2 Bitǝrus 2:13 - Maləmce Məfele mala Ɓakuli: Kurcau Məbəshe

¹³ Kiɗikea malea ka, tangnakusǝia na ace ɓealɓikea mǝnana à lǝmndǝi ka. Do kìɗìkì mala likiali andǝ nukiagir nǝ nggea pwari a kuli ka, à nyesǝi banɓoarnado na abania. Aban likwar ata wun ngga à duk agir kǝsǝkya andǝ agir ɓǝsǝkiban aɓalǝ wun, à panzǝ rǝia arǝ pak banɓoarnado nǝ pakkiagir ɓosǝkiban malea.

2 Bitǝrus 2:13 ပူးပေါင်းရင်းမြစ်များ

Amǝ Roma 13:13

Ɓǝ̀ sǝm dukdo ɓealǝu ɓoarnsari kǝla aɓwana mǝnana à nda aɓa tǎlaban mala pwari ka. Pà aɓa nukiagir ko wal wale, andǝ kiɗiki mala nonggi nǝ rǝarǝu ko alta banɓoarnado mala pakki agir kǝsǝkya, andǝ munǝki-amunǝo ko mɓali ka ɗang.

Amǝ Afisu 5:27

Pak mǝnia ka, ace mǝnana ɓǝ̀ yina ace twal ikǝlisiya nǝ̀ pe ɓamuri ka, ɓǝa kumi gǝraɗau aɓa ɓoarnsari, mǝnana kǝgir dung, ko kpami, ko kǝgir mǝpǝndǝke pa a rǝì raka; ɓǝ̀ kumi aɓa do tar ɓamuru ace Ɓakuli andǝ ɗwanyi cau a rǝǔ.

Amǝ Filipi 3:19

Masǝlǝatea ka, kiɗiki na. Ɓakuli malea nda bumia, agir kǝsǝkya à nda ka agir jali malea, sǝ ɓabumia ka nda amur agir ɓanza.

2 Timoti 4:14

Alizanda mǝntul, pakkam gir kwan rǝǔ kǝrkǝr. Ɓakuli nǝ̀ ɓashi wi ace agir mǝnana pak ka.

Jemis 5:5

Wu dumǝna a ɓanza aɓa mǝɓoarne mala kume andǝ liki agir meang'meang mana ɓabum wun earkiyice ka. Wu nda kǝla andá-lǝsǝa mǝ'nyangge mǝnana à nǝ̀ ngga pwan mealia ka.

1 Bitǝrus 4:4

Ado ka, agyajam ma'wun mǝnana ɗiɗyal ka, à kǝ ndali acemǝnana wu kǝ kpapi wunǝia ɗǝm aɓa mǝno yì do-kiɗìkì andǝ ɗwanyi bwalrǝu ka ɗang. Nda gir nî sǝ à kǝ sanggi wun,

2 Bitǝrus 2:15

À nyingŋǝna njar mala mǝsǝcau sǝ à ɓwarkini tanjar mǝɓoarne. À kpanata njar mala Balaam muna mala Beyo, mǝnana earce kum boalo nǝ njar gir mala cauɓikea ka.

Sǝna 18:6

Ɓǝa mbweki wi a kuni, kǝla mǝnana pakki aɓea ɓwana ka. Ɓǝa ci ɓǝ̀ mbwe kusǝ ɓari arǝ agir mǝnana pea ka. Ɓǝa mbwe ɓǝ̀ nu nggea mǝɓane mana lullo male ka kar mǝnana pea aɓea ɓwana sǝ à nu ka, kusǝ ɓari.