1 Yohana 5:18 - Maləmce Məfele mala Ɓakuli: Kurcau Məbəshe

¹⁸ Sǝm sǝlǝna ama ɓwa mǝnana kat ɓǝlban mala Ɓakuli na ka, pà nǝ̀ lidǝmbǝa nǝ pak cauɓikea ɗang. Yì ka, Muna mala Ɓakuli nǝ̀ dupi wi ntongŋo, Shetan pà nǝ̀ gandǝ je ɗang.

1 Yohana 5:18 ပူးပေါင်းရင်းမြစ်များ

Matiu 5:37

Ɗeki “E” mo ɓǝ̀ duk “E,” sǝ “Awo” mo ɓǝ̀ duk “Awo”; ɓǝ̀ wori mǝnia ka pur nǝ ban Mǝɓealɓikea.

Matiu 6:13

Bwala sǝm ɓǝ̀ sǝm kǝa kuti aɓa karǝkiban ɗang, amsǝ sǝm a bu Mǝɓealɓikea. [Domurǝm, andǝ rǝcandǝa, andǝ gulo ka amo na kat, mana masǝlǝate pà kàm raka, Amin.]”

Yohana 1:13

Ɓǝlban malea ka, mala nkila na andǝ nggūrǝu ɗang. Pa aɓa kpapi mala mɓwama andǝ ɓwabura ɗang. Mǝnia ka pe mala Ɓakuli na.

Yohana 14:30

Pà mǝ nǝ samsǝ ban cau mǝnana mǝ nǝ na wun ngga ɗǝm ɗang, acemǝnana murǝm mala ɓanza man ndya kǝ yiu ka, sǝ pànǝ rǝcandǝa a muram ɗang.

Yohana 15:4

Wu do a ɓalǝam sǝ mim ngga mǝ nǝ do aɓalǝ wun. Kǝla mǝnana bu-nggun anap pà nǝ̀ gandǝ pa ɓǝle nǝmurǝì raka, she ɓǝ̀ dumǝna aɓa nggea ngguni ka, anggo gbal sǝ wun ngga pà wù nǝ̀ gandǝ pa ɓǝla wun ɗang, she ɓǝ̀ wu dumǝna a ɓalǝam ngga.

Yohana 15:7

Sǝ ɓǝ̀ wu do a ɓalǝam, sǝ cau mem do aɓalǝ wun ngga, wu zǝmbǝi Ɓakuli gir mǝnana kat wu earkiyice ka, sǝ nǝ̀ pa wun gir nî.

Yohana 15:9

Kǝla mǝnana Tárram kǝ earcem ngga, anggo sǝ ǝn nggǝ earce wun. Wu do aɓa earcearǝu mem.

Amǝ Mishan 11:23

Lang yiu yi bwalǝna Antiyok sǝ sǝnǝna tsǝkbu mala Ɓakuli amur aɓwana ka, bumi pwasǝo, camarǝ kwarkiria ɓǝa cam kàngkàng aɓa paɓamuru malea sǝ ɓǝa do nǝ mǝsǝcau aban Mǝtalabangŋo.

Jemis 1:18

Aɓa kane male sǝ yi ɓǝl sǝm nǝ cau mǝ'mǝsǝcau nì; tàr sǝm ata dǝmbe aɓalǝ aɓwana mǝnana pusǝia kat ka.

Jemis 1:27

Kwaɗi mǝɓoarnsari, mǝɓafoe mǝnana Ɓakuli Tár sǝm earkiyice ka, nda tsǝkir akawa andǝ aman-lú aɓalǝ atanni malea, andǝ ɓanggi pǝndǝkiban mala ɓanza.

1 Bitǝrus 1:23

Wun ngga, à ɓǝsǝlǝna ɓǝl wun a bǝshe, sǝ mǝnia yì bǝsa ɓǝlban ngga, pur aɓa mǝsǝɓeale mǝnana kǝ kìɗìkì ka ɗang, pur aɓa mǝsǝɓeale mala cau mǝyilǝmuì mala Ɓakuli, yì cau male mana te malkiyi raka.

1 Yohana 2:29

Sǝ acemǝnana sǝm sǝlǝna ama yì ka, mǝ'cauɓoarna na ka, sǝm nǝ̀ sǝlǝ gbal ama aɓwana mǝnana à kǝ pak cauɓoarna ka, amuna male na.

1 Yohana 3:12

Ɓǝ̀ sǝm ngga pa kǝla Kayinu mǝnana ɓwa mala mǝɓealɓikea na, sǝ wal-lú mǝ'eambǝi Habila ka ɗang. Ace mana ɗe sǝ wal-lui? Nda acemǝnana aturo male ka amǝ ɓike na, sǝ a mala mǝ'eambǝi ka amǝɓoarne na ka.

1 Yohana 3:3

Sǝ ɓwa mǝnana kat ndanǝ mǝnia yì tsǝkɓalǝu ka, kǝ dukdo ɓoarnsari, kǝla mǝnana Yesu ka mǝɓoarnsari na ka.

1 Yohana 3:9

Ɓwa mǝnana kat ɓǝlban mala Ɓakuli na ka, kǝ lidǝmbǝa aɓa cauɓikea ɗang, acemǝnana mǝsǝɓeale mala Ɓakuli na a ɓabumi; pà nǝ̀ lidǝmbǝa nǝ pak cauɓikea ɗang, acemǝnana yì ka, ɓǝlban mala Ɓakuli na.

1 Yohana 4:6

Sǝ sǝm ngga, sǝm ndaka mala Ɓakuli. Aɓwana mǝnana a mala Ɓakuli na ka, à kǝ ok sǝm. Sǝ aɓwana mǝnana a mala Ɓakuli na raka, à kǝ ok sǝm ɗang. Anggo sǝ sǝm surǝ gir mǝnana gakita Bangŋo mǝ'mǝsǝcau nì andǝ mǝ'nyirì ka.

1 Yohana 5:1

Ɓwa mǝnana kat ear ama Yesu nda Kǝrǝsti ka, ɓǝlban mala Ɓakuli na. Sǝ ɓwa mǝnana kat kǝ earce Ɓakuli Tarrú ka, nǝ̀ earce amuna mala Ɓakuli gbal.

1 Yohana 5:15

Sǝ acemǝnana sǝm sǝlǝna ama kǝ ok sǝm aɓalǝ azǝmbǝa ma'sǝm ngga, sǝm sǝlǝna gbal ama ɓǝ̀ man sǝ ɓǝ̀ sǝm zǝmbǝa abani ka sǝm kumǝni.

1 Yohana 5:19

Sǝm sǝlǝna ama sǝm ndaka amuna mala Ɓakuli, sǝ sǝm sǝlǝna gbal ama acili aɓwana a ɓanza kat ka à nda ɓata rǝcandǝa mala Mǝɓealɓikea.

1 Yohana 5:20

Ɗǝm ngga sǝm sǝlǝna ama Muna mala Ɓakuli yina, yi pana sǝm sǝlǝe, ace mǝnana ɓǝ̀ sǝm surǝ Ɓakuli mǝ'mǝsǝcau nì. Sǝ sǝm ngga sǝm nda aɓa dotarǝu sǝnǝia, yì ɓwa mǝnana nda Ɓakuli mǝ'mǝsǝcau nì ka, andǝ Muni Yesu Kǝrǝsti. Yì Yesu ka, nda kǝ Ɓakuli mǝ'mǝsǝcau nì, sǝ nda yilǝmu mǝnana málá male pà kàm raka.

1 Yohana 5:21

Wun amunem, wu ɓanggi gir mǝnana kat nǝ̀ ak bancame mala Ɓakuli a ɓabum wun ngga.

1 Yohana 5:4

Sǝ koya ɓwa mǝnana kat ɓǝlban mala Ɓakuli na ka, kǝ limurǝm amur ɓanza. Paɓamuru ma'sǝm aban Ɓakuli ka, nda limurǝm ma'sǝm amur ɓanza.

Yahuda 1:21

Wu bwal ɓamur rǝ wun aɓa earcearǝu mala Ɓakuli, yi mǝnana wu nda arǝ kundǝ mǝsǝswatǝr mala Mǝtala sǝm Yesu Kǝrǝsti, mǝnana nǝ̀ yinǝ wun aɓa yilǝmu mana málá male pà kàm raka.

Yahuda 1:24

Adyan ngga, gulo ka ɓǝa pe Ɓakuli, mǝnana nǝ̀ gandǝ bwal wun, wu kǝa kpa raka, sǝ nǝ̀ yinǝ wun a ɓadǝmbǝi, mana lumsǝ nǝ ɓoarɓwa ka, nǝ banɓoarnado mǝgule andǝ ɗwanyi cau a rǝǔ.

Sǝna 2:13

Ən sǝlǝna ama ban mǝnana a ndakam nǝ do ka, bunomurǝm mala Shetan na abanì. Sǝ kat andǝ mǝno ka, a cam kàngkàng aɓa kpatam. A makgir paɓamuru mo abanam ɗang, ko a nggearǝ baku mǝnana à wal lú Antipas, mǝ'nakunam mǝ'mǝsǝcau nì, mǝnana à wal-lui acem, a nggeala ma'wun, àkǝ̀ ban mǝnana Shetan duki kam ngga.