2 Bitǝrus 1:16 - Maləmce Məfele mala Ɓakuli: Kurcau Məbəshe

¹⁶ Cau mǝnana sǝm bangga wun amur rǝcandǝa andǝ yiu mala Mǝtala sǝm Yesu Kǝrǝsti ka, sǝm pà aban bangga wun njarnzǝne mǝnana ɓeɓwa pusǝì aɓa kutan ngga ɗang. Nǝ nggearǝ mǝsǝ sǝm, sǝm sǝn tâ mala ɓoarɓwa male.

2 Bitǝrus 1:16 ပူးပေါင်းရင်းမြစ်များ

Matiu 16:27

Acemǝnana Muna mala Ɓwa ka nǝ̀ ngga yiu aɓa gulo mala Tarrí, andǝ amǝturonjar male ate, sǝ nǝ̀ yia pe koyan ngga tangnakusǝi, ace gir mǝnana pak ka.

Matiu 16:28

Ən nggǝ na wun aɓa mǝsǝcau ama, aɓea ɓwana na akani aban came mǝnana à pà nǝ̀ wu ɗang she ɓǝa sǝna yiu mala Muna mala Ɓwa a Domurǝm male ka.

Matiu 17:1

A nzǝm nongŋo tongno-nong-mwashat ka Yesu twal Bitǝrus, Jemis andǝ Yohana mǝ'eam Jemis, sǝ à o amur ɓe nkono mǝdāre. A nda kano nǝmurǝia ka,

Matiu 24:27

Yiu mala Muna mala Ɓwa ka nǝ̀ pa kǝla mǝnana tǎlaban kǝ linzama nǝ takuli sǝ aɓwana a njarnzali kǝ sǝni ka.

Matiu 24:3

Nǝ nzǝmo ka Yesu yì do amur Nkono mala anggun Olif. Alaggana male yiu abani nǝmurǝì sǝ à ne wi ama, “Sǝm ama wu bangga sǝm, a ya pwari sǝ agir mǝnia ka nǝ̀ yia pa, sǝ mana nda gir mǝnana nǝ̀ lǝmndǝ yiu mo andǝ masǝlǝata ɓanza ka?”

Matiu 28:18

Yesu pǝlǝa yiu abania sǝ na ama: “Rǝcandǝa mǝnana a kuli andǝ mana a ɓanza kat ka Ɓakuli panami!

Markus 13:26

A nzǝm mǝno ka sǝ ɓwapǝndǝa nǝ̀ sǝn Muna mala Ɓwa aban yiu aɓalǝ apǝrɓang nǝ rǝcandǝa mǝgule andǝ ɓoarɓwa.

Markus 14:62

Yesu ear ama, “Mǝ nda! “Sǝ pà nǝ̀ sau ɗang wu nǝ̀ sǝn Muna mala Ɓwa aban do, a buno mala rǝcandǝa, a bu-mǝli mala Ɓakuli, aban yiu aɓalǝ apǝrɓang nǝ kuli.”

Luka 1:2

Cau mǝnana à gilǝ ka nda kǝ̀ mǝnana à oe a kun aɓwana mǝnana à sǝn agir nì nǝ mǝsǝia a nggea dǝmbe, sǝ à hamnǝ ce ka.

Luka 9:43

Yia kat ka à ndali nǝ gulo mala rǝcandǝa mala Ɓakuli. Lang ɓwabunda kat nda rǝ ndali nǝ agir mǝnana Yesu pe ka, ne alaggana male ama,

Yohana 1:14

Mǝnia yì Cau ka yi duk ɓwamǝpǝnde, sǝ yi duk zuku aɓalǝ sǝm. Sǝm sǝna gulo male, gulo mala kǝ̀ Muna mwashat ɓǝrɓǝr, mana pur nǝban Tarrí Ɓakuli ka, lumsǝo nǝ ɓwamuru andǝ mǝsǝcau.

Yohana 17:2

A panì wi rǝcandǝa amur ɓanza kat, ɓǝ̀ pea aɓwana mǝnana a yinǝia abani ɓǝa duk amǝkpate ka, yilǝmu mǝnana málá male pà kàm raka.

Amǝ Roma 1:4

Sǝ à yì lǝmndǝí, Muna mala Ɓakuli na, nǝ loasǝo mǝnana à loasǝi a ɓembe nǝ rǝcandǝa mala Bangŋo Mǝfele ka. Yì nda Yesu Kǝrǝsti Mǝtala sǝm.

1 Amǝ Korinti 1:17

Mim ngga Kǝrǝsti turam ace pakkia batisǝma ɗang. Yì ka, turam ɓǝ̀ ǝn yi hamnǝ Cau Mǝɓoarne mala yilǝmu. Sǝ cau mala Ɓakuli mǝnana ǝn nggǝ hamnǝi ka, pà nǝ sǝlǝ'nacau mala ɓwapǝndǝa ɗang, ace mǝnana ɓǝa kǝa nyesǝ lú mala Kǝrǝsti amur nggun-gangndi ɓà ɗang.

1 Amǝ Korinti 1:23

Sǝ ma'sǝm ngga, sǝm nggǝ hamnǝ bǝsa Cau Amsǝban mala Kǝrǝsti mǝnana à gballì a nggun-gangndi ka. Mǝnia yì bǝsa cau ka tali annda na aban amǝ Yahudi, sǝ cau mǝɓangge na aban aɓwana mala acili anzali.

1 Amǝ Korinti 1:7

Ace mani ka, wu ɗwanyi kum ɓe kǝ ɓoro mala Bangŋo ɗang, aɓa do ma'wun mala kundǝ Mǝtala sǝm Yesu Kǝrǝsti ɓǝ̀ lǝmndǝ rǝì.

1 Amǝ Korinti 2:1

A pwari mǝno ǝn yiu nǝi aban wun, wun amǝ'eambǝam, ace hamnǝ mǝsǝcau ɓa sǝmbǝrǝa mala Ɓakuli mana lǝmndǝa mi ka, ǝn pak turo nǝ sǝlǝne andǝ surǝgir mǝgule ɗang.

1 Amǝ Korinti 2:4

Sǝ kanigir mem andǝ nacau mala Ɓakuli mem ngga, pà aɓa kunɓoarna andǝ nacau sǝlǝe mala ɓwapǝndǝa ɗang. Nda aɓa lǝmndǝ rǝcandǝa andǝ Bangŋo mala Ɓakuli,

1 Amǝ Korinti 5:4

Aɓa lullǝ Yesu Kǝrǝsti, wu tunǝ kpapi mala amǝkwaɗi, sǝ mim ngga ɗenyicau mem nakam aɓalǝ wun, sǝ rǝcandǝa mala Mǝtalabangŋo Yesu gbal ka, nda kam aɓalǝ wun. Aban mǝnia yì kpapi ka,

2 Amǝ Korinti 2:17

Sǝm pa kǝla acilia aɓwana, mǝnana à twal cau mala Ɓakuli gir nggaliki na ka ɗang. Sǝm, aɓa tárǝu ma'sǝm sǝnǝa Kǝrǝsti ka, sǝm nggǝ hamnǝ cau nǝ ɓabum sǝm mwashat a ɓadǝm Ɓakuli, kǝla aɓwana mǝnana Ɓakuli nǝ̀ turia ka.

2 Amǝ Korinti 4:2

Sǝm nyingŋǝna bu sǝm arǝ agir kǝsǝkya mǝnana à kǝ pea aɓa sǝmbǝrǝa ka, sǝ sǝm ginǝce ɓealǝu mala swarkiban. Pà sǝm nǝ̀ na cau mala Ɓakuli nǝ nyir ɗang. Sǝm nǝ̀ dukdo mǝsǝcau aɓa tǎlaban a ɓadǝm Ɓakuli, sǝ sǝm nǝ̀ ɓariki aban lǝmndǝ ɓamur rǝ sǝm a njar mǝɓoarne aban aɓwana kat mǝnana à kǝ gandǝ gakita mǝɓoarne andǝ mǝɓane aɓa ɗenyicau malea ka.

Amǝ Afisu 4:14

Anggo ka, pa sǝm nǝ̀ duk amuna ɗǝm ɗang. Pa sǝm nǝ̀ eare ɓǝ̀ sǝm nggǝ nggaɗiki ɗenyicau ma'sǝm arǝ gir mǝnana sǝm earǝna nǝi ka, nǝ koya bǝsa kanigir mala aɓwana amǝ ɓosǝkiban nǝ anyir aɓa kutan, mǝnana à kùrrì aɓa sǝmbǝrǝa ace swarkiban ngga ɗang.

Amǝ Filipi 3:21

Nǝ́ rǝcandǝa male mala gandǝ nyesǝ agir kat aɓata yalban male ka, nǝ̀ yia nggaɗi nggūrǝ sǝm mǝ ká lui ɓǝ̀ pâ kǝla nggūrǝi mǝɓoarɓwe.

1 Amǝ Tasalonika 2:19

Ɓǝ̀ mǝno na raka, mana ɗe nda tsǝkɓalǝu ma'sǝm, andǝ banɓoarnado ma'sǝm, ko mana nda mbulan mǝnana sǝm nǝ̀ jali nǝi a ɓadǝm Mǝtala sǝm Yesu a pwari yiu male? Kǝ wu nda re?

2 Amǝ Tasalonika 2:9

Yì Ɓwa mala Cauɓikea man ngga, nǝ̀ yiu nǝ rǝcandǝa mala Shetan, nǝ̀ yia pakki agir-ndǝlǝki, andǝ agir-lǝmndǝa, andǝ agir-gyambǝliban mǝ'nyirì ɗàngɗáng.

1 Timoti 1:4

Kǝa earia wia ɓǝa kǝ kiɗiki do ace naki anjarnzǝne andǝ makgir amur acau mala atau mala aɓwana a pwaryan ngga ɗang. Acemǝnana amǝnia yì agir ka, à pà nǝ̀ lumsǝ pe mala Ɓakuli ɗang, ko a na raka, à pà nǝ̀ bwali aɓwana kam aɓa do paɓamuru malea aban Ɓakuli ɗang.

1 Timoti 4:7

Tārǝto arǝ naki acauɓana andǝ anjarnzǝne mala aɓwagula. We ka, pa rǝcandǝa mo arǝ pe ɓamuro kanigir mala do pepe aɓa Bangŋo.

Titus 1:14

Anggo ka, à pà nǝ̀ tsǝk kiria ɗǝm arǝ anjarnzǝne mala amǝ Yahudi andǝ anzongcau mala aɓwana mǝnana à ɓinǝ mǝsǝcau ka ɗang.

2 Bitǝrus 2:3

Nzumon malea nǝ̀ cea à nǝ̀ yiu nǝ acau swarkiban aɓa kutan, à nǝ̀ ɓǝmbǝri wun. Ɓakuli angŋǝna dǝmbǝa ɗiɗyal kasǝnia ɓashi, sǝ kiɗikea malea ka, ceì nong ɗang.

1 Yohana 4:14

Ɗǝm ngga, sǝm sǝnǝna Muna mala Ɓakuli nǝ mǝsǝ sǝm, sǝ ado ka sǝm ndarǝ banggi aɓwana ama, Ɓakuli Tár sǝm tur Muni ɓǝ̀ yi duk Mǝ'amsǝ ɓanza.

Yahuda 1:14

Sǝ Inok, mǝnana nda tongno-nong-ɓaria kau, twal a ɓǝlban mala Adamu ka, ɓangnǝ-ɓangna amur a'ulang amǝnia yia aɓwana ka. Bangŋa ama: “Wu sǝni, Mǝtalabangŋo nia kǝ yiu andǝ amǝturonjar male amǝfele mǝnana à pà nǝ̀ gandǝ ɓalǝia raka,

Sǝna 1:7

Wu sǝni! Ndya kǝ yiu aɓalǝ apǝrɓang a kuli ka. Koya ɓwa ka nǝ̀ sǝni, kat andǝ aɓwana mǝnana à zuɓi nǝ kaɗa ka; sǝ akún mǝnana a ɓanza ka, à nǝ̀ ɓua ace. E, anggo sǝ ɓǝ̀ pa! Amin.