀ zǝmbǝa aban Ɓakuli mǝnana kǝ pa nǝ ɓabumi kat nggwani pà kàm raka. Sǝ à nǝ̀ pe wi.

Jemis 3:17

Sǝ sǝlǝe mǝnana pur nǝ kuli ka mǝɓoarnsari na, sǝ ndanǝ earce dotarǝu, nda ɓukɓuk aɓa pa male, kǝ ɗenyi nǝ aɓwana, lumsǝ nǝ mǝsǝswatǝr andǝ aturo mǝɓoarne, kǝ lǝmndǝ tàrban ɗang sǝ kǝ pak gir aɓa mǝsǝcau.

1 Bitǝrus 3:20

Amǝnia ka, à ndaka abangŋo mǝnana à mgbiki Ɓakuli kiru a pwaryan a nza mala Nuhu, a baku mǝnana Nuhu na aban shar nggea waru male, sǝ Ɓakuli na arǝ kundǝo nǝ́ munyi ka. Kǝ aɓwana tongno-nong-tārú na à amsǝia amǝno yì nggea-murgula ka.

2 Bitǝrus 3:2

Ən nggǝ earce nǝma ɓǝ̀ wu ɗenyi nǝ acau mǝnana amǝ'ɓangna mǝfele mala Ɓakuli bangŋi a pwaryan, sǝ ɓalǝ wun ɓǝ̀ kǝa lorǝ nzongcau mǝnana Mǝtalabangŋo, Mǝ'amsǝban pá nǝ bu amǝ'mishan ma'wun ngga ɗang.

2 Bitǝrus 3:9

Mǝtalabangŋo kǝ dǝndi arǝ lumsǝ pacau male, kǝla mana aɓea ɓwana kǝ twali ka ɗang. Awo, yì ka, ndanǝ munyi ace wun. Eare ama ɓǝ̀ kǝ ɓwa ɓǝ̀ kìɗìkì ɗang. Eare male ka koyan ngga, ɓǝ̀ pwanzali ɓǝ̀ pǝlǝ nzǝmi arǝ acauɓikea male.