2 Bitǝrus 2:1 - Maləmce Məfele mala Ɓakuli: Kurcau Məbəshe

¹ Sǝ amǝ'ɓangna mǝ'nyirì gbal ka à lo aɓalǝ amǝ Isǝrayila, sǝ kǝla mǝno ka amǝkanigir mǝ'nyirì nǝ̀ ngga lo aɓalǝ wun. Aɓa kutan à nǝ̀ yiu nǝ akanigir mǝ'nyirì mǝnana à nǝ̀ kiɗikina paɓamuru mala aɓwana nǝia ka, yale à nǝ̀ tǝmce Mǝtalabangŋo mǝnana akmúr sǝm aɓalǝ acauɓikea ma'sǝm ngga. Anggo sǝ à nǝ̀ nunmbi ɓamuria kiɗikiban a kaurǝa.

2 Bitǝrus 2:1 ပူးပေါင်းရင်းမြစ်များ

Matiu 10:33

Sǝ ɓwa mǝnana makgir surǝam a dǝmbǝa ɓwana ka, mim gbal ka mǝ nǝ makgir surǝe a ɓadǝm Tárram mǝnana a kuli ka.

Matiu 24:11

Amǝ'ɓangna mǝ'nyirì pas nǝ̀ yia puro à nǝ̀ ɓosǝki aɓwana pas.

Matiu 24:24

Acemǝnana akǝrǝsti mǝ'nyirì andǝ amǝ'ɓangna mǝ'nyirì à nǝ̀ puro sǝ à nǝ̀ pakki agir-lǝmndǝa mǝgulke andǝ agir-ndali ace swarki aɓwana, yale ɓǝa nǝ̀ gandǝi ka, nggearǝ aɓwana mǝnana Ɓakuli tarkia ka, à nǝ̀ ɓosǝkia.

Matiu 24:5

Acemǝnana aɓwana pas nǝ̀ ngga yiu aɓa lullǝam à nǝ̀ na ama à ndaka Kǝrǝsti, sǝ à nǝ̀ ɓosǝki aɓwana pas.

Matiu 7:15

Wu tsǝk kir wun arǝ amǝ'ɓangna mǝ'nyirì. Pak ka à kǝ ɓosǝki rǝia kǝla anzur, sǝ mǝsǝrǝia ka anvwa bondo mǝlulle na.

Markus 13:22

Acemǝnana akǝrǝsti mǝ'nyirì andǝ amǝ'ɓangna mǝ'nyirì à nǝ̀ purkio, à nǝ̀ pakki agir-lǝmndǝa andǝ agir-ndǝlǝki ɗàngɗáng, ace ɓosǝki aɓwana mǝnana Ɓakuli tarkia ka, ɓǝa à nǝ̀ gandǝi ka.

Luka 12:9

Sǝ ɓwa mǝnana kat makgir surǝam a ɓadǝm ɓwapǝndǝa ka, mǝ nǝ makgir surǝe gbal a ɓadǝm amǝturonjar mala Ɓakuli.

Luka 21:8

Sǝ Yesu pǝlǝia wia ama: Wu parkir wun ɓǝa kǝa swarki wun ɗang. Acemǝnana aɓwana pas à nǝ̀ yiu aɓa lullǝam, à nǝ̀ nggǝ bangŋa ama, yia ka à nda ka Kǝrǝsti, ɗǝm ngga à nǝ̀ na ama, “Pwari gbashina!” Wu kǝa kpata cau malea ɗang.

Luka 6:26

Caukwanban na nǝ wun mǝnana koyan ngga kǝ ɓwangsǝ wun ngga, acemǝnana anggo sǝ akea a pwaryan ɓwangsǝ amǝ'ɓangna mǝ'nyir nì.

Amǝ Roma 16:18

Acemǝnana à ulang aɓwana mǝno ka, à pà aban pakki Mǝtala sǝm Kǝrǝsti turo ɗang, turo nzal kunia na à nakiyi ce ka. Nǝ kunɓoarna andǝ nacau mǝɓukɓuki sǝ à kǝ ɓosǝki ɗenyicau mala aɓwana mǝnana à surǝ kǝgir raka.

1 Amǝ Korinti 11:19

Dumǝna púp kun wun nǝ̀ gakia, ace mǝnana aɓwana mǝnana aɓalǝ wun nǝ mǝsǝcau mala Ɓakuli ka, ɓǝa surǝia.

1 Amǝ Korinti 6:20

Yesu kúr wun nǝ gǝna mǝkǝrkǝr nì. Ace mani ka, wu gusǝlǝ Ɓakuli nǝ nggūrǝ wun.

1 Amǝ Korinti 7:23

Kǝrǝsti ka kúrna wun nǝ boalo mǝgule; ace mani ka wu kǝa duk aguro mala aɓwapǝndǝa ɗǝm ɗang.

Amǝ Galati 2:4

Mǝno yì cau ka lo, ace aɓea ɓwana mǝnana à na ama à nda ka amǝ kpata Yesu, sǝ ɓafo à nda raka. Yia ka, à kutio aɓalǝ sǝm zàng, à kǝ shenzǝki sǝm, à kǝ earce iu panzǝban mǝnana sǝm ndanǝi aɓa Kǝrǝsti Yesu ka. À kǝ ear ama à nǝ̀ nyesǝ sǝm ɓǝ̀ sǝm duk guro mala anggurcau mala amǝ Yahudi.

Amǝ Galati 3:13

Sǝa ma do mana Kǝrǝsti yi duk su-ɓwa ace sǝm ngga, angŋǝna mur sǝm a ɓabu suban mǝnana Nggurcau yinǝi ka. Acemǝnana à gilǝa aɓa Malǝmce ama, “Suban na amur koya ɓwa mǝnana à gyari a nggun ngga.”

Amǝ Galati 4:17

Amǝno yì amǝkanigir mǝ'nyir nì ka, à ndanǝ rǝɓǝla arǝ alta ɓabum wun, sǝ ɗenyicau malea aban wun ngga, mǝɓoarne na ɗang. À kǝ ɓariki ama ɓǝ̀ sǝm gau sǝnǝa wun, ace mǝnana kǝ̀ yia na ɓǝ̀ wu kǝ okia wia ka.

Amǝ Galati 5:20

andǝ kpata agir mala alú, andǝ pakkia agir monzǝo, andǝ ɓinǝ-mǝsǝarǝu, andǝ munǝki arǝarǝu, andǝ mɓali, andǝ nggea bumlulla mǝɓane, andǝ earce ɓamuru, andǝ gakitarǝu, andǝ tarki rǝarǝu,

Amǝ Afisu 1:7

Yì ka, mǝsǝswatǝr andǝ ɓwamuru male ka à gul kǝrkǝr, nda sǝ yi kúr panzǝban ma'sǝm nǝ nkila mala Muni, pǝlǝa twala sǝm ban acauɓikea ma'sǝm ngga.

Amǝ Afisu 4:14

Anggo ka, pa sǝm nǝ̀ duk amuna ɗǝm ɗang. Pa sǝm nǝ̀ eare ɓǝ̀ sǝm nggǝ nggaɗiki ɗenyicau ma'sǝm arǝ gir mǝnana sǝm earǝna nǝi ka, nǝ koya bǝsa kanigir mala aɓwana amǝ ɓosǝkiban nǝ anyir aɓa kutan, mǝnana à kùrrì aɓa sǝmbǝrǝa ace swarkiban ngga ɗang.

Amǝ Filipi 3:19

Masǝlǝatea ka, kiɗiki na. Ɓakuli malea nda bumia, agir kǝsǝkya à nda ka agir jali malea, sǝ ɓabumia ka nda amur agir ɓanza.

Amǝ Kolosi 2:18

Wu kǝa eare ɓǝ̀ kǝ ɓwa mǝ'earce pakkiagir nyesǝmuru mǝ'nyirì andǝ mǝperi aban amǝturonjar nyesǝ ce wun ɓà nǝ na cau gula ama sǝna na sǝn amur amǝnia yì agir ka ɗang. Acau mala ɓwa kǝla mǝno ka amǝɓane na, acemǝnana yì ka, lumsǝ nǝ twalɓamuru, sǝ ɗenyicau male ka, mala earce gir mala ɓamuri na.

Amǝ Kolosi 2:8

Wu kǝa eari kǝɓwa ɓǝ̀ swarki wun nǝ makgir amur surǝe male mǝlime mana ɓe kǝ mǝɓoarne pà kàm a ɓalǝi raka. Ulang mǝno yì amakgir ka à kǝ pur aɓa kanigir mana à kumi a bu ɓwapǝndǝa, andǝ abangŋo mala ɓanza man, mǝnana mala Kǝrǝsti na raka.

1 Timoti 5:8

Sǝ ko ɓǝ̀ ya ɓwa na kat mǝnana kǝ tsǝk kir aɓǝla male, nggeamurǝmi ka amǝɓala male raka, man yì ɓwa ka pangŋǝna ce paɓamuru male ɓa, yale ɓwa mǝnana surǝ Ɓakuli raka, ɓoari wi.

2 Timoti 4:3

Acemǝnana pwari na kǝ yiu ka, mǝnana ɓwapǝndǝa pa nǝ̀ earnǝ kanigir mǝɓoarne raka. A kun mani ka, à nǝ̀ rambǝa amǝkanigir a rǝia mǝnana à nǝ̀ pwasǝ bumia nǝ nea wia gir mǝnana kiria kǝ oākia a rǝì, sǝ à earkiyi ce oe ka.

Titus 1:11

Amǝnia yia aɓwana ka, ɓǝa tamsǝia arǝ kani amǝkwaɗi gìr, acemǝnana nǝ akanigir mǝɓane malea ka, à nda ban tsǝk amǝɓala kat ɓǝa nying kpata kanigir mǝnana nda pepe ka. Tǝ́r kanigir mala amǝnia yì aɓwana ka, nda ace alta boalo mǝnana à nǝ̀ kumo a ɓalǝi ka.

Titus 3:10

Ɓwa mǝnana kǝ yinǝ gakia ka, kanì a nunkiri kusǝ mwashat, andǝ ɓaria, sǝ nggaɗi raka, nying buo arǝ ɓwe.

Amǝ Ibǝru 10:29

Sǝ mala ɓwa mǝnana ɓǝsǝki Muna mala Ɓakuli, parki a ɓakusǝi, sǝ nyesǝ ce nkila male ɓà, kǝla gir mǝfele na raka, ɓashi male nǝ̀ ɓiki pa kǝrkǝr. Acemǝnana mǝnia yì nkila ka nda nkila mala kurcau mǝnana panzǝi aɓalǝ acauɓikea male ɓǝ̀ duk mala Ɓakuli ka. Sǝ ɗǝm ngga ɓǝ̀ mǝno yì ɓwa ka sanggi Bangŋo Mǝfele mǝnana kǝ yinǝ ɓwamuru mala Ɓakuli amur sǝm ngga, ɓashi mǝnana nǝ̀ sulǝo amuri ka, nǝ̀ ɓiki pa kǝrkǝr.

1 Bitǝrus 1:8

Kat andǝ amani ama wu malaká sǝni àkǝ̀ pwari raka, wu kǝ earce; sǝ kat andǝ amani ama wu kǝ sǝni ado raka, wu earnǝi, sǝ wu kǝ pak banɓoarnado kǝrkǝr, ulang mǝnana gulo male ka mburkun pa nǝ̀ gandǝ bangŋe raka.

2 Bitǝrus 2:3

Nzumon malea nǝ̀ cea à nǝ̀ yiu nǝ acau swarkiban aɓa kutan, à nǝ̀ ɓǝmbǝri wun. Ɓakuli angŋǝna dǝmbǝa ɗiɗyal kasǝnia ɓashi, sǝ kiɗikea malea ka, ceì nong ɗang.

1 Yohana 2:26

Mǝ nda ban gilǝa wun amǝnia yì agir ka, ace nunkir wun arǝ aɓwana mǝnana à kǝ earce à nǝ̀ tsǝk wun, ɓǝ̀ wu ɓwarki ka.

1 Yohana 4:1

Wun agyajam mem, wu kǝa earnǝ koya ɓwa mǝnana kat twali ɓamuri ama ndanǝ Bangŋo mala Ɓakuli ka ɗang. Wu karǝkia, wu sǝni ko à pur nǝban Ɓakuli. Acemǝnana amǝ'ɓangna mǝ'nyirì pas kutina a ɓanza.

Yahuda 1:18

À bangŋǝna wun ama: “A masǝlǝata apwari ka, amǝ oalban arǝ njar dokwaɗi nǝ̀ yia puro, aɓwana mǝnana ɓa do malea ka nda kpata anpel malea mala ɗwanyi surǝ Ɓakuli.”

Yahuda 1:4

Ən bangŋa anggo acemǝnana aɓea aɓwana mana à kǝ ɓanggi Ɓakuli raka, à swarǝ́na zàng, à kutikina aɓalǝ wun. À nda ka ɓwana mǝnana à nyesǝ ɓwamuru mala Ɓakuli ma'sǝm pǝlǝia wia njar pakki agirɓana mala nonggi nǝ rǝarǝu, sǝ à kǝ ginǝki kǝ Múr sǝm, Mǝtala sǝm, Yesu Kǝrǝsti. Ɓashi mǝnana nda amuria ka Ɓakuli angŋa dǝmbǝa gilǝni ɓara-ɓara.

Sǝna 13:14

Nǝ agir-ndǝlǝki mǝnana à eari wi ɓǝ̀ pea a ɓadǝm nyamɓikea mǝdǝmbe ka, twalo swarki aɓwana kat mǝnana à nda ka amǝkpata ɓanza man ngga. Cia ɓǝa ɓak ɓǝ̀nzál mala nyamɓikea mǝdǝmbe mǝnana à tsǝki wi mpenye nǝ nggeabyau ɓǝ́ nǝ̀ wal-lui sǝ yi au ka.

Sǝna 2:13

Ən sǝlǝna ama ban mǝnana a ndakam nǝ do ka, bunomurǝm mala Shetan na abanì. Sǝ kat andǝ mǝno ka, a cam kàngkàng aɓa kpatam. A makgir paɓamuru mo abanam ɗang, ko a nggearǝ baku mǝnana à wal lú Antipas, mǝ'nakunam mǝ'mǝsǝcau nì, mǝnana à wal-lui acem, a nggeala ma'wun, àkǝ̀ ban mǝnana Shetan duki kam ngga.

Sǝna 2:9

Ən sǝlǝna rǝ ce tanni mǝnana a nda a ɓalǝi ka. Sǝ ǝn sǝlǝna rǝ ce tǝ̀r mo, sǝ kat andǝ mǝno ka, a nda mǝkume! Mǝ ndanǝ sǝlǝe mala acau kiɗiki ɓwa mǝnana amǝ ɓinǝmǝsǝo bangŋa a muro ka; yia ka à ndaka aɓwana mǝnana à twali ɓamuria ama à ndaka amǝ Yahudi, sǝ à nda raka. Aɓwana mala ndakpapi mala Shetan na.

Sǝna 3:8

Ən surǝ aturo mo. Sǝni ǝn mǝnbǝno kunkurǝm a ɓadǝmbǝo mǝnana kǝɓwa kārǝa nǝ̀ gìrì raka. Ən sǝlǝna ama rǝcandǝa mo na bǝti, sǝ kat andǝ amǝno ka, a bwal cau mem, a kpate, sǝ a ginǝce lullǝam ɗang.

Sǝna 5:9

Pǝlǝa agiryilǝmu andǝ aɓwana-mǝgule mǝno tu bǝsa nggyal ama: “A karǝna wu ak malǝmce nî, sǝ wu fasǝki amyang-kuni. Acemǝnana we ka à pwanmealo, sǝ nǝ nkilio sǝ a akmúr aɓwapǝndǝa ace Ɓakuli, aɓa koya kun, andǝ koya lasǝu, andǝ aɓwana arǝ anzali ɗàngɗáng.

Sǝna 6:10

À loasǝ gia kǝrkǝr à ɓua aban Ɓakuli ama, “She aya fara le, we Mǝtalabangŋo mǝnana a Karban kat ka! We mǝfele andǝ mǝ'mǝsǝcau nì, aya fara sǝ a nǝ pakki ɓanza ɓashi, sǝ a ya pwari sǝ a nǝ mbwea ace nkila ma'sǝm mǝnana à sukki ka?”