2 Bitǝrus 1:17 - Maləmce Məfele mala Ɓakuli: Kurcau Məbəshe

¹⁷ Sǝm nda kam à kǝ banì mǝnana Ɓakuli Tarrû pe wi ɓoarɓwa andǝ gulo, pǝlǝa gi Ɓakuli pur nǝ ɓa mǝno yì tâ mǝgule mala ɓoarɓwa ka, yiu abani ama, “Mǝnia ka, nda Munem mǝnana ǝn nggǝ earce ka, kǝ pwasǝ bumam kǝrkǝr.”

2 Bitǝrus 1:17 ပူးပေါင်းရင်းမြစ်များ

Matiu 12:18

“Guro mem mǝnana ǝn tarì ka ndya ka, mǝnana ǝn nggǝ earce sǝ bumam kǝ pwasǝa rǝì ka. Mǝ nǝ tsǝki wi Bangŋo mem amuri, sǝ yì ka nǝ̀ hamnǝ ɓashi mem mǝ'mǝsǝcau nì aban aɓwana a ɓanza ama à nǝ̀ kum amsǝban a buam.

Matiu 17:3

Kara Musa andǝ Iliya puro à came, à kǝ na cau nǝ Yesu.

Matiu 17:5

Ndarǝ na cau piu ka, kara pǝrɓang mǝpwasǝe pwatpwat yi gir muria, sǝ giu pur aɓa pǝrɓang na ama, “Mǝnia ka nda Munem mǝnana ǝn earkiyi ace raka; mǝnana ban kǝ ɓoaram a rǝì pepe ka. Wu ok cau male!”

Matiu 28:19

Ace mǝno ka, wu kyane aban ɓwapǝndǝa arǝ anzali kat, wu yinǝia ɓǝa pǝlǝ amǝkpatam. Wu pakkia wia batisǝma aɓa lullǝ Ɓakuli Tarrû, andǝ mala Muni, andǝ mala Bangŋo Mǝfele.

Matiu 3:17

Aɓwana ok gi Ɓakuli nacau a kuli ama, “Mǝnia ka nda Munem, mǝnana ǝn earkiyice, mǝnana bumam kǝ pwasǝa rǝì kǝrkǝr ka.”

Markus 1:11

Gi Ɓakuli pur nǝ kuli na ama, “A nda Munem mǝnana ǝn earkiyi ace raka, mǝnana ban kǝ ɓoaram a rǝì ka.”

Markus 9:7

Pǝlǝa pǝrɓang puro yi gir muria. Gi Ɓakuli pur nǝ ɓa pǝrɓang ama, “Mǝnia ka nda Munem mǝnana ǝn earkiyi ace raka. Wu oki wi.”

Luka 10:22

“Girbunda kat ka Tárram nyingŋǝnam mia a buam. Kǝɓwa surǝ koyan nda Muna ɗang, she kǝ Ɓakuli Tarrû nǝmurǝì, sǝ kǝɓwa pà kàm surǝ koyan nda Tarrû ɗang, she kǝ Muni, andǝ aɓwana mǝnana Muni tarkia ama nǝ̀ lǝmndǝi abania ɓǝa surǝì ka.”

Luka 3:22

Bangŋo Mǝfele sulǝ amuri nǝ nggunrǝu kǝla kutu. Gi Ɓakuli pur nǝ kuli na ama, “A nda Munem mǝnana ǝn nggǝ earceo ka, ban kǝ ɓoaram a rǝo kǝrkǝr.”

Yohana 10:15

kǝla mǝnana Tárram surǝam, sǝ ǝn surǝ Tárram ka. Ən pa yilǝmem ace anzur mem.

Yohana 10:36

ace mana sǝ wu twali ama cau ɓǝsǝki Ɓakuli na ǝn na ka, mǝnana ǝn bang nǝma “Mǝ nda Muna mala Ɓakuli,” yì mim mǝnana Ɓakuli taram sǝ tasǝam a ɓanza ka?

Yohana 14:11

Wu earnǝ mim ama mǝ nda aɓa Tárram, sǝ Tárram ngga nda a ɓalǝam. Sǝ ɓǝ̀ ana raka, wu earnǝ mim ace aturo mǝnana wu sǝnam ǝn nggǝ pea ka.

Yohana 14:6

Yesu eari wi ama, “Mǝ nda njargula, Mǝ nda mǝsǝcau, sǝ Mǝ nda yilǝmu; kǝɓwa pà nǝ̀ ká aban Ɓakuli Tarrû ɗang she nǝ banam.

Yohana 17:21

Ən nggǝ pak hiwi nǝma yia kat ka ɓǝa duk mwashat, kǝla mǝnana mim sǝnǝ we, sǝm nda mwashat ka. Dâ, kǝla mǝnana a nda a ɓalǝam, sǝ mǝ nda a ɓalǝo ka, yia gbal ka ɓǝa do aɓalǝ sǝm, ace mǝnana ɓanza ɓǝ̀ eare ama a nǝ turam ngga.

Yohana 20:17

Yesu ne wi ama, “Ce a kúr a rǝam ɗang, acemǝnana ǝn malaká nyar aban Tárram a kuli peatu ɗang. Ado ka, kyane aban amǝ'eambǝam, alaggana mem, kya banggia wia ama, Mǝ ndo mǝ nǝ nyare aban Tárram, mǝnana nda Tárria ka, aban Ɓakuli mem, mǝnana nda Ɓakuli malea ka.”

Yohana 3:35

Ɓakuli earce Muni sǝ nyinggi wi girbunda kat a bui.

Yohana 5:20

Ɓakuli Tarrû ka kǝ earcem mim Muni, sǝ kǝ lǝmndǝam agir mǝnana kat yì nǝ nggearǝì pakkiyi ka. Yale nǝ lǝmndǝam agir mǝgulke mǝnana à kuti man ngga, sǝ wun kat wu nǝ̀ nggǝ ndalǝki.

Yohana 5:26

Kǝla mǝnana Tárram Ɓakuli nda tǝr yilǝmu ka, anggo gbal panam mim Muni ɓǝ̀ ǝn duk tǝr yilǝmu.

Yohana 6:27

Sǝ wu kǝa wu pak turo ace girlina mǝnana kǝ kiɗiki ka ɗang; wu pak turo ace girlina mǝnana nǝ̀ pà wun yilǝmu mǝnana málá male pà kàm raka. Mǝnia ka nda girlina mǝnana Muna mala Ɓwa nǝ̀ pà wun ngga, acemǝnana Tarrû, yì Ɓakuli ka, tsǝngŋǝna bui ama earǝna nǝi.”

Yohana 6:37

Ɓwa mǝnana kat Tárram pam ngga nǝ̀ yiu abanam, sǝ ɓwa mǝnana kat yiu abanam ngga pà mǝ nǝ ɓínǝì ɗang.

Yohana 6:39

Sǝ mǝnia ka nda kànì mala Tárram mǝnana tasǝam ngga, ama ɓǝn ngga turta kǝɓwa aɓalǝ aɓwana mǝnana pam ngga ɗang, sǝ a kun mani ka ɓǝn loasǝia kat nǝ yilǝmu a masǝlǝata apwari.

Amǝ Roma 15:6

Sǝ anggo ka, wun a tarǝ wun kat ka, wu nǝ̀ ɓwangsǝ Ɓakuli, yì Tar Mǝtala sǝm Kǝrǝsti Yesu, nǝ giu mwashat.

2 Amǝ Korinti 1:3

Ɓwangsǝban ɓǝ̀ o aban Ɓakuli mǝnana nda Tar Yesu Kǝrǝsti Mǝtala sǝm ngga, mǝnana nda Tar sǝm mǝ'sǝn mǝsǝswatǝr nî, andǝ mǝ'pa girikiban kat ka.

2 Amǝ Korinti 11:31

Yì, yì Ɓakuli Tar Mǝtalabangŋo Yesu, mǝnana ɓwangsǝe pà nǝ̀ mal raka, sǝlǝna ama nyir na ǝn nakiyi ka ɗang.

Amǝ Ibǝru 1:3

Yì Muna mala Ɓakuli ka, nda tǎlaban mala ɓoarɓwa mala Ɓakuli, andǝ purban male yì Ɓakuli. Nǝ́ cau male mǝ'rǝcande sǝ bwal agirbunda kat abanɓwáná. Anzǝm mana yi langŋǝna acauɓikea ma'sǝm ngga, pǝlǝa do a kuli a bu-mǝli mala Ɓakuli mǝnana Karban kat ka.

2 Yohana 1:3

Ɓǝ̀ ɓwamuru, andǝ mǝsǝswatǝr, andǝ dorǝpwala mala Ɓakuli Tarrû andǝ Yesu Kǝrǝsti, Muna male, do ata sǝm aɓa mǝsǝcau andǝ earcearǝu.

Yahuda 1:1

Mǝnia yì cautera ka pur nǝ bu Yahuda, guro mala Yesu Kǝrǝsti, andǝ mǝ'eam Jemis, aban ká aban aɓwana kat mǝnana Ɓakuli Tarrû tunǝia, sǝ earcea, sǝ dumsǝia aɓa yálban mala Yesu Kǝrǝsti ka.