Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Bitǝrus 1:1 - Maləmce Məfele mala Ɓakuli: Kurcau Məbəshe

1 Makkun mǝnana pur nǝ bu Shiman Bitǝrus, guro sǝ mǝ'mishan mala Yesu Kǝrǝsti. Aban ká aban aɓwana mǝnana à kumǝna paɓamuru mǝɓoarne kǝla mǝnana sǝm ndanǝi ka, ata cau mala pémǝɓoarne mala Ɓakuli andǝ Mǝ'amsǝ sǝm Yesu Kǝrǝsti.

အခန်းကိုကြည့်ပါ။ ကော်ပီ




2 Bitǝrus 1:1
40 ပူးပေါင်းရင်းမြစ်များ  

Amǝnia ka à ndaka lullǝ amǝ'mishan lum-nong-ɓari: A dǝmbǝa ka nda Shiman (mǝnana à tunǝki ama Bitǝrus ka) andǝ mǝ'eambǝi Andǝru; Jemis andǝ mǝ'eambǝi Yohana (amuna mala Zabadi);


Yesu na ban gya a kun Garang Galili, sǝ mǝsǝì kpa arǝ aɓwana ɓari amǝ'eambǝu, Shiman mǝnana à tunǝki ama Bitǝrus ka andǝ mǝ'eambǝi Andǝru. À nda ban taula nǝ ndámbú aɓa Garang ace mǝnana yia ka bwal-nji nda turo malea.


sǝ ɓabumam kǝ pak banɓoarnado ata cau mala Ɓakuli Mǝ'amsǝam,


Mǝnia ka nda cau mǝnana Ɓakuli bangŋa amur wun ngga, “Mǝ nǝ tura wun ban nǝ amǝ'ɓangna andǝ amǝ'mishan, aɓea ka wu nǝ̀ wal-luia sǝ acilia ka wu nǝ̀ pea wia tanni.”


Sǝ yinǝ Shiman aban Yesu. Yesu sǝni kyap-kyap, sǝ na ama, “A nda Shiman muna mala Yohana. À nǝ̀ tunǝo ama, Kefas.” (Tǝr Kefas nda Bitǝrus, ɓālǝi ama, Tali.)


Ɓwa mǝnana kat earce nǝ̀ do a ɓatam ngga, dumǝna púp nǝ̀ yiu atam, ace mǝnana ban mǝnana kat mǝ nda kam ngga, àkǝ̀ banì sǝ guro mem nǝ̀ pa. Sǝ Tárram gbal ka nǝ̀ gusǝlǝ ɓwa mǝnana kat pà ɓamuri kǝ pak turo a ɓatam ngga.


Yesu banggia wia ɗǝm ama, “Ɓǝ̀ rǝ wun pwalo. Kǝla mǝnana Tárram turam ngga, anggo gbal sǝ ǝn nggǝ tur wun.”


Shiman Bitǝrus no bǝl ɓa lang sǝ Ɓakuli ɗenyi nǝ aɓwana mana amǝ Yahudi na raka ka, mana lǝmndǝia wia ɓwamuru, twal aɓwana aɓalǝia ɓǝa duk amale ka.


Mǝnia yì cautera ka pur nǝban Bulǝs, guro mala Kǝrǝsti Yesu, mǝnana Ɓakuli tunǝi ɓǝ̀ duk mǝ'mishan, sǝ tarrì ace turo hamnǝ bǝsa Cau Mǝɓoarne mala Ɓakuli ka.


Gir mana ǝn nakiyi nda mana ama, ǝn nggǝ earce ɓak ɓabum wun nǝ paɓamuru mem, sǝ mim gbal ka mǝ kum ɓakɓabum nǝ ma'wun yì paɓamuru.


Yì Cau Amsǝban ngga, ndá kǝ̀ lǝmndǝa sǝm lang sǝ Ɓakuli kǝ nggaɗi sǝm, ɓǝ̀ sǝm pǝlǝ aɓwana amǝɓoarne a ɓadǝmbǝi. Mǝnia ka kǝ pa anggo nǝ guli arǝ Kǝrǝsti, twal a tite kya pur a masǝlǝate, kǝla mǝnana Malǝmce na ka ama: “Ɓwa mǝnana kumǝna akban aban Ɓakuli ka, nǝ̀ dumnǝ yilǝmu aɓa guli arǝ Ɓakuli.”


Àkǝ̀ ce gir mǝnana Ɓakuli pe ka sǝ wu kum kpapi wunǝa Kǝrǝsti Yesu, yì mǝnana Ɓakuli tsǝngŋǝni nda sǝlǝe ma'sǝm, sǝ yì nda ɓwa mǝnana gilǝki nre sǝm andǝa Ɓakuli, sǝ tàr sǝm, sǝm duk amale, sǝ yi akmúr sǝm aɓalǝ acauɓikea ma'sǝm ngga.


Mim ngga, mǝ nda rítǎu aɓalǝ amǝ'mishan. Ɓafo ka, ǝn kārǝa ɓǝa ɓallam aɓalǝ amǝ'mishan ɗang, ace kǝ pàtanni mǝnana ǝn pe ikǝlisiya mala Ɓakuli ka.


Mim ngga, ǝn pa mbak ata rǝam mǝ nǝ duk ulang do mǝnana ǝn earkiyi ce ka? Mim ngga mǝ nda mǝ'mishan re? Ən sǝn ma Yesu Mǝtala sǝm nǝ mǝsǝam re? Do mǝnana wu duk amǝkwaɗi ka, pà ace turo mem mǝnana ǝn pakki Mǝtalabangŋo ka re?


Malǝmce bang ama, “Ən earǝna nǝi, ace mani ka ǝn na cau.” Nǝ mǝno yì bangŋo mala paɓamuru ka, sǝm gbal ka sǝm earnǝi, nda sǝm na cau ka.


Ɓakuli tsǝk Kǝrǝsti, mǝnana panǝ cauɓikea raka, pǝlǝ cauɓikea ace sǝm, ace mǝnana a ɓalǝi ka, sǝm nǝ̀ pǝlǝ amǝ'cauɓoarna aban Ɓakuli.


Kǝ Ɓakuli mǝ'mwashati, mǝnana pak turo nǝ Bitǝrus, ci mǝ'mishan na aban ká aban amǝ Isǝrayila ka, nda mǝnana pak turo nǝ mim, ciem mǝ'mishan aban ká gbal aban aɓwana mala acili anzali ka.


sǝ à pusǝì a banfana aban aɓwana arǝ anza mǝno à kutikina raka. Sǝa ma adyan a nza man ngga, yi pusǝni a banfana aban amǝ'mishan andǝ amǝ'ɓangna mala Ɓakuli, nǝ bu Bangŋo male.


Kǝ yì na mǝnana pākiyi aɓwana aɓoro ka; aɓea ɓwana ka pea wia ɓoro mala turo mishan, aɓea aɓwana ka amǝ'ɓangna mala Ɓakuli, aɓea ɓwana ka amǝham nǝ Cau Amsǝban, aɓea ɓwana ka amǝyal aɓwana, sǝ aɓea ɓwana ka amǝkanigir.


Mǝtalabangŋo na mwashat, paɓamuru na mwashat, batisǝma na mwashat,


Cautera mǝnia ka, pur nǝban Bulǝs andǝ Timoti, aguro mala Kǝrǝsti Yesu. Aban ká aban aɓwana amǝ fele mala Ɓakuli a Filipi, yia mǝnana à nda aɓa dotarǝu andǝa Kǝrǝsti Yesu ka, kat andǝ aɓwana-mǝgule andǝ amǝ'bwalturo ɓa ndahiwi.


Acemǝnana dǝmbǝu mǝnana wu kumo arǝ pakki Kǝrǝsti turo ka, pa ace paɓamuru nǝmurǝì abani ɗang, nda gbal acemǝnana ama wu nǝ̀ nu tanni ace ka.


sǝ ɓǝ̀ sǝm duk mwashat sǝnǝi. Ən panǝ cauɓoarna mala ɓamuram mǝnana à kumnggiki ace kpata Nggurcau ka ɗang; she kǝ mǝnana à kumnggiki nǝ paɓamuru aban Kǝrǝsti ka. Acemǝnana njar mana Ɓakuli nǝ tsǝk sǝm, sǝm nǝ̀ duk aɓwana mǝɓoarne a kane male ka, ndǎ ɓǝ̀ sǝm pa ɓamur sǝm aban Kǝrǝsti ka.


Ən nggǝ ɗenyi nǝ paɓamuru mo mǝɓafoe aban Mǝtalabangŋo kǝla ulang pe mala keo mǝ'mɓwamae, yì Loyis andǝ nggo Yunis, sǝ ǝn sǝlǝna nǝma a ndarǝ lidǝmbǝa aɓa mǝno yì paɓamuru ka nǝ rǝcandǝa.


Cautera mǝnia ka pur nǝ banam Bulǝs, guro mala Ɓakuli andǝ mǝ'mishan mala Yesu Kǝrǝsti. À turam aban aɓwana mala Ɓakuli mana tària ka ace ɓak paɓamuru malea abani, sǝ mǝ kania wia ɓǝa surǝ mǝsǝcau mǝnana kǝ lǝmndǝì aɓwana njar mala dokpata Ɓakuli ka.


Ən nggǝ gilǝì Titus, munem mǝ'mǝsǝcau nì aɓa paɓamuru mǝnana sǝm kat sǝm nda a ɓalǝi ka. Ɓǝ̀ Tar sǝm Ɓakuli andǝ Kǝrǝsti Yesu Mǝ'amsǝ sǝm, bwalo kam nǝ ɓwamuru andǝ dorǝpwala!


Ɓǝ̀ do ma'sǝm pǎ anggo a pa mǝnana sǝm nda rǝ kundǝ mǝno yì tsǝkɓalǝu mana nǝ̀ yia lumsǝ sǝm nǝ bumpwasǝa ka, yì tsǝkɓalǝu arǝ yiu mala Ɓakuli ma'sǝm mǝgule, Yesu Kǝrǝsti Mǝ'amsǝban, aɓa tǎ mala ɓoarɓwa male.


Mim Jemis, guro mala Ɓakuli andǝ mala Mǝtalabangŋo Yesu Kǝrǝsti, mǝ nda ban terǝ cau aban ká aban amǝkpata Kǝrǝsti mǝnana aɓalǝ atau lum-nong-ɓari mala amǝ Isǝrayila, mǝnana à mesǝkea arǝ anzali aɓa ɓanza ka. Ən nggǝ makka wun kun!


Mǝnia yì cautera ka, pur nǝ́ bu Bitǝrus, mǝ'mishan mala Yesu Kǝrǝsti. Aban ká aban aɓwana mala Ɓakuli mǝnana à tària ka, yia amǝnana à mesǝke, à do kǝla abǝri arǝ abu-nzali mala amǝ Pwantus, andǝ Galati, andǝ Kapadosiya, andǝ bu-nzali Asiya, andǝ bu-nzali Bitiniya ka.


Amǝnia yì akárǝkiban ngga, à nda à nǝ̀ lǝmndǝ ama paɓamuru ma'wun ngga, mǝɓafoe na ka. Ko nggearǝ zǝnariya mǝnana kǝ kiɗiki ka, à kǝ mwami nǝ bǝsa; anggo gbal, paɓamuru ma'wun mǝnana doɓoaro male kuti mala zǝnariya ka, dumǝna pup à nǝ̀ mwami, ace mǝnana ɓǝa sǝn came male aɓa mǝkwane ka. Anggo ka sǝ wun nǝ̀ kum ɓwangsǝban, andǝ ɓoarɓwa, andǝ gusǝlǝban aban Ɓakuli, a Pwari mǝnana Yesu Kǝrǝsti nǝ̀ lǝmndǝna rǝì nǝi aban ɓwapǝndǝa kat ka.


Sǝ wun mana wu guli a rǝì ka, ɓoaro male aban wun ngga ulang yi pà kàm ɗang. Sǝ aban aɓwana mǝnana à earnǝi raka dumǝna, “Tali mǝnana amǝɓa ginǝki ka, nda yi duk Tali kwakita kusǝɓa ka.”


Mǝ nda rǝ ɓakɓabum aɓwana-mǝgule mǝnana aɓalǝ wun ngga kǝla ɓi'wun ɓwamǝgule. Ən sǝn nutanni mala Kǝrǝsti nǝ amǝsǝam, sǝ mim gbal ka, mǝ nǝ kum kāmbe mem aɓa ɓoarɓwa male, yi mǝnana ɓǝ̀ yi pusǝna rǝì aban ɓanza ka.


Sǝ ata cau mala gulo andǝ ɓoaro male ka, ɓwamur sǝm pà sǝm aɓoro amǝgulke kǝrkǝr andǝ amǝɓoarne mǝnana bangŋa ama nǝ̀ pà ka. Pak mǝnia ka ace mǝnana nǝ amǝnia yia aɓoro ka, ɓǝ̀ sǝm kum kāmbe aɓa pa male mala do Ɓakuli, sǝ ɓǝ̀ sǝm api kiɗikiban mala ɓanza mǝnana suno mǝɓane kǝ yiu nǝi ka.


Mǝnia yì cautera ka pur nǝ bu Yahuda, guro mala Yesu Kǝrǝsti, andǝ mǝ'eam Jemis, aban ká aban aɓwana kat mǝnana Ɓakuli Tarrû tunǝia, sǝ earcea, sǝ dumsǝia aɓa yálban mala Yesu Kǝrǝsti ka.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ