1 Yohana 5:12 - Maləmce Məfele mala Ɓakuli: Kurcau Məbəshe

¹² Ɓwa mǝnana ndanǝ Muna mala Ɓakuli ka, ndanǝ yilǝmu, sǝ ɓwa mǝnana pànǝ Muna mala Ɓakuli raka, pànǝ yilǝmu ɗang.

1 Yohana 5:12 ပူးပေါင်းရင်းမြစ်များ

Markus 16:16

Ɓwa mǝnana ak Cau Amsǝban, paɓamuri, sǝ à pakki wi batisǝma ka, nǝ̀ auwa, sǝ ɓwa mǝnana ɓinǝ ak Cau Amsǝban, paɓamuri raka, ɓashi nǝ̀ sulǝ amuri.

Yohana 1:12

Sǝ aɓwana mǝnana kat à é, à pa ɓamuria abani ka, pania wia rǝcandǝa ɓǝa duk amuna mala Ɓakuli.

Yohana 3:15

acemǝnana koya ɓwa mǝnana kat pa ɓamuri abani ka ɓǝ̀ kum yilǝmu mǝnana málá male pà kàm raka.

Yohana 3:36

Koya ɓwa na sǝ pà ɓamuri aban Muna mala Ɓakuli ka, ndanǝ yilǝmu mǝnana málá male pà kàm raka. Sǝ ɓwa mǝnana kat ɓinǝ Muna mala Ɓakuli ka pà nǝ̀ kum yilǝmu ɗang, bumlulla mala Ɓakuli ka nǝ̀ ueo amuri.

Yohana 5:24

Mǝ nda ban na wun mǝsǝcau, ɓwa mǝnana kat kǝ ok cau mem, sǝ kǝ pa ɓamuri aban Tárram mǝnana tasǝam ngga, ndanǝ yilǝmu mǝnana masǝlǝate pà kàm raka. Ɓashi pà nǝ̀ sulǝo amuri ɗang, yì ka, angŋǝna dǝmbǝa yàlǝ́nì lú, kutina a yilǝmu.

1 Amǝ Korinti 1:30

Àkǝ̀ ce gir mǝnana Ɓakuli pe ka sǝ wu kum kpapi wunǝa Kǝrǝsti Yesu, yì mǝnana Ɓakuli tsǝngŋǝni nda sǝlǝe ma'sǝm, sǝ yì nda ɓwa mǝnana gilǝki nre sǝm andǝa Ɓakuli, sǝ tàr sǝm, sǝm duk amale, sǝ yi akmúr sǝm aɓalǝ acauɓikea ma'sǝm ngga.

Amǝ Galati 2:20

À gballìnam amur nggun-gangndi sǝnǝ Kǝrǝsti. Mǝ nda mǝnana ɗǝm nǝ yilǝmu ka ɗang, Kǝrǝsti nda mǝnana ado dukiyi a ɓalǝam ngga. Do mem aɓa nggūrǝu mala ɓanza ka, ǝn dum nǝ paɓamuru aban Muna mala Ɓakuli mǝnana earcem, sǝ paɓamuri acem ngga.

Amǝ Ibǝru 3:14

Ɓǝ̀ sǝm bwal kàngkàng arǝ guliarǝu ma'sǝm mana sǝm tinate nǝi sǝ kya bik masǝlǝate ka, gir mǝnana kat mala Kǝrǝsti na ka, sǝm nǝ̀ kumi ate.

2 Yohana 1:9

Ɓwa mǝnana yàl-nzong aban ká dǝmbǝa, kpata mǝnia yì kanigir mala Kǝrǝsti raka, surǝ Ɓakuli ɗang. Sǝ ɓwa mǝnana lidǝmbǝa aɓa kanigir mala Kǝrǝsti ka, nda aɓa dotarǝu andǝa Ɓakuli Tarrû andǝ Muni.