1 Yohana 4:21 - Maləmce Məfele mala Ɓakuli: Kurcau Məbəshe

²¹ Sǝ Kǝrǝsti ka, pana sǝm mǝnia yì nzongcau ka: Ɓwa mǝnana kat kǝ earce Ɓakuli ka, dumǝna pup ɓwe nǝ̀ earce mǝ'eambǝi gbal.

1 Yohana 4:21 ပူးပေါင်းရင်းမြစ်များ

Matiu 5:43

Wu ongŋǝna à bangŋa ama, “Earce ɓio mǝ'murkala,” sǝ wu ɓinǝ ɓiomǝbura.

Luka 10:37

Mǝsǝlǝ Nggurcau eare ama, “Ɓwa mǝnana lǝmndǝì wi ɓwamuru ka.” Yesu ne wi ama, “Kyane kya pa anggo.”

Yohana 15:12

Mǝnia ka nda nzongcau mem: Wu earce rǝarǝ wun kǝla mǝnana ǝn earce wun ngga.

Amǝ Galati 5:14

Nggearǝ anggurcau kat mǝnana Ɓakuli pâ ka, à ci kat aɓa mǝnia yì nzongcau mwashat mana ama: “Earce ɓeo mǝkunɓala kǝla mǝnana a earce ɓamuro ka.”

Amǝ Galati 5:6

Ɓǝ̀ ɓwa tsǝngŋǝna paɓamuru male aban Kǝrǝsti Yesu ka, ɓe kǝ girkuma pà kàm aɓa kasǝ-ɓatau, ko ɗwanyi kasǝ-ɓatau ɗang. Gir mǝnana ɓoaro à nǝ̀ na ce ka nda kǝ paɓamuru mǝnana kǝ lǝmndǝrǝi aɓa earcearǝu ka.

1 Amǝ Tasalonika 4:9

Amur cau mala lǝmndǝia rǝ wun earcearǝu ka panǝ ɓoaro mǝ gilǝa wun kǝgir ɗang. Acemǝnana wun nǝ ɓamur rǝ wun ngga, Ɓakuli kánìna wun ɓǝ̀ wu earcea rǝ wun.

1 Bitǝrus 3:8

A masǝlǝate ka, wun kat ka, ɗenyicau ma'wun ɓǝ̀ duk mwashat. Wu kǝ sǝn mǝsǝswatǝr mala rǝarǝ wun. Wu earce rǝarǝ wun kǝla amǝ'eamrǝarǝu. Wu dum nǝ ɓabum ɓukɓuka andǝ nyesǝmuru.

1 Bitǝrus 4:8

Gir mǝnana kutibanì kat ka, wu lidǝmbǝa nǝ lǝmndǝì arǝ wun earcearǝu mǝlime, acemǝnana earcearǝu ka, kǝ gír múr acauɓikea pas.

1 Yohana 2:7

Wun agyajam, ǝn pa aban gilǝa wun bǝsa nzongcau ɗang, kǝ mǝ'e mǝnana wu ndanǝi ɗiɗyal a tite ka nda. Mǝnia yì nzongcau mǝ'e ka, nda kǝ cau mǝnana wu oe ka.

1 Yohana 3:11

Mǝnia ka, nda cau mǝnana wu oe a tite ka: Ɓǝ̀ sǝm earce arǝ sǝm.

1 Yohana 3:14

Sǝm sǝlǝna ama sǝm auwuni lú, sǝm kutina aɓa yilǝmu, acemǝnana sǝm nggǝ lǝmndǝì amǝ'eamrǝarǝu earcearǝu. Sǝ ɓwa mǝnana pànǝ earceban raka, ɓwe ka, lú-ɓwa na.

1 Yohana 3:18

Wun amunem, earcearǝu ma'sǝm ngga, ɓǝ̀ kǝa ueo a mburkun ɗang, ɓǝ̀ duk mǝ'mǝsǝcau nì, mǝnana kǝ lǝmndǝ rǝì aɓa pě ka.

1 Yohana 3:23

Mǝnia ka nda nzongcau male: Ɓǝ̀ sǝm pa ɓamur sǝm aban Muni Yesu Kǝrǝsti, sǝ ɓǝ̀ sǝm earce rǝarǝ sǝm kǝla mǝnana bangga sǝm ngga.

1 Yohana 4:11

Wun agyajam mem, ɓǝ̀ anggo sǝ Ɓakuli earce sǝm ngga, ɓoaro sǝm gbal ka, ɓǝ̀ sǝm earce rǝarǝ sǝm.