1 Yohana 4:6 - Maləmce Məfele mala Ɓakuli: Kurcau Məbəshe

⁶ Sǝ sǝm ngga, sǝm ndaka mala Ɓakuli. Aɓwana mǝnana a mala Ɓakuli na ka, à kǝ ok sǝm. Sǝ aɓwana mǝnana a mala Ɓakuli na raka, à kǝ ok sǝm ɗang. Anggo sǝ sǝm surǝ gir mǝnana gakita Bangŋo mǝ'mǝsǝcau nì andǝ mǝ'nyirì ka.

1 Yohana 4:6 ပူးပေါင်းရင်းမြစ်များ

Luka 10:22

“Girbunda kat ka Tárram nyingŋǝnam mia a buam. Kǝɓwa surǝ koyan nda Muna ɗang, she kǝ Ɓakuli Tarrû nǝmurǝì, sǝ kǝɓwa pà kàm surǝ koyan nda Tarrû ɗang, she kǝ Muni, andǝ aɓwana mǝnana Muni tarkia ama nǝ̀ lǝmndǝi abania ɓǝa surǝì ka.”

Yohana 10:16

Mǝ ndanǝ aɓia anzur mem mǝnana à pà aɓa domwan man raka. Dumǝna púp mǝ nǝ yinǝia gbal. À nǝ̀ kwaki kiria à nǝ̀ ok giem, sǝ domwan ngga nǝ̀ duk mwashat, nǝ yalgir mwashat.

Yohana 10:27

Anzur mem kǝ ok giem; ǝn surǝia, sǝ à kǝ kpatam.

Yohana 10:3

Mǝtsǝkkir kun-nda nǝ̀ mǝnmbi wi kun-nda; anzur nǝ̀ ok gi mǝyalia ɓǝ̀ tunǝia nǝ lullǝia ka, sǝ nǝ̀ kà nǝia a nza.

Yohana 13:20

Sǝ mǝ nda ban bangga wun mǝsǝcau: ɓwa mana kat ak ɓwa mǝnana ǝn turi ka, mǝ nda akiyiam gbal ka, sǝ ɓwa mana kat em ngga, nda rǝ ak Tárram mǝnana tasǝam ngga.

Yohana 14:17

Yì nda kǝ Bangŋo mana kǝ lǝmndǝ mǝsǝcau amur Ɓakuli ka. Amǝ kpata ɓanza pa nǝ̀ gandǝ é ɗang, acemǝnana à kǝ sǝni ɗang, sǝ à surǝì ɗang. Sǝ wun ngga wu surǝì, acemǝnana ndanǝ do ata wun ado, sǝ nǝnzǝmo ka nǝ̀ ngga do a ɓabum wun.

Yohana 15:26

Nǝ nzǝmo ka mǝ nǝ tasǝa wun Mǝbwali aɓwana, yì Bangŋo mala mǝsǝcau mǝnana nǝ̀ pur nǝban Tar sǝm aban yiu aban wun ngga, nǝ̀ yia bang kuni kat a muram.

Yohana 16:13

Sǝ ɓǝ̀ Bangŋo, mǝnana kǝ lǝmndǝ mǝsǝcau amur Ɓakuli, yina ka, nǝ̀ yia kania wun ɓǝ̀ wu surǝ mǝsǝcau kat mǝnana kǝ pur aban Ɓakuli ka. Pà nǝ̀ ɓun cau a ɓamuri ɗang, kǝgir mǝnana o a kun Ɓakuli ka, kǝ nda nǝ̀ bang ngga. Sǝ nǝ̀ bangga wun ce agir mǝnana à malaká yiu peatu raka.

Yohana 18:37

Bilatus pǝlǝa ne Yesu ama, “Ashe a nda murǝm!” Yesu eari wi ama, “A bangŋa ama mǝ nda murǝm. Ace kǝ mani sǝ à ɓǝlam, sǝ yiu mem a ɓanza ka nda ace na mǝsǝcau, sǝ ɓwa mǝnana kat kǝ camata mǝsǝcau ka, kǝ kwaki kiri kǝ ok giem.”

Yohana 20:21

Yesu banggia wia ɗǝm ama, “Ɓǝ̀ rǝ wun pwalo. Kǝla mǝnana Tárram turam ngga, anggo gbal sǝ ǝn nggǝ tur wun.”

Yohana 8:19

Sǝ à ɗi ama, “Tarró na ake?” Pǝlǝa Yesu earia wia ama, “Wu surǝam ɗang, sǝ wu surǝ Tárram ɗang. Ɓǝ̀ wu surǝna rǝam ngga, ɓǝ̀ wu surǝna rǝ Tárram gbal.”

Yohana 8:23

Yesu ear ama, “Tǝta wun ngga a ɓanza mǝnia a nzali ka sǝ pa, sǝ mim ngga ǝn pur nǝ kuli. Wu nda ka mala ɓanza man, sǝ mim ngga mǝ nda mala ɓanza man ɗang.

Amǝ Roma 1:1

Mǝnia yì cautera ka pur nǝban Bulǝs, guro mala Kǝrǝsti Yesu, mǝnana Ɓakuli tunǝi ɓǝ̀ duk mǝ'mishan, sǝ tarrì ace turo hamnǝ bǝsa Cau Mǝɓoarne mala Ɓakuli ka.

Amǝ Roma 11:8

Kǝla mǝnana Malǝmce na ka, “Ɓakuli cia a ntulo mǝdǝmbǝre, pea wia amǝsǝu mǝnana à pà nǝ̀ sǝnban ɗang, andǝ akiru mǝnana à pà nǝ̀ okban raka, ba yalung.”

1 Amǝ Korinti 14:37

Ɓǝ̀ kǝ ɓwa kǝ sǝni kǝla yì ka, mǝ na gì Ɓakuli na, ko ndanǝ ɓe kǝ ɓoro mala Bangŋo ka, ɓǝ̀ sǝlǝ ama cau mǝnia ǝn gilǝa wun ngga, nzongcau na, pur nǝ ban Mǝtalabangŋo nǝ nggearǝì.

2 Amǝ Korinti 10:7

Wun ngga, wu kǝ twal agir a sǝne mala mǝsǝu. Ɓǝ̀ à kǝ ɓwana kǝ twali ɓamuria ama à ndaka mala Kǝrǝsti ka, yia ka ɓǝa ɓǝsǝlǝ pak ɗenyicau, acemǝnana sǝm gbal ka, sǝm nda ka mala Kǝrǝsti kǝla yia.

2 Amǝ Tasalonika 1:8

Nǝ̀ yia ɓasha aɓwana mǝnana kat à surǝ Ɓakuli raka, andǝ amana à ɓinǝ kpata Cau Amsǝban mala Mǝtala sǝm Yesu ka.

1 Timoti 4:1

Adyan ngga, Bangŋo Mǝfele kǝ na sǝm bwāng ama a masǝlǝata apwari ka, aɓea aɓwana nǝ̀ pǝlǝì paɓamuru mǝ'mǝsǝcau nì nzǝmia. À nǝ̀ kpata abangŋo mǝ'nyirì andǝ akanigir mǝnana à pur nǝ ban akukwar ka.

2 Bitǝrus 3:2

Ən nggǝ earce nǝma ɓǝ̀ wu ɗenyi nǝ acau mǝnana amǝ'ɓangna mǝfele mala Ɓakuli bangŋi a pwaryan, sǝ ɓalǝ wun ɓǝ̀ kǝa lorǝ nzongcau mǝnana Mǝtalabangŋo, Mǝ'amsǝban pá nǝ bu amǝ'mishan ma'wun ngga ɗang.

1 Yohana 4:1

Wun agyajam mem, wu kǝa earnǝ koya ɓwa mǝnana kat twali ɓamuri ama ndanǝ Bangŋo mala Ɓakuli ka ɗang. Wu karǝkia, wu sǝni ko à pur nǝban Ɓakuli. Acemǝnana amǝ'ɓangna mǝ'nyirì pas kutina a ɓanza.

1 Yohana 4:4

Wun amunem ngga, wu nda ka mala Ɓakuli, sǝ wu lina murǝm amuria, acemǝnana yi Ɓwa mǝnana aɓalǝ wun ngga, kuti ɓwa mǝnana a ɓanza ka.

1 Yohana 4:8

Ɓwa mǝnana kat kǝ lǝmndǝ earcearǝu raka, surǝ Ɓakuli ɗang, acemǝnana Ɓakuli ka earcearǝu na.

1 Yohana 5:19

Sǝm sǝlǝna ama sǝm ndaka amuna mala Ɓakuli, sǝ sǝm sǝlǝna gbal ama acili aɓwana a ɓanza kat ka à nda ɓata rǝcandǝa mala Mǝɓealɓikea.

Yahuda 1:17

Sǝ wun, agyajam mem ngga, wu ɗenyi nǝ agir mǝnana amǝ'mishan mala Mǝtala sǝm Yesu Kǝrǝsti bang ɗiɗyal ama à nǝ̀ yia kumban ngga.