2 Bitǝrus 1:5 - Maləmce Məfele mala Ɓakuli: Kurcau Məbəshe

⁵ Ace mǝnia ka, wu ɓariki, wu lumsǝkun paɓamuru ma'wun nǝ cauɓoarna; sǝ cauɓoarna ka wu gbashite nǝ surǝgir;

2 Bitǝrus 1:5 ပူးပေါင်းရင်းမြစ်များ

Luka 16:26

Ko ɓǝ̀ cè mǝnia na raka, nre sǝm sǝnǝa wun ngga nggea tūli nakam, acemǝnana aɓwana mana à earce lo kani à nǝ̀ ká aban wun ngga, ɓǝa kǝa gandǝi ɗang. Sǝ aɓwana mana gbal à nǝ̀ lo kano aban yiu aban sǝm ngga ɓǝa kǝa gandǝi ɗang.”

Luka 24:21

Sǝm ndanǝ tsǝkɓalǝu ama nda ɓwa mǝnana nǝ̀ yia amsǝ amǝ Isǝrayila ka! Ɗǝm ngga tāruia nongŋo nia yalung mǝnana mǝnia yì agir kumban ngga.

Yohana 6:27

Sǝ wu kǝa wu pak turo ace girlina mǝnana kǝ kiɗiki ka ɗang; wu pak turo ace girlina mǝnana nǝ̀ pà wun yilǝmu mǝnana málá male pà kàm raka. Mǝnia ka nda girlina mǝnana Muna mala Ɓwa nǝ̀ pà wun ngga, acemǝnana Tarrû, yì Ɓakuli ka, tsǝngŋǝna bui ama earǝna nǝi.”

1 Amǝ Korinti 14:20

Wun amǝ'eamrǝarǝu, wu kǝa pǝlǝ amuntulo aɓa ɗenyicau ma'wun amur surǝ amǝnia yì agir ka ɗang. Wu duk amuntulo arǝ ɓealɓikea, sǝ wu gul aɓa ɗenyicau ma'wun.

Amǝ Afisu 5:17

Wu kǝa pak gir mǝnana wu pak ɗenyicau amuri raka ɗang, wu bwalta kusǝ gir mǝnana Mǝtalabangŋo earkiyi ce ama wu pak ka.

Amǝ Filipi 1:9

Sǝ hiwi mem ngga, nda mǝnana ama earcearǝu ma'wun ɓǝ̀ lidǝmbǝa nǝ gulo, sǝ ɓǝ̀ wu lumsǝ nǝ surǝe andǝ bwaltagir mǝlime.

Amǝ Filipi 2:12

Wun agyajam mem mǝnana ǝn earkiyi acea raka, mǝnana mǝ ndá aban wun ngga, wu kǝ ok kiru pwari-pwari. Sǝ ado mǝnana ǝn pâ aban wun raka, ɓoaro ɓǝ̀ okiru ma'wun ɓǝ̀ kuti mǝno. Wu pak turo mala amsǝban ma'wun nǝ ɓangciu andǝ rǝɓǝla.

Amǝ Filipi 4:8

A masǝlǝate ka, wun amǝ'eamrǝarǝu, ɓǝ̀ ɗenyicau ma'wun ɓǝ̀ do amur gir mǝnana kat mǝsǝcau na, nǝ̀ yinǝ gulo, à nǝ̀ pe aɓa kpate a njari, mǝɓoarnsari na, mǝɓoarne na, andǝ mǝnana à nǝ̀ earce ka. Gir mǝnana kat karban nǝ̀ ɓoaro, sǝ gir mǝnana kat nǝ̀ yinǝ ɓwangsǝban ngga, wu tsǝk ɗenyicau ma'wun amuria.

Amǝ Kolosi 1:9

Ace mani ka, twal a pwari mǝnana sǝm tita okce wun ngga, sǝm usǝlǝkiyi pak hiwi ace wun ɗang. Sǝm nggǝ zǝmbǝi Ɓakuli ɓǝ̀ pa wun sǝlǝe mala surǝ gir mǝnana earkiyi ce kat ka, sǝ ɓǝ̀ pa wun sǝlǝe mala Bangŋo andǝ bwalta kusǝ agir male kat.

Amǝ Kolosi 2:3

Aɓa Kǝrǝsti sǝ gǝna mala sǝlǝe andǝ surǝe mala Ɓakuli kat sǝmbǝrǝa.

Amǝ Ibǝru 11:6

Ɓǝ̀ paɓamuru pà kàm raka, kǝɓwa pà nǝ̀ gandǝ pwasǝ bum Ɓakuli ɗang, acemǝnana ɓwa mana nǝ̀ yiu abani ka, she nǝ̀ ear ama yì ka, ndakam, sǝ nda mǝnana kǝ pa tangnakusǝ aɓwana mǝnana à kǝ alte ka.

Amǝ Ibǝru 12:15

Wu parkir wun, kǝɓwa ɓǝ̀ kǝa gatti kum ɓwamuru mala Ɓakuli ɗang. Ce wu eare nlerǝ bumkpǝmna to aɓalǝ wun, mana nǝ̀ yinǝ tanni, sǝ nǝ̀ tsǝk aɓwana pas ɓǝa pǝndǝki ka ɗang.

Amǝ Ibǝru 6:11

Sǝm nggǝ earce ama koyan ata wun ngga, ɓǝ̀ lǝmndǝ ulang mǝno yì rǝɓǝla arǝ turo mǝɓoarne ka, ba masǝlǝate, ace mǝnana tsǝkɓalǝu ma'wun ngga, ɓǝ̀ kum lumsǝo.

1 Bitǝrus 3:7

Anggo gbal, sǝ wun aburala ka, wu lǝmndǝ sǝlǝe aɓa doɓala ma'wun. Amālá wun ngga wu kǝ ɗenyi nǝia kǝla aɓwana mana rǝcandǝa malea bwalta ma'wun raka, sǝ wu bwalia nǝ pagulo acemǝnana yia ka, aɓiwun na aɓa ɓwamuru mala bǝsa do mana Ɓakuli pà ka. Wu bwalia pepe, ace mǝnana kǝgir ɓǝ̀ kǝa tamsǝ ahiwi ma'wun raka.

2 Bitǝrus 1:10

Ace mani ka, wun amǝ'eamrǝarǝu, wu pà rǝcandǝa arǝ lǝmndǝi ama ɓafo na wu nda aɓalǝ aɓwana mǝnana Ɓakuli tunǝia, sǝ tarkia ka. Ɓǝ̀ wu lidǝmbǝa nǝ do aɓalǝ amǝno yì aɓealǝu ka, pà wu nǝ̀ kuti aɓa cauɓikea ɗang, sǝ paɓamuru ma'wun ngga nǝ̀ kum kusǝu came.

2 Bitǝrus 1:11

Anggo ka, sǝ Ɓakuli nǝ̀ mǝnba wun kunɓala wyang ace kutio aɓa Domurǝm mala Mǝtala sǝm andǝ Mǝ'amsǝ sǝm yì Yesu Kǝrǝsti, Domurǝm male mǝnana masǝlǝate pà kàm raka.

2 Bitǝrus 3:14

Ace mani ka, wun amǝ'eamrǝarǝu, mǝno ado wu nda aban kundǝ amǝnia yì agir ɓǝa yiu ka, wu ɓariki wu do aɓa ɓoarnsari, andǝ ɗwanyi cau a rǝǔ, sǝ wu dukdo rǝpwala.

2 Bitǝrus 3:18

Wun ngga, wu lidǝmbǝa nǝ gulo aɓa ɓwamuru andǝ surǝe Mǝtala sǝm andǝ Mǝ'amsǝ sǝm Yesu Kǝrǝsti. Gulo kat ka, male na, ado, andǝ mǝnana málá male pà kàm raka. Amin.