2 Bitǝrus 1:8 - Maləmce Məfele mala Ɓakuli: Kurcau Məbəshe

⁸ Ɓǝ̀ wu ndanǝ amǝnia yì aɓealǝu, sǝ à nǝ̀ nggǝ gul aɓalǝ wun ngga, pa wu nǝ̀ gatti aɓalǝ aturo ɗang, sǝ surǝgir ma'wun amur Mǝtala sǝm Yesu Kǝrǝsti ka, nǝ̀ duk gir mǝɓoarne andǝ gbasha aban aɓwana.

2 Bitǝrus 1:8 ပူးပေါင်းရင်းမြစ်များ

Matiu 13:22

Mǝnana kpa aɓalǝ azwe ka nda cam a kun ɓwa mana kǝ ok ce, sǝ bumpina arǝ alta agir mala ɓanza mǝnia andǝ swarkiban mala kume à yì marǝki sǝ à tsǝi pusǝ ɓǝle ɗang.

Matiu 20:3

A bu-pwari tongno-nong-ine nǝ dǝmbari ka, yi kum aɓea aɓwana aban came ɓa a kun limo.

Matiu 20:6

A bu-pwari tongno mala pwarikpǝra ka, nyare puro kya kum aɓea aɓwana ɗǝm aban came à kǝ pak kǝgir ɗang. Sǝ ɗia ama, “Mana tsǝa sǝ pwari kpa wun kani aban came ɓa wu kǝ pak kǝgir ɗang?”

Matiu 25:26

Mǝtala-ɓala male eari wi ama, “We mǝturo mǝɓealɓike, mǝnkundǝrì! A sǝlǝna she ama ǝn nggǝ cancane aban mǝnana ǝn ɓeal kam raka, sǝ ǝn nggǝ ramngya aban mǝnana ǝn kwak mǝsǝɓeale kam raka?

Yohana 15:2

Ko ya bu-nggun a ɓalǝam mǝnana kǝ pa ɓǝle raka, kǝ kasǝi kǝ turi a nzali, sǝ abu-nggun mǝnana à kǝ pa ɓǝlea ka, kǝ gilǝkicea ace mǝnana ɓǝa ɓoaro ɓǝa pa ɓǝlea kpǝm ngga.

Yohana 17:3

Sǝ mǝnia ka nda njar kum yilǝmu mǝnana pà nǝ̀ mal raka, ɓǝa surǝo, kǝ we Ɓakuli Mǝ'mǝsǝcau nì, andǝ Munio Yesu Kǝrǝsti mǝnana a turi aɓa ɓanza ka.

Yohana 5:42

Sǝ mim ngga ǝn surǝna rǝ wun, ɗǝm ngga ǝn sǝlǝna nǝma wu pànǝ earce Ɓakuli a ɓabum wun ɗang.

Amǝ Roma 12:11

Ce wu duk amǝnkundǝr, amǝ'ɗwanyi rǝɓǝla arǝ turo ɗang, wu duk amǝ bumpina aɓa pakki Mǝtalabangŋo turo nǝ ɓabum wun kat.

1 Amǝ Korinti 15:58

Ace mani ka, wun amǝ'eambǝam, wu cam kàngkàng. Ɓǝ̀ kǝgir ɓǝ̀ kǝa gǝshi wun ɗang. Wu pita turo mala Mǝtalabangŋo koya pwari ka, acemǝnana wu sǝlǝna ama ɓe kǝ turo pà kàm wu nǝ̀ pe ace Mǝtalabangŋo, sǝ ture na ɓà ka ɗang.

2 Amǝ Korinti 13:5

Wu pelǝki ɓamur rǝ wun, wu sǝni ko paɓamuru ma'wun ngga, mǝɓafoe na. Wu karǝki ɓamur rǝ wun, wu dum nǝ sǝlǝe ama Yesu Kǝrǝsti ka, nda aɓalǝ wun, ɓǝ̀ pa ana raka, wu kpana a bui mala paɓamuru mǝɓafoe.

2 Amǝ Korinti 8:2

À kum karǝkiban kǝrkǝr nǝ atanni mǝnana yiu amuria ka; sǝa ma à lumsǝ nǝ banɓoarnado kǝrkǝr mǝnana yinǝia à mǝn buia kpǝm aɓa paɓoro malea, kat andǝ amani ama, yia ka amǝtapwasǝa na ka.

2 Amǝ Korinti 8:7

Wun ngga wu nda dǝmbǝa aɓa koya gir ka. Wu nda dǝmbǝa aɓa paɓamuru, andǝ sǝlǝ nacau, andǝ surǝgir, andǝ rǝɓǝla arǝ turo, sǝ earcearǝu ma'wun ace sǝm. Anggo sǝ ǝn nggǝ earce ɓǝ̀ wu pa a dǝmbǝa gbal aɓa mǝnia yì ɓwamuru wu ndanǝi mala pabu ka.

2 Amǝ Korinti 9:14

Sǝ à nǝ̀ pak hiwi ace wun, nǝ nzal wun a bumia ace ɓwamuru mǝkǝrkǝr nì mǝnana Ɓakuli pa wun ngga.

Amǝ Filipi 1:9

Sǝ hiwi mem ngga, nda mǝnana ama earcearǝu ma'wun ɓǝ̀ lidǝmbǝa nǝ gulo, sǝ ɓǝ̀ wu lumsǝ nǝ surǝe andǝ bwaltagir mǝlime.

Amǝ Filipi 2:5

Ɓǝ̀ ɓabum wun pa kǝla mala Kǝrǝsti Yesu:

Amǝ Filipi 3:8

Sǝ kǝgir pà kàm à nǝ̀ kani arǝ surǝ Kǝrǝsti Yesu Mǝtalem ɗang. Ən nying girbunda kat ace cau male. Ən sukkinia, ǝn twalia à pà a kun kǝgir ɗang, ace mǝnana ɓǝ̀ ǝn kum Kǝrǝsti,

Amǝ Kolosi 1:10

Sǝm nggǝ pak hiwi mǝnia ka acemǝnana ɓǝ̀ do ma'wun, ɓǝ̀ gusǝlǝ Mǝtalabangŋo, ɓǝ̀ pwasǝ bumi a koya njar, nǝ pak koya turo mǝɓoarne. Anggo sǝ wu nǝ̀ nggǝ gulo aɓa surǝ Ɓakuli pepe.

Amǝ Kolosi 2:7

Ɓǝ̀ nlerǝ wun ɓǝ̀ ko aɓa Kǝrǝsti, sǝ ɓǝ̀ duk kusǝɓa mala do ma'wun. Ɓǝ̀ paɓamuru ma'wun kum rǝcandǝa kǝla mǝnana à kania wun ngga, sǝ wu lumsǝ nǝ pak yàwá.

Amǝ Kolosi 3:16

Ɓǝ̀ cau mala Kǝrǝsti, nǝ ɓoaro male kat ka, ɓǝ̀ lumsǝ ɗenyicau ma'wun. Wu kǝ kania rǝ wun gir sǝ wu kwarkir rǝarǝ wun, nǝ sǝlǝe mǝnana kat Kǝrǝsti pa sǝm ngga. Wu kǝ tuka anggyal ɓa Malǝmce mala Anggyal, andǝa mǝnana à cia nǝ tsǝa ka, andǝ anggyal ɓabangŋo, aban Ɓakuli nǝ ɓabum mana lumsǝ nǝ pak yàwá ka.

1 Amǝ Tasalonika 3:12

Sǝm nggǝ pak hiwi ama ɓǝ̀ Mǝtalabangŋo tsǝk earcearǝu ma'wun arǝarǝ wun andǝ aɓwana kat, ɓǝ̀ lidǝmbǝa nǝ gulo sǝ ɓǝ̀ kǝ aliki, kǝla mǝnana earcearǝu ma'sǝm aban wun kǝ pak ka.

1 Amǝ Tasalonika 4:1

Sǝ ado ka, wun amǝ'eam sǝm, wu kumǝna kwarkiru nǝ bu sǝm amur njar mǝnana ɓoaro wu nǝ̀ dukdo sǝ ɓabum Ɓakuli nǝ̀ pwasǝ a rǝì ka. Sǝ ado mǝnana wu ndarǝ duk ulang mǝno yì do ka, sǝm nggǝ zǝmbǝa wun nǝ kwarkiru mǝcande aɓa lullǝ Mǝtalabangŋo Yesu, wu lidǝmbǝa nǝi aɓa pe anggo andǝ mǝnana kuti mǝno ka ko aya pwari, aban káne a dǝmbǝa.

2 Amǝ Tasalonika 1:3

Wun amǝ'eam sǝm, dumǝna sǝm púp ɓǝ̀ sǝm nggǝ ɓwangsǝ Ɓakuli a koya pwari, ace wun, sǝ anggo ka ndanǝ ɓoaro acemǝnana paɓamuru ma'wun ngga, nda rǝ lidǝmbǝa kǝrkǝr, sǝ earcearǝu mǝnana wu ndanǝi arǝarǝ wun ngga ndarǝ gulo.

1 Timoti 5:13

Ɗǝm ngga, à nǝ̀ ngga surǝ doɓàna, à nǝ̀ kutia gali aban kutiki arǝ aɓala. Sǝ amǝ'doɓana na nǝmurǝì à nǝ̀ pǝlǝ ka ɗang, à nǝ̀ duk amǝ'twalki alullǝu andǝ amǝ'oasǝkiacau, aban naki acau mǝnana ɓoaro ɓǝa kǝ na raka.

Titus 3:14

Aɓwana ma'sǝm ngga, ɓoaro ɓǝa kǝ pakkia aturo mǝɓoarne ace kum girbu, ɓǝa ɗeki do mǝɓane.

Filimon 1:6

Hiwi mem ngga nda mǝnana ama dotarǝu ma'sǝm sǝnǝ we kǝla amǝkwaɗi ka nǝ̀ yinǝ bwaltagir mǝlime mala koya gir mǝɓoarne mǝnana sǝm ndanǝi a do ma'sǝm aɓa kpapi ma'sǝm sǝnǝa Kǝrǝsti ka.

Amǝ Ibǝru 6:12

Sǝm earce ama ɓǝ̀ wu duk amǝnkundǝr ɗang. Sǝm ama, wu sǝn arǝ aɓwana mǝnana ace paɓamuru andǝ munyi malea ka, à yì kum gir mǝnana Ɓakuli na ce nǝ̀ pà ka.

2 Bitǝrus 1:2

Ɓǝ̀ Ɓakuli pa wun ɓwamuru andǝ dorǝpwala kam kpǝm nǝ lidǝmbǝa ma'wun aɓa surǝ Ɓakuli andǝ Yesu Mǝtala sǝm.

2 Bitǝrus 1:3

Ɓakuli aɓa rǝcandǝa male ka pana sǝm koyagir mǝnana ɓoaro ɓǝ̀ sǝm pang nǝi ace do yilǝmu andǝ do ɓanggi Ɓakuli ka. Amǝnia yia agir ka Ɓakuli pà sǝmia kat lang sǝm yì surǝ Yesu mǝnana tunǝ sǝm ɓǝ̀ sǝm kum kāmbe aɓa gulo andǝ ɓoaro male ka.

2 Bitǝrus 2:20

Sǝ ɓǝa ɓwana apini aɓealɓikea mala ɓanza nǝ njargula surǝ Mǝtala sǝm andǝ Mǝ'amsǝ sǝm Yesu Kǝrǝsti, sǝ à nyar ɗǝm nǝ nzǝmo à yì marǝki rǝia sǝ à ɓunggio aɓalǝ aɓealɓikea mǝno ka, zuriki mǝnana à nda a ɓalǝi ado ka, ɓikina kutina mǝdǝmbe.

2 Bitǝrus 3:18

Wun ngga, wu lidǝmbǝa nǝ gulo aɓa ɓwamuru andǝ surǝe Mǝtala sǝm andǝ Mǝ'amsǝ sǝm Yesu Kǝrǝsti. Gulo kat ka, male na, ado, andǝ mǝnana málá male pà kàm raka. Amin.