1 Yohana 5:1 - Maləmce Məfele mala Ɓakuli: Kurcau Məbəshe

¹ Ɓwa mǝnana kat ear ama Yesu nda Kǝrǝsti ka, ɓǝlban mala Ɓakuli na. Sǝ ɓwa mǝnana kat kǝ earce Ɓakuli Tarrú ka, nǝ̀ earce amuna mala Ɓakuli gbal.

1 Yohana 5:1 ပူးပေါင်းရင်းမြစ်များ

Matiu 16:16

Shiman Bitǝrus pa eare ama, “A nda Kǝrǝsti, Muna mala Ɓakuli mǝyilǝmuì.”

Luka 7:5

Yì ka, kǝ earce nzali ma'sǝm, ɗǝm ngga ɓakka sǝm Ndakpapi.”

Yohana 1:3

Nǝ yi sǝ Ɓakuli pusǝ agir kat. Kǝgir pà kàm mwashat mana à pusǝì mǝnana nǝ yi sǝ à pusǝì raka.

Yohana 15:23

Ɓwa mǝnana kat ɓinǝ mǝsǝam ngga, ɓinǝna mǝsǝ Tárram gbal.

Yohana 3:3

Yesu eari wi ama, “Mǝ nda ban no mǝsǝcau, ɓǝà ɓǝsǝlǝ ɓǝl ɓwa raka, pà nǝ̀ kutio aɓa domurǝm mala Ɓakuli ɗang.”

Yohana 6:69

Sǝ adyan ngga sǝm pànà ɓamur sǝm, sǝ sǝm sǝlǝna ama a nda kǝ Mǝfele mǝnana pur aban Ɓakuli ka.”

Yohana 8:42

Sǝ Yesu nea wia ama: Ɓǝ̀ tar wun nda Ɓakuli ka, wu nǝ̀ earcem, acemǝnana ǝn pur aban Ɓakuli, sǝ ado ka mǝ ndakani. Ən yipi ɓamuram ɗang, Ɓakuli nǝ̀ turam.

Amǝ Mishan 8:36

À nda ban ká a njargula ka, à yì bwal ɓe ban mǝnana nǝ mur ka. Pǝlǝa bedǝran na ama, “Sǝni! Mur nia ka! Mana nǝ̀ tsǝa sǝ à pà nǝ̀ pakkam batisǝma ɗang?”

Amǝ Mishan 8:37

[Filip ne wi ama, “Ɓǝ̀ a paɓamuro nǝ ɓabumo mwashat ka, à nǝ̀ gandǝ pakko.” Pǝlǝa bedǝran eari wi ama, “Ən earǝna nǝma Yesu Kǝrǝsti ka Muna mala Ɓakuli na.”]

Jemis 1:18

Aɓa kane male sǝ yi ɓǝl sǝm nǝ cau mǝ'mǝsǝcau nì; tàr sǝm ata dǝmbe aɓalǝ aɓwana mǝnana pusǝia kat ka.

1 Bitǝrus 1:3

Ɓwangsǝban kat ka, ɓǝa pe Ɓakuli, Tár Mǝtala sǝm Yesu Kǝrǝsti! Ace mǝsǝswatǝr male mǝgule ka yina nǝ sǝm aɓa bǝsa ɓǝlban. Sǝm kum mǝnia yì bǝsa ɓǝlban ngga acemǝnana Ɓakuli loasǝ Yesu Kǝrǝsti a ɓembe ka. Ado ka sǝm ndanǝ do tsǝkɓalǝu mǝyilǝmui,

1 Yohana 2:10

Ɓwa mǝnana kǝ earce mǝ'eambǝi ka, nda ban do aɓa tǎlaban, sǝ kǝgir pà kàm a ɓalǝi mǝnana nǝ̀ yinǝ annda ka ɗang.

1 Yohana 2:29

Sǝ acemǝnana sǝm sǝlǝna ama yì ka, mǝ'cauɓoarna na ka, sǝm nǝ̀ sǝlǝ gbal ama aɓwana mǝnana à kǝ pak cauɓoarna ka, amuna male na.

1 Yohana 3:14

Sǝm sǝlǝna ama sǝm auwuni lú, sǝm kutina aɓa yilǝmu, acemǝnana sǝm nggǝ lǝmndǝì amǝ'eamrǝarǝu earcearǝu. Sǝ ɓwa mǝnana pànǝ earceban raka, ɓwe ka, lú-ɓwa na.

1 Yohana 3:17

Ɓǝ̀ kǝɓwa nanǝ agirkuma mala ɓanza man, sǝ sǝn mǝ'eambǝi aɓa tǝle, sǝ ɓinǝ sǝn mǝsǝswatǝr male ka, lang sǝ earcearǝu mala Ɓakuli nǝ̀ pa a ɓabum mǝnia yì ɓwa ka?

1 Yohana 3:9

Ɓwa mǝnana kat ɓǝlban mala Ɓakuli na ka, kǝ lidǝmbǝa aɓa cauɓikea ɗang, acemǝnana mǝsǝɓeale mala Ɓakuli na a ɓabumi; pà nǝ̀ lidǝmbǝa nǝ pak cauɓikea ɗang, acemǝnana yì ka, ɓǝlban mala Ɓakuli na.

1 Yohana 4:2

Ani sǝ wu nǝ̀ sǝlǝa ko à ndanǝ Bangŋo mala Ɓakuli: Ɓwa mǝnana kat eare ama Yesu Kǝrǝsti yiu aɓa nggūrǝu ka, ndanǝ Bangŋo mǝnana pur nǝban Ɓakuli ka.

1 Yohana 4:20

Ɓǝ̀ kǝɓwa na ama: “Ən nggǝ earce Ɓakuli,” sǝ kǝ ɓinǝ mǝsǝ mǝ'eambǝi ka, mǝnia yì ɓwa ka, mǝ'nyir na. Acemǝnana ɓǝ̀ ɓwa pà nǝ̀ earmǝsǝ mǝ'eambǝi mǝnana kǝ sǝni ado raka, pà nǝ̀ gandǝ earce Ɓakuli mǝnana kǝ sǝni raka ɗang.

1 Yohana 4:7

Wun agyajam mem, ɓǝ̀ sǝm nggǝ earce rǝarǝ sǝm, acemǝnana earcearǝu ka pur nǝban Ɓakuli. Sǝ ɓwa mǝnana kat kǝ lǝmndǝ earcearǝu ka, ɓǝlban mala Ɓakuli na, sǝ surǝ Ɓakuli.

1 Yohana 5:18

Sǝm sǝlǝna ama ɓwa mǝnana kat ɓǝlban mala Ɓakuli na ka, pà nǝ̀ lidǝmbǝa nǝ pak cauɓikea ɗang. Yì ka, Muna mala Ɓakuli nǝ̀ dupi wi ntongŋo, Shetan pà nǝ̀ gandǝ je ɗang.

1 Yohana 5:4

Sǝ koya ɓwa mǝnana kat ɓǝlban mala Ɓakuli na ka, kǝ limurǝm amur ɓanza. Paɓamuru ma'sǝm aban Ɓakuli ka, nda limurǝm ma'sǝm amur ɓanza.

1 Yohana 5:5

Sǝ yana ɓwe mǝno likiyi-murǝm amur ɓanza ka? Nda kǝ ɓwa mǝnana earǝna ama Yesu nda Muna mala Ɓakuli ka.