2 Bitǝrus 2:6 - Maləmce Məfele mala Ɓakuli: Kurcau Məbəshe

⁶ Ɗǝm ngga Ɓakuli ɓasha anggea-là mala amǝ Sodom andǝ mala amǝ Gomora, pisǝia à pǝlǝ agigi mala tú. Pǝlǝa cia à duk girkani arǝ gir mǝnana nǝ̀ kum amǝ ɗwanyi kpata Ɓakuli.

2 Bitǝrus 2:6 ပူးပေါင်းရင်းမြစ်များ

Matiu 10:15

Ən nggǝ na wun mǝsǝcau, a pwari ɓashi ka, amǝ Sodom andǝ amǝ Gomora ka, ɓashi malea nǝ̀ ɓoari mala amǝla mǝno.

Matiu 11:23

Sǝ we Kapanahum ngga, ama à nǝ̀ loasǝo a kuli le? Awo, a nggearǝ nzali a tuli-lú sǝ à nǝ̀ yinǝ we. Ɓǝ̀ ama agir-ndali mana ǝn pakkia a ɓalǝo ka ǝn pangŋǝnia a Sodom ngga ɓǝ yalung ngga ndakam piu.

Amǝ Roma 9:29

Kǝla mǝnana Ishaya ak dǝmbǝa bangŋa ama: “Ɓǝ̀ Mǝtalabangŋo mana Kar múr gulo kat nyingma sǝm amǝkau raka, ɓǝ́ sǝm dumǝna kǝla amǝ Sodom, ɓǝ́ sǝm pǝlǝna kǝla amǝ Gomora.”

1 Amǝ Korinti 10:11

Amǝnia yì agir kumia ka, à dumǝna sǝm agirkani, sǝ à gilǝia ace nunkir sǝm, sǝm mǝnana ado masǝlǝata anza yina amur sǝm ngga.

Amǝ Ibǝru 4:11

Ace mani ka, ɓǝ̀ sǝm ɓariki, ɓǝ̀ sǝm kutio a mǝno yì usǝlǝo ka. Sǝ ɓǝ̀ sǝm mgbiki Ɓakuli kiru, kǝla mǝnana amǝ Isǝrayila pak ka, pa sǝm nǝ̀ kuti kam ɗang.

Yahuda 1:15

ace yinǝ ɓashi amur ɓwapǝndǝa kat. Nǝ̀ yia mak aɓwana kat mǝnana à surǝ Ɓakuli raka nǝ ɓashi, ace agir mǝnana kat à pea aɓa do malea mala ɗwanyi surǝ Ɓakuli ka, andǝ acau mǝɓike mǝnana amǝ'cauɓikea, amǝ ɗwanyi surǝ Ɓakuli ne amuri ka.”

Yahuda 1:7

Ɗǝm ngga wu ɗenyi nǝ gir mǝnana kum amǝ Sodom andǝ Gomora, andǝ acili ala mǝnana abania tu, mǝnana à kuti aɓa do kìɗìkì mala nonggi nǝ rǝarǝu andǝ pakki agir suno nongnǝban mǝnana kyanggi do mǝɓoarne ka, kǝla mana amǝturonjar mǝno pe ka. Ɓakuli sok bǝsa amuria, ace mǝnana ɓǝ̀ duk girkani aban aɓwana kat, mala pibǝsa mǝnana malkiyi raka.