2 Bitǝrus 1:4 - Maləmce Məfele mala Ɓakuli: Kurcau Məbəshe

⁴ Sǝ ata cau mala gulo andǝ ɓoaro male ka, ɓwamur sǝm pà sǝm aɓoro amǝgulke kǝrkǝr andǝ amǝɓoarne mǝnana bangŋa ama nǝ̀ pà ka. Pak mǝnia ka ace mǝnana nǝ amǝnia yia aɓoro ka, ɓǝ̀ sǝm kum kāmbe aɓa pa male mala do Ɓakuli, sǝ ɓǝ̀ sǝm api kiɗikiban mala ɓanza mǝnana suno mǝɓane kǝ yiu nǝi ka.

2 Bitǝrus 1:4 ပူးပေါင်းရင်းမြစ်များ

Amǝ Roma 9:4

Yia ka à ndaka amǝ'kau mala Isǝrayila; Ɓakuli tárìa ɓǝa duk amuna male; Ɓakuli lǝmndǝ gulo male kǝla Ɓakuli abania. Kurcau andǝia, sǝ pea wia Nggurcau male. Pea wia peri mala ɓa-ndàmǝgule andǝ apacau male.

2 Amǝ Korinti 1:20

Acemǝnana apacau mala Ɓakuli kat ka à lumsǝna aɓa Kǝrǝsti nǝ eare ama “E.” Nda gir mǝnana tsǝa sǝ nǝ ban Yesu Kǝrǝsti sǝ sǝm nggǝ na ama, “Ɓǝ̀ do anggo” ace gusǝlǝ Ɓakuli ka.

2 Amǝ Korinti 3:18

Sǝm mǝnana kat sǝm panǝ lagir a ɓamǝsǝ sǝm raka, sǝ sǝm ndarǝ lǝmndǝ ta mala ɓoarɓwa mala Ɓakuli ka, à nda rǝ nggaɗi sǝm ɓǝ̀ sǝm pa kǝla yì, nǝ ɓoarɓwa mǝnana kǝ ká nǝ ká a dǝmbǝa ka. Mǝnia yì ɓoarɓwa ka pur nǝban Mǝtalabangŋo mǝnana nda Bangŋo ka.

2 Amǝ Korinti 6:17

“Ace mani ka, wu puri ɓalǝ amǝ'ɓealɓikea, wu duk zak! Wu kǝa gbashi rǝia ɗang, anggo sǝ Mǝtalabangŋo na. Wu kǝa je kǝgir mǝnana mim Ɓakuli ǝn ginǝce ka ɗang, sǝ mǝ nǝ gingsǝ wun.”

Amǝ Galati 3:16

Ɓakuli pacau male aban Ibǝrayim andǝ muni. Sǝni pepe, Malǝmce ne ma ama, “andǝ amuni” ɗang, mǝnana nǝ̀ lǝmndǝ ama à nda pas ka. Awo, bangŋa ama “andǝ muni”, mǝnana lǝmndǝ ama nda aban na cau amur ɓwa mwashat. Sǝ ɓwa mwashat mǝnia ka, nda Kǝrǝsti.

Amǝ Galati 6:8

Aɓwana mǝnana do malea ka, kǝ nda ace lumsǝ sune mala nggūrǝia mǝ'cauɓike ka, kǝ kìɗìkì nda mǝnana à nǝ̀ càn ngga. Sǝ aɓwana mǝnana do malea ka, kǝ nda ace pwasǝbum Bangŋo mala Ɓakuli ka, à nǝ̀ kum yilǝmu mǝnana málá male pà kàm raka, nǝban Bangŋo.

Amǝ Afisu 4:13

Mǝnia yì turo ka, nǝ̀ lidǝmbǝa, she ɓǝ̀ sǝm kat, sǝm kya bwalǝna ban-do mǝ'mwashati aɓa paɓamuru andǝ surǝ Muna mala Ɓakuli ka; she ɓǝ̀ sǝm gulna, sǝm bwalǝna bancame andǝ lumsǝo mala Kǝrǝsti kǝla mǝnana Ɓakuli earce ka.

Amǝ Kolosi 3:10

sǝ wu twalǝna ɓealǝu mala bǝsa ɓwa. Mǝnia ka nda bǝsa ɓealǝu, mana Ɓakuli mana pusǝì ka, nda rǝ pakturo ace cie ɓǝ̀ twal ulang ɓealǝu male, a koya pwari, ace mǝnana ɓǝ̀ wu surǝi pepe ka.

Amǝ Ibǝru 12:10

Atár sǝm a ɓanza kǝ kwarkir sǝm aɓalǝ apwari bǝti arǝ njar mǝnana à sǝni nda ɓoaria wia ka; sǝ Ɓakuli ka kǝ kwarkir sǝm ace mǝnana ɓǝ̀ ɓoara sǝm ngga. Kǝ pe ace mǝnana ɓǝ̀ sǝm duk amǝfele kǝla yì.

Amǝ Ibǝru 9:15

Nda gir mǝnana tsǝa sǝ Kǝrǝsti duk mǝkutio a nre-rǝarǝu mala bǝsa kurcau a nre Ɓakuli andǝ aɓwapǝndǝa ka. Ado ka kǝ yinǝ aɓwana mana kat à tunǝia ka, ɓǝa ak liɓala mǝnana tè pà nǝ̀ mal raka, a bu Ɓakuli mǝnana angŋa dǝmbǝa náná ama nǝ̀ pea wia ka. Mǝnia ka nǝ̀ gandǝ pa acemǝnana Kǝrǝsti wú ace panzǝia aɓata ɓashi mala acauɓikea mǝnana à pea aɓata kurcau mǝ'e ka.

Jemis 1:27

Kwaɗi mǝɓoarnsari, mǝɓafoe mǝnana Ɓakuli Tár sǝm earkiyice ka, nda tsǝkir akawa andǝ aman-lú aɓalǝ atanni malea, andǝ ɓanggi pǝndǝkiban mala ɓanza.

2 Bitǝrus 1:1

Makkun mǝnana pur nǝ bu Shiman Bitǝrus, guro sǝ mǝ'mishan mala Yesu Kǝrǝsti. Aban ká aban aɓwana mǝnana à kumǝna paɓamuru mǝɓoarne kǝla mǝnana sǝm ndanǝi ka, ata cau mala pémǝɓoarne mala Ɓakuli andǝ Mǝ'amsǝ sǝm Yesu Kǝrǝsti.

2 Bitǝrus 3:13

Sǝ sǝm ngga, sǝm nda ban kundǝ kuli mǝbǝshe andǝ ɓanza mǝbǝshe mǝnana lumsǝ nǝ ɓealɓoarna mala Ɓakuli, kǝla mǝnana bangŋa ama nǝ̀ yinǝi ka.

2 Bitǝrus 3:9

Mǝtalabangŋo kǝ dǝndi arǝ lumsǝ pacau male, kǝla mana aɓea ɓwana kǝ twali ka ɗang. Awo, yì ka, ndanǝ munyi ace wun. Eare ama ɓǝ̀ kǝ ɓwa ɓǝ̀ kìɗìkì ɗang. Eare male ka koyan ngga, ɓǝ̀ pwanzali ɓǝ̀ pǝlǝ nzǝmi arǝ acauɓikea male.

1 Yohana 2:25

Sǝ mǝnia ka, nda gir mǝnana Kǝrǝsti pàcau ace ka ama nǝ̀ pà sǝm yilǝmu mǝnana málá male pà kàm raka.

1 Yohana 3:2

Wun agyajam, sǝm ado ka, sǝm ndaka amuna mala Ɓakuli, sǝ à malaká lǝmndǝa sǝm ulang pa mǝnana sǝm ngga pak ka ɗang. Sǝa ma sǝm sǝlǝna ama ɓǝ̀ Yesu yi pusǝna rǝì ka, sǝm nǝ̀ pa kǝla yi, acemǝnana sǝm nǝ̀ yia sǝni kǝla mǝnana ndakam ngga.