1 Yohana 5:10 - Maləmce Məfele mala Ɓakuli: Kurcau Məbəshe

¹⁰ Ɓwa mǝnana kat paɓamuri aban Muna mala Ɓakuli ka, ndanǝ mǝnia yì nakun ngga a ɓabumi. Sǝ ɓwa mǝnana earnǝ mǝnia yì nakun raka, nda ban tunǝi Ɓakuli nyir, acemǝnana ɓwe ka earnǝ nakun mǝnana Ɓakuli ne amur Muni ka ɗang.

1 Yohana 5:10 ပူးပေါင်းရင်းမြစ်များ

Yohana 3:16

“Ɓakuli ka earce ɓanza kǝrkǝr, sǝ yi pâ kǝ̀ Muna male mwashat ace mǝnana ɓwa mana kat pà ɓamuri abani ka ɓǝ̀ kǝa kiɗiki ɓǝ̀ ueɓà ɗang, ɓǝ̀ kum yilǝmu mǝnana málá male pà kàm raka.

Yohana 3:18

“Ɓwa mǝnana kat pa ɓamuri aban Muna mala Ɓakuli ka, pà aɓata ɓashi ɗang. Sǝ ɓwa mǝnana kat ɓinǝ pà ɓamuri ka, à angŋa dǝmbǝa à kasǝna ɓashi ɓǝ̀ sulǝo amuri, acemǝnana ɓinǝ paɓamuri aban Muna mwashat ɓǝrɓǝr mala Ɓakuli ka.

Yohana 3:33

Sǝ ɓwa mǝnana kat ak cau male ka earǝna ama cau mala Ɓakuli ka mǝsǝcau na.

Yohana 5:38

Sǝ wun ngga nggearǝ cau male pa a ɓabum wun ɗang, acemǝnana wu earnǝ mim mǝnana Ɓakuli tasǝi ka ɗang.

Amǝ Mishan 8:37

[Filip ne wi ama, “Ɓǝ̀ a paɓamuro nǝ ɓabumo mwashat ka, à nǝ̀ gandǝ pakko.” Pǝlǝa bedǝran eari wi ama, “Ən earǝna nǝma Yesu Kǝrǝsti ka Muna mala Ɓakuli na.”]

Amǝ Roma 8:16

Bangŋo mala Ɓakuli nǝ ɓamuri ka, kǝ bangga sǝm a ɓabum sǝm ama kàngkàng mǝsǝcau na sǝm nda ka amuna mala Ɓakuli.

Amǝ Galati 4:1

Wu sǝni ani: Ɓǝ̀ tarrú wú, sǝ nyinggi amuni mǝkeke ɓala ka, amǝno yì amuna ka kǝgir gauwia andǝ guro-ɓala ɗang. À nda aɓata ɓwa mǝnana à pe wi yal ɓala ka, she ɓǝa gulkina ka, kat andǝ amani ama, à ndaka amǝtala kume mala tarrìa kat ka.

Amǝ Galati 4:6

Sǝ acemǝnana sǝm nda ka amuni ka, Ɓakuli tasǝ Bangŋo mala Muni a ɓabum sǝm, mǝnana kǝ tsǝk sǝm, sǝm nggǝ tunǝi ama, “Dâ, Tárram.”

Amǝ Kolosi 3:3

Acemǝnana wun ngga, wu wunî doɓanza man, sǝ mǝsǝrǝ yilǝmi wun ngga à sǝmbǝrǝni ata Kǝrǝsti aban Ɓakuli.

Amǝ Ibǝru 3:12

Wun amǝ'eamrǝarǝu, wu tsǝkir wun, ɓǝa kǝa kum kǝɓwa aɓalǝ wun mǝnana ndanǝ ɓabum mala ɓealɓikea andǝ ɗwanyi earnǝ cau mana nǝ̀ ci nǝ̀ bwaki bui arǝ kpata Ɓakuli mǝyilǝmuì ka ɗang.

2 Bitǝrus 1:19

Amur mani ka, sǝm ndanǝ mǝsǝkang-kangŋa mǝnana kuti mǝno ka ama, cau mǝnana amǝ'ɓangna hamnǝi ka mǝsǝcau na. Nǝ̀ dumnǝ ɓoaro, ɓǝ̀ wu tsǝk kir wun a rǝì, kǝla mǝnana wu nǝ̀ tsǝk kir wun arǝ pitǝla mana kǝ tá aɓa pǝndǝa ba kwaro mala ban, sǝ nlero dǝmbari yi tana a ɓabum wun ngga.

1 Yohana 1:10

Ɓǝ̀ sǝm ne ɓamur rǝ sǝm ama sǝm pàk cauɓikea raka, sǝm nyesǝ Ɓakuli ama yì ka, mǝ'nyir na, sǝ lǝmndǝ ama cau male pà aɓalǝ sǝm ɗang.

1 Yohana 5:1

Ɓwa mǝnana kat ear ama Yesu nda Kǝrǝsti ka, ɓǝlban mala Ɓakuli na. Sǝ ɓwa mǝnana kat kǝ earce Ɓakuli Tarrú ka, nǝ̀ earce amuna mala Ɓakuli gbal.

Sǝna 12:17

Gir mǝnia ka pe Dǝragon bumlulla kǝrkǝr arǝ mɓwama man. Nda nyare o nǝ̀ ká munǝo arǝ cili amuna mala mɓwame, yia aɓwana kat mǝnana à kǝ kpata anzongcau mala Ɓakuli, sǝ à duk amǝ nakun Yesu nǝ mǝsǝcau ka.

Sǝna 2:17

Ɓwa mǝnana ndanǝ kir okban ngga ɓǝ̀ ok cau mǝnana Bangŋo kǝ ne a'ikǝlisiya ka! Ɓwa mǝnana kat cam kàngkàng limurǝm ngga, mǝ nǝ pe wi girlina-manna, mǝnana à sǝmbǝrǝi a kuli ka, ɓǝ̀ li. Ɗǝm ngga mǝ nǝ pe wi tali mǝpwasǝe mǝnana ndanǝ bǝsa lullǝu mana a nyouli amuri ka. Lullǝuî ka, kǝɓwa surǝì ɗang she kǝ yì ɓwa mǝnana à pe wi mǝno yì tali-pwasǝa ka.

Sǝna 2:28

Mǝ nǝ pe wi mǝnia yì rǝcandǝa, kǝla mǝnana Tárram pam ngga; sǝ ɗǝm ngga mǝ nǝ pe wi nlero dǝmbari!