2 Bitǝrus 1:10 - Maləmce Məfele mala Ɓakuli: Kurcau Məbəshe

¹⁰ Ace mani ka, wun amǝ'eamrǝarǝu, wu pà rǝcandǝa arǝ lǝmndǝi ama ɓafo na wu nda aɓalǝ aɓwana mǝnana Ɓakuli tunǝia, sǝ tarkia ka. Ɓǝ̀ wu lidǝmbǝa nǝ do aɓalǝ amǝno yì aɓealǝu ka, pà wu nǝ̀ kuti aɓa cauɓikea ɗang, sǝ paɓamuru ma'wun ngga nǝ̀ kum kusǝu came.

2 Bitǝrus 1:10 ပူးပေါင်းရင်းမြစ်များ

Matiu 22:14

Ɓakuli tunǝ aɓwana pas sǝ bǝti na à dum nǝ mǝsǝcau ɓǝ̀ Ɓakuli tària ka.

Amǝ Roma 11:29

Acemǝnana Ɓakuli ka nggaɗikiyi ma ɗenyicau male arǝ aɓoro male aban aɓwana, mana nǝ̀ ea a rǝia ɗǝm ngga ɗang, sǝ aɓwana mana tunǝia sǝ tària ka, pà nǝ̀ ginǝkia ɗang.

2 Timoti 2:19

Kat andǝ amani ka, mǝsǝcau mala Ɓakuli ka, camǝna kàngkàng kǝla kusǝɓa mǝnana à kwaki sǝ pà nǝ̀ dǝurǝ raka. Amuri ka à nyoulǝ mǝnia yì cau ka ama: “Mǝtalabangŋo surǝna rǝ aɓwana mǝnana à ndaka male ka,” sǝ “Koya ɓwa mǝnana kat kǝ na ama mala Mǝtalabangŋo na ka, dumǝna pup nǝ̀ gapita rǝia andǝ ɓealɓikea.”

Amǝ Ibǝru 6:11

Sǝm nggǝ earce ama koyan ata wun ngga, ɓǝ̀ lǝmndǝ ulang mǝno yì rǝɓǝla arǝ turo mǝɓoarne ka, ba masǝlǝate, ace mǝnana tsǝkɓalǝu ma'wun ngga, ɓǝ̀ kum lumsǝo.

Amǝ Ibǝru 6:19

Mǝnia yì tsǝkɓalǝu sǝm ndanǝi ka, nda rǝcandǝa mǝnana bwal yilǝmi sǝm kàngkàng, dǝurǝo pa kàm raka. Yì tsǝkɓalǝu ka, nda mǝnana nǝ̀ ká nǝ sǝm anzǝm lagir aɓa Ban Nggea Mǝfele ka.

Jemis 2:10

Acemǝnana ɓwa mana bwal anggurcau mala Ɓakuli kat, sǝ yàllî mwashat ka, yalni anggurcau kat.

1 Bitǝrus 1:2

Ɓakuli Tárru aɓa kane male ka tàr wun ɗiɗyal ɓǝ̀ wu duk aɓwana male nǝ́ turo mala Bangŋo ace oki Yesu Kǝrǝsti, andǝ kum lakban aɓa nkila male. Ɓǝ̀ Ɓakuli hatǝki wun nǝ ɓwamuru andǝ dorǝpwala.

1 Bitǝrus 1:5

Sǝ ata cau mala paɓamuru ma'wun ngga, Ɓakuli na rǝ yal wun nǝ rǝcandǝa male ace kum amsǝban mǝnana gilǝkini nǝ̀ yia lǝmndǝi, a masǝlǝata apwari ka.

2 Bitǝrus 1:3

Ɓakuli aɓa rǝcandǝa male ka pana sǝm koyagir mǝnana ɓoaro ɓǝ̀ sǝm pang nǝi ace do yilǝmu andǝ do ɓanggi Ɓakuli ka. Amǝnia yia agir ka Ɓakuli pà sǝmia kat lang sǝm yì surǝ Yesu mǝnana tunǝ sǝm ɓǝ̀ sǝm kum kāmbe aɓa gulo andǝ ɓoaro male ka.

2 Bitǝrus 1:5

Ace mǝnia ka, wu ɓariki, wu lumsǝkun paɓamuru ma'wun nǝ cauɓoarna; sǝ cauɓoarna ka wu gbashite nǝ surǝgir;

2 Bitǝrus 3:14

Ace mani ka, wun amǝ'eamrǝarǝu, mǝno ado wu nda aban kundǝ amǝnia yì agir ɓǝa yiu ka, wu ɓariki wu do aɓa ɓoarnsari, andǝ ɗwanyi cau a rǝǔ, sǝ wu dukdo rǝpwala.

2 Bitǝrus 3:17

Wun amǝ'eamrǝarǝu, mǝno ado wu surǝna mǝnia ka, wu tsǝkir wun, ɓǝ̀ ɓwarkio mala amǝ'ɓealɓikea mǝnia ka ɓǝ̀ kǝa gǝshi wun a bancame ma'wun, ɓǝ̀ kyan nǝ wun a kpa ɗang.

Yahuda 1:24

Adyan ngga, gulo ka ɓǝa pe Ɓakuli, mǝnana nǝ̀ gandǝ bwal wun, wu kǝa kpa raka, sǝ nǝ̀ yinǝ wun a ɓadǝmbǝi, mana lumsǝ nǝ ɓoarɓwa ka, nǝ banɓoarnado mǝgule andǝ ɗwanyi cau a rǝǔ.

Sǝna 22:14

Aɓwana mǝnana à kǝ lákkí anggea-daura malea, à do aɓa ɓoarnsari mala ɓabum ngga, à ndanǝ tsǝkbu. Ɓakuli nǝ̀ nyinggia wia ban arǝ kunɓala ɓǝa kutio aɓa yì nggeala sǝ ɓǝa li ɓǝlanggun mala nggun yilǝmu.