1 Yohana 4:15 - Maləmce Məfele mala Ɓakuli: Kurcau Məbəshe

¹⁵ Ɓwa mǝnana kat bang bwāng ama, Yesu ka Muna mala Ɓakuli na ka, nda aɓa dotarǝu andǝa Ɓakuli, sǝ Ɓakuli na aɓa dotarǝu andǝi.

1 Yohana 4:15 ပူးပေါင်းရင်းမြစ်များ

Matiu 10:32

Ɓwa mǝnana bang paɓamuru male a rǝam a dǝmbǝ aɓwana ka, mǝ nǝ twalce gbal ama yì ka, memna a ɓadǝm Tárram mǝnana a kuli ka.

Luka 12:8

Ən nggǝ bangga wun, ɓwa mǝnana kat bang paɓamuru male a rǝam a ɓadǝmbǝ aɓwana ka, mim Muna mala Ɓwa ka mǝ nǝ bangce gbal ama yì ka, mem na a ɓadǝmbǝ amǝturonjar mala Ɓakuli.

Yohana 6:56

Ɓwa mǝnana kat li nyam nggūrǝam, sǝ nu nkilem ngga, nda aban do a ɓalǝam, sǝ mim gbal mǝ ndanǝ do a ɓalǝi.

Amǝ Mishan 8:37

[Filip ne wi ama, “Ɓǝ̀ a paɓamuro nǝ ɓabumo mwashat ka, à nǝ̀ gandǝ pakko.” Pǝlǝa bedǝran eari wi ama, “Ən earǝna nǝma Yesu Kǝrǝsti ka Muna mala Ɓakuli na.”]

Amǝ Roma 10:9

Ɓǝ̀ a wu nǝ na nǝ kuno ama, “Yesu ka Mǝtalabangŋo na,” sǝ a nǝ earnǝi nǝ mǝsǝcau a ɓabumo ama Ɓakuli loasǝi a ɓembe ka, a nǝ kum amsǝban.

Amǝ Filipi 2:11

Sǝ koya lasǝu ka, nǝ̀ bang bwāng ama, “Yesu Kǝrǝsti ka Mǝtalabangŋo na,” ace gusǝlǝ Ɓakuli Tarrû.

1 Yohana 2:23

Ɓwa mǝnana ginǝ eare ama Yesu nda Muna mala Ɓakuli ka, ginǝna Ɓakuli Tarrû, sǝ ɓwa mǝnana earnǝi ama Yesu nda Muna mala Ɓakuli ka, earǝna nǝ Ɓakuli Tarrû gbal.

1 Yohana 2:24

Wun ngga, gir mǝnana wu ok ɗiɗyal a tite ka, ɓǝ̀ do aɓalǝ wun. Ɓǝ̀ pa anggo ka, wun gbal ka, wu nǝ̀ do aɓa dotarǝu wunǝ Muna mala Ɓakuli andǝ Ɓakuli Tarrû.

1 Yohana 3:23

Mǝnia ka nda nzongcau male: Ɓǝ̀ sǝm pa ɓamur sǝm aban Muni Yesu Kǝrǝsti, sǝ ɓǝ̀ sǝm earce rǝarǝ sǝm kǝla mǝnana bangga sǝm ngga.

1 Yohana 3:24

Aɓwana mǝnana à kǝ kpata anzongcau mala Ɓakuli ka, à nda aɓa dotarǝu andǝa Ɓakuli, sǝ Yì Ɓakuli ka nda aɓa dotarǝu andǝia. Ani sǝ sǝm sǝlǝ ama Ɓakuli ka nda aɓa dotarǝu nǝ sǝm: Sǝm sǝlǝa nǝ Bangŋo male mǝnana pa sǝm ngga.

1 Yohana 4:12

Kǝɓwa malaká sǝn Ɓakuli àkǝ̀ fara ɗang. Sǝa ma ɓǝ̀ sǝm lǝmndǝì arǝ sǝm earcearǝu ka, Ɓakuli na aɓalǝ sǝm, sǝ earcearǝu male lumsǝna aɓalǝ sǝm.

1 Yohana 4:2

Ani sǝ wu nǝ̀ sǝlǝa ko à ndanǝ Bangŋo mala Ɓakuli: Ɓwa mǝnana kat eare ama Yesu Kǝrǝsti yiu aɓa nggūrǝu ka, ndanǝ Bangŋo mǝnana pur nǝban Ɓakuli ka.

1 Yohana 5:1

Ɓwa mǝnana kat ear ama Yesu nda Kǝrǝsti ka, ɓǝlban mala Ɓakuli na. Sǝ ɓwa mǝnana kat kǝ earce Ɓakuli Tarrú ka, nǝ̀ earce amuna mala Ɓakuli gbal.

1 Yohana 5:5

Sǝ yana ɓwe mǝno likiyi-murǝm amur ɓanza ka? Nda kǝ ɓwa mǝnana earǝna ama Yesu nda Muna mala Ɓakuli ka.

2 Yohana 1:7

Ən bang mǝnia ka acemǝnana amǝ swarkiban pas mana à ear ama Yesu Kǝrǝsti yiu aɓa nggūrǝu raka, à kutina a ɓanza. Ɓwa kǝla ulang amǝno ka, mǝswarkiban na sǝ ɓimǝbura mala Kǝrǝsti na.