1 Yohana 5:20 - Maləmce Məfele mala Ɓakuli: Kurcau Məbəshe

²⁰ Ɗǝm ngga sǝm sǝlǝna ama Muna mala Ɓakuli yina, yi pana sǝm sǝlǝe, ace mǝnana ɓǝ̀ sǝm surǝ Ɓakuli mǝ'mǝsǝcau nì. Sǝ sǝm ngga sǝm nda aɓa dotarǝu sǝnǝia, yì ɓwa mǝnana nda Ɓakuli mǝ'mǝsǝcau nì ka, andǝ Muni Yesu Kǝrǝsti. Yì Yesu ka, nda kǝ Ɓakuli mǝ'mǝsǝcau nì, sǝ nda yilǝmu mǝnana málá male pà kàm raka.

1 Yohana 5:20 ပူးပေါင်းရင်းမြစ်များ

Matiu 13:11

Yesu earia wia ama: Surǝ gir-ɓasǝmbǝra mala Domurǝm mala kuli ka à pana wuni, sǝ yia ka à pea wia ɗang.

Luka 21:15

Acemǝnana mǝ nǝ pa wun acau andǝ sǝlǝe mǝnana kǝɓwa pà kàm ata amǝɓinǝ múr wun mǝnana nǝ̀ gandǝ cam a kun wun, ko nǝ̀ makgir cau ma'wun ngga ɗang.

Luka 24:45

Pǝlǝa mǝn ɗenyicau malea ace mǝnana ɓǝa surǝ Amalǝmce mala Ɓakuli.

Yohana 1:18

Kǝ ɓwa sǝn ma Ɓakuli àkǝ̀ pwari ɗang, she kǝ Muni mǝnana à nda mwashat andǝ yi, sǝ nda a nkanggari ka. Yì na tsǝa sǝ sǝm surǝ Tarrí ka.

Yohana 10:30

Mim sǝnǝ Tárram ka sǝm nda mwashat.

Yohana 14:20

Ɓǝ̀ pwarî mǝno yina ka, wu nǝ̀ sǝlǝ ama mǝ nda aɓa Tárram, sǝ wun ngga wu nda a ɓalǝam, sǝ mǝ nda aɓalǝ wun.

Yohana 14:23

Yesu eari wi ama: Ɓwa mǝnana kat earcem ngga, nǝ̀ kpata kanigir mem, Tárram nǝ̀ earce, sǝ mim sǝnǝ Tárram ka, sǝm nǝ̀ yiu abani sǝm nǝ̀ do ate.

Yohana 14:6

Yesu eari wi ama, “Mǝ nda njargula, Mǝ nda mǝsǝcau, sǝ Mǝ nda yilǝmu; kǝɓwa pà nǝ̀ ká aban Ɓakuli Tarrû ɗang she nǝ banam.

Yohana 14:9

Yesu ne wi ama: Filip, ǝn sauwuna nǝ do ata wun, sǝ ba ado ka a malaká surǝam ɗang? Ɓwa mǝnana sǝnǝnam ngga sǝnǝna Tárram. Sǝ palang sǝ a kǝ na ama mǝ lǝmndǝa wun rǝì?

Yohana 15:4

Wu do a ɓalǝam sǝ mim ngga mǝ nǝ do aɓalǝ wun. Kǝla mǝnana bu-nggun anap pà nǝ̀ gandǝ pa ɓǝle nǝmurǝì raka, she ɓǝ̀ dumǝna aɓa nggea ngguni ka, anggo gbal sǝ wun ngga pà wù nǝ̀ gandǝ pa ɓǝla wun ɗang, she ɓǝ̀ wu dumǝna a ɓalǝam ngga.

Yohana 17:14

Ən pania wia cau mo, sǝ ɓanza kǝ ɓinǝ mǝsǝia, acemǝnana yia ka à ndaka mala ɓanza ɗang, kǝla mǝnana mim ngga mǝ nda mala ɓanza raka.

Yohana 17:25

We Dâ Mǝ'cauɓoarna! Ɓanza surǝo ɗang, sǝ mim ngga ǝn surǝo, sǝ amǝnia yì alaggana mem ngga, à sǝlǝna ama a nǝ turam.

Yohana 17:3

Sǝ mǝnia ka nda njar kum yilǝmu mǝnana pà nǝ̀ mal raka, ɓǝa surǝo, kǝ we Ɓakuli Mǝ'mǝsǝcau nì, andǝ Munio Yesu Kǝrǝsti mǝnana a turi aɓa ɓanza ka.

Yohana 20:28

Toma pǝlǝa eari Yesu ama, “Mǝtalem andǝ Ɓakuli mem!”

Yohana 8:42

Sǝ Yesu nea wia ama: Ɓǝ̀ tar wun nda Ɓakuli ka, wu nǝ̀ earcem, acemǝnana ǝn pur aban Ɓakuli, sǝ ado ka mǝ ndakani. Ən yipi ɓamuram ɗang, Ɓakuli nǝ̀ turam.

Amǝ Mishan 20:28

Wu yal ɓamur rǝ wun andǝ aɓwana mala Ɓakuli mǝnana Bangŋo Mǝfele pa wun a bu wun ɓǝ̀ wu ɗenyi nǝia ka. Wu do kǝla ayalgir amur domwan mala Ɓakuli, yì ikǝlisiya male, amǝkpate mǝnana kúria nǝ nkila mala Muni, mǝnana sukki amur nggun-gangndi ace amsǝia ka.

Amǝ Roma 9:5

A Ibǝrayim, andǝ Yakupu, andǝ Ishaku ka à ndaka keà mǝnana nǝ bania sǝ tau ɓǝlban aɓa nggūrǝu mala Kǝrǝsti pur ka. Ɓwangsǝban mǝnana málá male pà kàm raka ɓǝa pè Ɓakuli mǝnana nda amur aɓwana kat ka! Amin.

1 Amǝ Korinti 1:30

Àkǝ̀ ce gir mǝnana Ɓakuli pe ka sǝ wu kum kpapi wunǝa Kǝrǝsti Yesu, yì mǝnana Ɓakuli tsǝngŋǝni nda sǝlǝe ma'sǝm, sǝ yì nda ɓwa mǝnana gilǝki nre sǝm andǝa Ɓakuli, sǝ tàr sǝm, sǝm duk amale, sǝ yi akmúr sǝm aɓalǝ acauɓikea ma'sǝm ngga.

2 Amǝ Korinti 4:6

Ɓakuli mǝnana na ama, “Ɓǝ̀ tǎlaban ta aɓa pǝndǝa” ka, tana a ɓabum sǝm ace pà sǝm tǎlaban mala surǝ ɓoarɓwa mala Ɓakuli mǝnana à nǝ̀ sǝni a ɓamǝsǝ Yesu Kǝrǝsti ka.

2 Amǝ Korinti 5:17

Ace mani ka, ɓwa mǝnana kat dumǝna mala Kǝrǝsti ka, pǝlǝna bǝsa ɓwa. Do mǝ'e kutina, do mǝbǝshe tinate.

Amǝ Afisu 3:18

Ən nggǝ pak hiwi ɗǝm ama, ɓǝ̀ wu kum rǝcandǝa wunǝ acilia ɓwana mala Ɓakuli, wu bwalta tangŋa, andǝ sauwa, andǝ dārya, andǝ lime mala earcearǝu mala Kǝrǝsti.

Amǝ Filipi 3:9

sǝ ɓǝ̀ sǝm duk mwashat sǝnǝi. Ən panǝ cauɓoarna mala ɓamuram mǝnana à kumnggiki ace kpata Nggurcau ka ɗang; she kǝ mǝnana à kumnggiki nǝ paɓamuru aban Kǝrǝsti ka. Acemǝnana njar mana Ɓakuli nǝ tsǝk sǝm, sǝm nǝ̀ duk aɓwana mǝɓoarne a kane male ka, ndǎ ɓǝ̀ sǝm pa ɓamur sǝm aban Kǝrǝsti ka.

1 Timoti 3:16

Kǝ̀ makgir pà kàm ɗang, gir ɓa-sǝmbǝrǝa mala cau paɓamuru ma'sǝm ngga lim kǝkǝr: Kǝrǝsti ka, yi pur aɓa nggūrǝ ɓwapǝndǝa, sǝ à lǝmndǝi mǝ'cauɓoarna na nǝ bu Bangŋo mala Ɓakuli. Amǝturonjar sǝni, sǝ à hamnǝ cê aban aɓwana mala aɓea anzali. Aɓwana a ɓanza paɓamuria abani, sǝ à twali à um nǝi a kuli aɓa ɓoarɓwa.

Titus 2:13

Ɓǝ̀ do ma'sǝm pǎ anggo a pa mǝnana sǝm nda rǝ kundǝ mǝno yì tsǝkɓalǝu mana nǝ̀ yia lumsǝ sǝm nǝ bumpwasǝa ka, yì tsǝkɓalǝu arǝ yiu mala Ɓakuli ma'sǝm mǝgule, Yesu Kǝrǝsti Mǝ'amsǝban, aɓa tǎ mala ɓoarɓwa male.

Amǝ Ibǝru 1:8

Sǝa ma amur Muni ka, bangŋa ama, “Domurǝm mo we Ɓakuli ka, masǝlǝate pà kàm ɗang, sǝ garamurǝm mala domurǝm mo ka, nda do amur mǝsǝcau.

1 Yohana 2:23

Ɓwa mǝnana ginǝ eare ama Yesu nda Muna mala Ɓakuli ka, ginǝna Ɓakuli Tarrû, sǝ ɓwa mǝnana earnǝi ama Yesu nda Muna mala Ɓakuli ka, earǝna nǝ Ɓakuli Tarrû gbal.

1 Yohana 2:24

Wun ngga, gir mǝnana wu ok ɗiɗyal a tite ka, ɓǝ̀ do aɓalǝ wun. Ɓǝ̀ pa anggo ka, wun gbal ka, wu nǝ̀ do aɓa dotarǝu wunǝ Muna mala Ɓakuli andǝ Ɓakuli Tarrû.

1 Yohana 2:6

Ɓwa mǝnana bangŋa ama nda aɓa dotarǝu andǝa Ɓakuli ka, dumǝna ama nǝ̀ dukdo mǝnana Yesu duk ka.

1 Yohana 4:14

Ɗǝm ngga, sǝm sǝnǝna Muna mala Ɓakuli nǝ mǝsǝ sǝm, sǝ ado ka sǝm ndarǝ banggi aɓwana ama, Ɓakuli Tár sǝm tur Muni ɓǝ̀ yi duk Mǝ'amsǝ ɓanza.

1 Yohana 4:16

Sǝ sǝm nǝ́ ɓamur rǝ sǝm ngga, sǝm surǝna rǝ ulang earcearǝu mǝnana Ɓakuli ndanǝi arǝ sǝm ngga, sǝ sǝm earǝna nǝi. Ɓakuli ka earcearǝu na, sǝ ɓwa mǝnana kat do aɓa earcearǝu ka, nda aɓa dotarǝu andǝa Ɓakuli, sǝ Ɓakuli ka nda aɓa dotarǝu andǝi.

1 Yohana 4:2

Ani sǝ wu nǝ̀ sǝlǝa ko à ndanǝ Bangŋo mala Ɓakuli: Ɓwa mǝnana kat eare ama Yesu Kǝrǝsti yiu aɓa nggūrǝu ka, ndanǝ Bangŋo mǝnana pur nǝban Ɓakuli ka.

1 Yohana 5:1

Ɓwa mǝnana kat ear ama Yesu nda Kǝrǝsti ka, ɓǝlban mala Ɓakuli na. Sǝ ɓwa mǝnana kat kǝ earce Ɓakuli Tarrú ka, nǝ̀ earce amuna mala Ɓakuli gbal.

1 Yohana 5:15

Sǝ acemǝnana sǝm sǝlǝna ama kǝ ok sǝm aɓalǝ azǝmbǝa ma'sǝm ngga, sǝm sǝlǝna gbal ama ɓǝ̀ man sǝ ɓǝ̀ sǝm zǝmbǝa abani ka sǝm kumǝni.

1 Yohana 5:18

Sǝm sǝlǝna ama ɓwa mǝnana kat ɓǝlban mala Ɓakuli na ka, pà nǝ̀ lidǝmbǝa nǝ pak cauɓikea ɗang. Yì ka, Muna mala Ɓakuli nǝ̀ dupi wi ntongŋo, Shetan pà nǝ̀ gandǝ je ɗang.

1 Yohana 5:5

Sǝ yana ɓwe mǝno likiyi-murǝm amur ɓanza ka? Nda kǝ ɓwa mǝnana earǝna ama Yesu nda Muna mala Ɓakuli ka.

Sǝna 15:3

À nda rǝ tu nggyal mala Musa, yì guro mala Ɓakuli, andǝ nggyal mala Mǝgam; à kǝ na ama: “We, Mǝtalabangŋo Ɓakuli, mǝnana a Karmur Gulo kat ka, a pakki aturo mǝgulke andǝ agir pa'ndali. Aturo mo kat ka, a kǝ́ pea aɓa mǝsǝcau andǝ kpate a njari, We Murǝm mala anzali!

Sǝna 19:11

Pǝlǝa ǝn sǝn kuli mǝna, sǝ ǝn sǝn pǝ̀r mǝpwasǝe aban came kam. Ɓwa mǝnana do a nzǝmi kwakiyi ka, lullǝi nda Mǝ'mǝsǝcaunì andǝ Mǝɓafoe. Aɓa ɓashiki aɓashi male andǝ munǝki amunǝo male ka, kǝ kpata agir kat a nzongŋi.

Sǝna 3:14

Gilǝî mǝturonjar mala ikǝlisiya mǝnana a Lawodisi ka ama: Mǝnia ka nda cautera mǝnana pur nǝ bani, yì ɓwa mǝnana nda Amin, mǝ'nakún mǝ'mǝsǝcau nì sǝ mǝɓafoe, mǝyalban amur agirbunda mǝnana Ɓakuli pusǝia ka.

Sǝna 3:7

Gilǝî mǝturonjar mala ikǝlisiya mǝnana a Filadefiya ka ama: Mǝnia ka nda cautera mǝnana pur nǝban Yì ɓwa mana nda Mǝfele sǝ nda Mǝ'mǝsǝcau ka, yì ɓwa mana bwal kyî mala Dauda a bui ka. Gir mǝnana mǝnǝni ka, kǝɓwa kārǝa nǝ̀ gìrì ɗang, sǝ gir mǝnana gìrnì ka, kǝɓwa kārǝa nǝ̀ mǝnni ɗang.

Sǝna 6:10

À loasǝ gia kǝrkǝr à ɓua aban Ɓakuli ama, “She aya fara le, we Mǝtalabangŋo mǝnana a Karban kat ka! We mǝfele andǝ mǝ'mǝsǝcau nì, aya fara sǝ a nǝ pakki ɓanza ɓashi, sǝ a ya pwari sǝ a nǝ mbwea ace nkila ma'sǝm mǝnana à sukki ka?”