1 Yohana 4:5 - Maləmce Məfele mala Ɓakuli: Kurcau Məbəshe

⁵ Yia ka, a mala ɓanza na, ace mani ka ɓanza kǝ oea, acemǝnana kǝ cau mala ɓanza na à nakiyi ka.

1 Yohana 4:5 ပူးပေါင်းရင်းမြစ်များ

Luka 16:8

Mǝtala-ɓala ɓwangsǝ mǝɗenyi nǝ agirkuma mǝ'ɗwanyi mǝsǝcau nì mǝno ace kutan male. Acemǝnana aɓwana amǝkpata ɓanza mǝnia ka à ndanǝ kutan aɓa do malea a rǝarǝia à kuti aɓwana mǝnana amǝkpata Ɓakuli na ka.

Yohana 17:14

Ən pania wia cau mo, sǝ ɓanza kǝ ɓinǝ mǝsǝia, acemǝnana yia ka à ndaka mala ɓanza ɗang, kǝla mǝnana mim ngga mǝ nda mala ɓanza raka.

Yohana 17:16

Yia ka à mala ɓanza mǝnia na ɗang kǝla mǝnana mim ngga mǝ nda mala ɓanza raka.

Yohana 3:31

Ɓwa mǝnana pur nǝ kuli ka, nda mǝnana ndanǝ gulo kuti acili aɓwana kat ka. Ɓwa mǝnana ndakani a ɓanza ka, mala ɓanza na, sǝ acau male ka a mala ɓanza na. Sǝ ɓwa mǝnana sulǝ nǝ kuli ka, ndanǝ gulo kuti aɓwana kat.

Yohana 8:23

Yesu ear ama, “Tǝta wun ngga a ɓanza mǝnia a nzali ka sǝ pa, sǝ mim ngga ǝn pur nǝ kuli. Wu nda ka mala ɓanza man, sǝ mim ngga mǝ nda mala ɓanza man ɗang.

2 Timoti 4:3

Acemǝnana pwari na kǝ yiu ka, mǝnana ɓwapǝndǝa pa nǝ̀ earnǝ kanigir mǝɓoarne raka. A kun mani ka, à nǝ̀ rambǝa amǝkanigir a rǝia mǝnana à nǝ̀ pwasǝ bumia nǝ nea wia gir mǝnana kiria kǝ oākia a rǝì, sǝ à earkiyi ce oe ka.

Sǝna 12:9

Nda à ramta mǝnia yì nggea kaɓǝne Dǝragon, mǝno yì share n'yau mǝnana à tunǝki ama Mǝɓealɓikea sǝ Shetan, mǝnana kǝ swarkita aɓwana kat aɓa ɓanza ka. Yì Dǝragon ngga andǝ amǝturonjar male kat, à ramtea a kuli à yì kpa a nzali a ɓanza!