1 Yohana 5:13 - Maləmce Məfele mala Ɓakuli: Kurcau Məbəshe

¹³ Wun aɓwana mǝnana wu guli arǝ lullǝ Muna mala Ɓakuli ka, ǝn nggǝ gilǝa wun mǝnia yì cau ka, ace mǝnana ɓǝ̀ wu sǝlǝa aɓa mǝsǝcau ama wu ndanǝ yilǝmu mǝnana málá male pà kàm raka.

1 Yohana 5:13 ပူးပေါင်းရင်းမြစ်များ

Yohana 1:12

Sǝ aɓwana mǝnana kat à é, à pa ɓamuria abani ka, pania wia rǝcandǝa ɓǝa duk amuna mala Ɓakuli.

Yohana 2:23

Mǝnana Yesu na a Urǝshalima a pwari Lamsan Yalimuru ka, aɓwana pas à sǝn agir-ndǝlǝki mǝnana pea ka, pǝlǝa à pà ɓamuria abani.

Yohana 20:31

Sǝ amǝnia à gilǝia ka, nda ace mǝnana ɓǝ̀ wu earnǝi ama Yesu nda Kǝrǝsti, Mǝ'amsǝban, Muna mala Ɓakuli; sǝ aɓa paɓamuru ma'wun abani ka, wu nǝ̀ kum yilǝmu aɓa rǝcandǝa mala lullǝi.

Yohana 21:24

Mǝnia yì lagga ka nda mǝnana bang cau amur agir mǝnia, sǝ gilǝia aɓa Malǝmce ka. Sǝ sǝm sǝlǝna ama cau mǝnana na ka, mǝsǝcau na.

Yohana 3:18

“Ɓwa mǝnana kat pa ɓamuri aban Muna mala Ɓakuli ka, pà aɓata ɓashi ɗang. Sǝ ɓwa mǝnana kat ɓinǝ pà ɓamuri ka, à angŋa dǝmbǝa à kasǝna ɓashi ɓǝ̀ sulǝo amuri, acemǝnana ɓinǝ paɓamuri aban Muna mwashat ɓǝrɓǝr mala Ɓakuli ka.

Yohana 5:24

Mǝ nda ban na wun mǝsǝcau, ɓwa mǝnana kat kǝ ok cau mem, sǝ kǝ pa ɓamuri aban Tárram mǝnana tasǝam ngga, ndanǝ yilǝmu mǝnana masǝlǝate pà kàm raka. Ɓashi pà nǝ̀ sulǝo amuri ɗang, yì ka, angŋǝna dǝmbǝa yàlǝ́nì lú, kutina a yilǝmu.

Amǝ Mishan 3:16

Nǝ guliarǝu aɓa lullǝ Yesu, sǝ mǝnia yì gbakǝre ka kum rǝcandǝa. Sǝ wun ngga, wu sǝlǝna rǝ ulang gbakǝri male ɗiɗyal. Sǝ paɓamuru aban Yesu nǝ̀ yinǝi wi nǝ rǝcandǝa mala nggūrǝi, kǝla mǝno ado wun kat wu sǝni ka.

Amǝ Mishan 4:12

Amsǝban ngga à kǝ kumi aban Yesu nǝmurǝì, Ɓakuli pa ma ɓe kǝ lullǝu aɓa ɓanza, mǝnana nǝ yì sǝ aɓwana nǝ̀ kum amsǝban ngga ɗang.

2 Amǝ Korinti 5:1

Anggurǝ sǝm ngga à nda kǝla agumli mǝnana sǝm dukiyi aɓalǝia akani a ɓanza. Sǝa ma ɓǝ amǝnia yì agumli sanggina ka, sǝm sǝlǝna ama Ɓakuli nǝ̀ pe ko yan ata sǝm ngga ɓala a kuli, nggūrǝu mǝnana malkiyi raka, mǝnana Ɓakuli nǝ nggearǝì gilǝki ace sǝm, bu ɓwapǝndǝa nǝ̀ pè raka.

Amǝ Galati 4:6

Sǝ acemǝnana sǝm nda ka amuni ka, Ɓakuli tasǝ Bangŋo mala Muni a ɓabum sǝm, mǝnana kǝ tsǝk sǝm, sǝm nggǝ tunǝi ama, “Dâ, Tárram.”

1 Bitǝrus 5:12

Nǝ́ bu Silas mǝnana ǝn earnǝi kǝla mǝ'eamrǝarǝu mǝ'mǝsǝcau nì ka, sǝ ǝn nggǝ gilǝa wun mǝnia yì cau gbǝlǝm ngga. Ən nggǝ earce mǝ ɓak ɓabum wun, sǝ mǝ na wun ama, mǝnia yì gir wu nda ɓālǝi ado ka, ɓwamuru mala Ɓakuli na kat ace wun. Wu cam kàngkàng a ɓalǝi.

1 Yohana 1:4

Sǝm nggǝ gilǝ amǝnia yì agir ka, ace mǝnana ɓǝ̀ banɓoarnado ma'sǝm kat ɓǝ̀ lumsǝo.

1 Yohana 2:1

Wun amunem mǝ keke, ǝn nggǝ gilǝa wun mǝnia yì cau ka ace mǝnana wu kǝa pak cauɓikea ɗang. Sǝ ɓǝ̀ kǝɓwa pak cauɓikea ka, sǝm ndanǝ mǝ pwan-nzali ace sǝm aban Tár sǝm, Yesu Kǝrǝsti Mǝɓealɓoarna.

1 Yohana 2:21

Ən pa aban gilǝa wun acemǝnana wu surǝ mǝsǝcau raka ɗang, wu surǝna rǝì, sǝ wu sǝlǝna ama mǝsǝcau kǝ ɓǝl nyir ɗang.

1 Yohana 2:25

Sǝ mǝnia ka, nda gir mǝnana Kǝrǝsti pàcau ace ka ama nǝ̀ pà sǝm yilǝmu mǝnana málá male pà kàm raka.

1 Yohana 2:26

Mǝ nda ban gilǝa wun amǝnia yì agir ka, ace nunkir wun arǝ aɓwana mǝnana à kǝ earce à nǝ̀ tsǝk wun, ɓǝ̀ wu ɓwarki ka.

1 Yohana 3:23

Mǝnia ka nda nzongcau male: Ɓǝ̀ sǝm pa ɓamur sǝm aban Muni Yesu Kǝrǝsti, sǝ ɓǝ̀ sǝm earce rǝarǝ sǝm kǝla mǝnana bangga sǝm ngga.

1 Yohana 4:9

Ani sǝ Ɓakuli lǝmndǝa sǝm earcearǝu, mǝnana tur Muni ɓǝrɓǝr a ɓanza, ace mǝnana ɓǝ̀ sǝm kum yilǝmu nǝbani ka.

1 Yohana 5:10

Ɓwa mǝnana kat paɓamuri aban Muna mala Ɓakuli ka, ndanǝ mǝnia yì nakun ngga a ɓabumi. Sǝ ɓwa mǝnana earnǝ mǝnia yì nakun raka, nda ban tunǝi Ɓakuli nyir, acemǝnana ɓwe ka earnǝ nakun mǝnana Ɓakuli ne amur Muni ka ɗang.

1 Yohana 5:11

Mǝnia ka, nda nakun mǝnana Ɓakuli ne ka: Ɓakuli pana sǝm yilǝmu mǝnana málá male pà kàm raka, sǝ mǝnia yì yilǝmu ka, tǝri na nǝban Muni.

1 Yohana 5:20

Ɗǝm ngga sǝm sǝlǝna ama Muna mala Ɓakuli yina, yi pana sǝm sǝlǝe, ace mǝnana ɓǝ̀ sǝm surǝ Ɓakuli mǝ'mǝsǝcau nì. Sǝ sǝm ngga sǝm nda aɓa dotarǝu sǝnǝia, yì ɓwa mǝnana nda Ɓakuli mǝ'mǝsǝcau nì ka, andǝ Muni Yesu Kǝrǝsti. Yì Yesu ka, nda kǝ Ɓakuli mǝ'mǝsǝcau nì, sǝ nda yilǝmu mǝnana málá male pà kàm raka.