2 Bitǝrus 3:14 - Maləmce Məfele mala Ɓakuli: Kurcau Məbəshe

¹⁴ Ace mani ka, wun amǝ'eamrǝarǝu, mǝno ado wu nda aban kundǝ amǝnia yì agir ɓǝa yiu ka, wu ɓariki wu do aɓa ɓoarnsari, andǝ ɗwanyi cau a rǝǔ, sǝ wu dukdo rǝpwala.

2 Bitǝrus 3:14 ပူးပေါင်းရင်းမြစ်များ

Matiu 24:26

Ɓǝ̀ kǝɓwa na wun ama, “Kǝrǝsti na ko a ɓabondo ka,” ce wu kyan ɗang; ko ɓǝa na ama, “Ndya sǝmbǝrǝa a ɓakurǝm ngga,” wu kǝa earnǝi ɗang.

Matiu 25:7

Pǝlǝa ansarina mǝnia lo kat sǝ à kutia gilǝki apitǝla malea.

Luka 12:43

Mǝno yì muna-ɓala ka ndanǝ banɓoarnado yi mǝnana ɓǝ̀ mǝtala-ɓala male nyare yi kumi ndaban pak turo mǝnana à pe wi ka.

Luka 2:29

“A dyan ngga we Mǝtalabangŋo mǝnana a Karban kat ka, nying guro mo ɓǝ̀ o aɓa rǝpwala, kǝla mana a bang ngga.

1 Amǝ Korinti 1:8

Yì ka, nǝ̀ bwala wun nggam, wu nǝ̀ dum nǝ rǝcandǝa ba masǝlǝate, ace mǝnana ɓǝa kǝa kum wun nǝ ɓe kǝ cau arǝ wun a pwari yiu mala Mǝtala sǝm Yesu Kǝrǝsti ɗang.

1 Amǝ Korinti 15:58

Ace mani ka, wun amǝ'eambǝam, wu cam kàngkàng. Ɓǝ̀ kǝgir ɓǝ̀ kǝa gǝshi wun ɗang. Wu pita turo mala Mǝtalabangŋo koya pwari ka, acemǝnana wu sǝlǝna ama ɓe kǝ turo pà kàm wu nǝ̀ pe ace Mǝtalabangŋo, sǝ ture na ɓà ka ɗang.

Amǝ Filipi 1:10

Acemǝnana ǝn nggǝ earce ama, ɓǝ̀ wu bwalta gir mǝnana ɓoaro kutibanì wu nǝ̀ twal ka, sǝ anggo ka wu nǝ̀ dukdo ɓoarnsari andǝ ɗwanyi cau a rǝǔ, ace Pwari nyare mala Kǝrǝsti.

Amǝ Filipi 2:15

Anggo ka, wu nǝ̀ duk amuna mala Ɓakuli amǝ ɗwanyi cau a rǝǔ, amǝɓabum ɓoarnsari, andǝa mǝnana à pà nǝ̀ kum kǝ mǝɓane a rǝia raka. Wu nǝ̀ dukdo anggo aɓalǝ aɓwana mala nza mǝ ɗwanyi mǝsǝcau andǝ mǝ kpata njar kiɗiki, mǝnana wu nǝ̀ nggǝ tǎ aɓalǝi kǝla anlero aɓa ɓanza ka.

Amǝ Filipi 3:20

Sǝ ma'sǝm ngga, sǝm nda ka aɓwana mala kuli. Sǝm nda ban kundǝ nyare yiu mala Mǝ'amsǝ sǝm nǝ kuli, yì Mǝtalabangŋo Yesu Kǝrǝsti.

1 Amǝ Tasalonika 3:13

Anggo ka nǝ̀ pa wun rǝcandǝa mala ɓabum ace do tár ɓamuru ace Ɓakuli, andǝ ɗwanyi cau a rǝǔ a ɓadǝm Ɓakuli ma'sǝm mǝnana nda Tarrû ka, a pwari mǝnana yì Mǝtala sǝm Yesu nǝ̀ yiu nǝi, andǝ amǝturonjar male kat ka. Amin.

1 Amǝ Tasalonika 5:23

Adyan ngga, Ɓakuli mana pākiyi dorǝpwala ka, nǝ ɓamuri ɓǝ̀ tàr wun, ɓǝ̀ wu duk amale arǝ anjari pupup. Ɓǝ̀ yál bangŋo ma'wun, andǝ yilǝmi wun, andǝ nggūrǝ wun kat ɓǝa do aɓa ɗwanyi cau a rǝǔ a pwari mǝnana Mǝtala sǝm Yesu Kǝrǝsti nǝ̀ nyar nǝi ka.

1 Timoti 6:14

Kpata nzongcau mǝnia ka nǝ ɓabumo mwashat andǝ ɗwanyi cau a rǝǔ, twal adyan ba pwari nyare yiu mala Mǝtala sǝm, Yesu Kǝrǝsti.

Amǝ Ibǝru 9:28

anggo gbal, Kǝrǝsti wu kusǝ mwashat ɓǝrɓǝr ace mǝnana ɓǝ̀ twalban cauɓikea mala ɓwapǝndǝa pas ka. Nǝ̀ ngga yiu ɗǝm, sǝ pà ace twalban cauɓikea ɗang, nda ace mǝnana nǝ̀ yia amsǝ aɓwana mǝnana à kǝ kundǝi nǝ rǝɓǝla ka.

Jemis 1:27

Kwaɗi mǝɓoarnsari, mǝɓafoe mǝnana Ɓakuli Tár sǝm earkiyice ka, nda tsǝkir akawa andǝ aman-lú aɓalǝ atanni malea, andǝ ɓanggi pǝndǝkiban mala ɓanza.

1 Bitǝrus 1:7

Amǝnia yì akárǝkiban ngga, à nda à nǝ̀ lǝmndǝ ama paɓamuru ma'wun ngga, mǝɓafoe na ka. Ko nggearǝ zǝnariya mǝnana kǝ kiɗiki ka, à kǝ mwami nǝ bǝsa; anggo gbal, paɓamuru ma'wun mǝnana doɓoaro male kuti mala zǝnariya ka, dumǝna pup à nǝ̀ mwami, ace mǝnana ɓǝa sǝn came male aɓa mǝkwane ka. Anggo ka sǝ wun nǝ̀ kum ɓwangsǝban, andǝ ɓoarɓwa, andǝ gusǝlǝban aban Ɓakuli, a Pwari mǝnana Yesu Kǝrǝsti nǝ̀ lǝmndǝna rǝì nǝi aban ɓwapǝndǝa kat ka.

2 Bitǝrus 3:1

Wun amǝ'eamrǝarǝu, mǝnia ka nda ɓaria cautera mem aban ká aban wun. Aɓalǝia kǝm ngga, ǝn ɓariki mǝ nǝ kasǝɓalǝ wun arǝ agir mǝnana wu surǝnia, sǝ mǝ loasǝ aɗenyicau mǝɓoarne aɓalǝ wun.

2 Bitǝrus 3:16

Kǝ na cau amur amǝnia yì agir ka aɓalǝ acautera male kat. Aɓea cau male ka, surǝe kwan kǝrkǝr, sǝ aɓwana mǝnana à ɗwanyi sǝlǝe sǝ à kǝ came amur cau mǝ'mwashati raka, à kǝ pūrǝ acautera male nǝ mgbasho, kǝla mǝnana à kǝ pak nǝ cili Amalǝmce ka. Mǝnia ka, nda gir mǝnana nǝ̀ nunmbia wia nggea kiɗikea mǝgule ka.

1 Yohana 3:3

Sǝ ɓwa mǝnana kat ndanǝ mǝnia yì tsǝkɓalǝu ka, kǝ dukdo ɓoarnsari, kǝla mǝnana Yesu ka mǝɓoarnsari na ka.