1 Yohana 4:14 - Maləmce Məfele mala Ɓakuli: Kurcau Məbəshe

¹⁴ Ɗǝm ngga, sǝm sǝnǝna Muna mala Ɓakuli nǝ mǝsǝ sǝm, sǝ ado ka sǝm ndarǝ banggi aɓwana ama, Ɓakuli Tár sǝm tur Muni ɓǝ̀ yi duk Mǝ'amsǝ ɓanza.

1 Yohana 4:14 ပူးပေါင်းရင်းမြစ်များ

Yohana 1:14

Mǝnia yì Cau ka yi duk ɓwamǝpǝnde, sǝ yi duk zuku aɓalǝ sǝm. Sǝm sǝna gulo male, gulo mala kǝ̀ Muna mwashat ɓǝrɓǝr, mana pur nǝban Tarrí Ɓakuli ka, lumsǝo nǝ ɓwamuru andǝ mǝsǝcau.

Yohana 1:29

Ɓe ban fana ka, Yohana sǝn Yesu aban yiu nǝ bani, sǝ pǝlǝa na ama, “Wu sǝn Mǝgam mala Ɓakuli, mǝnana twalkiyi cauɓikea mala ɓanza ka!

Yohana 10:36

ace mana sǝ wu twali ama cau ɓǝsǝki Ɓakuli na ǝn na ka, mǝnana ǝn bang nǝma “Mǝ nda Muna mala Ɓakuli,” yì mim mǝnana Ɓakuli taram sǝ tasǝam a ɓanza ka?

Yohana 12:47

Ɓwa mǝnana kat ok kanigir mem, sǝ kpate raka, mǝ nda mǝ nǝ ɓashi wi ka ɗang. Pa ace ɓashi sǝ ǝn yiu a ɓanza ɗang, ǝn yiu ace amsǝ ɓanza.

Yohana 3:11

Mǝ nda ban no mǝsǝcau, gir mǝnana sǝm surǝì, andǝ mǝnana sǝm sǝn ngga, nda sǝm nakiyia wun ce ka. Kat andǝ amani ka wu ɓinǝ ak cau mǝnana sǝm kǝ na wun ngga.

Yohana 3:32

Yì ka, yiu, yi bǝlkuni amur gir mǝnana sǝna sǝ ok ka, sǝ kǝɓwa ak cau male ɗang.

Yohana 3:34

Ɓwa mǝnana Ɓakuli turi ka, kǝ na gì Ɓakuli, acemǝnana Ɓakuli soapi wi Bangŋo male pupup.

Yohana 4:42

Pǝlǝa yia ka à ne mǝno yì mɓwama ka ama, “Ado ka pa ace cau mo sǝ sǝm pà ɓamur sǝm abani ka ɗang, nggearǝ sǝm ngga sǝm ongŋǝni nǝ kir sǝm. Sǝm sǝlǝna ama, aɓa mǝsǝcau ka, yì nda Mǝ'amsǝ ɓanza.”

Yohana 5:39

Wu kǝ ɓalla andǝ mǝnggi ɓa Malǝmce, acemǝnana wu kǝ sǝni kǝla a ɓalǝi sǝ wu nǝ̀ kum yilǝmu mǝnana málá male pà kàm raka, sǝ aman yì acau wu ɓalkiyi ka, mǝ nda à nakiyi cau a muram ngga.

Amǝ Mishan 18:5

Lang Silas andǝ Timoti nyingŋǝna bu-nzali Masǝdoniya, à yì bwalǝna ka, Bulǝs kara pa ɓamuri kat ace hamnǝ cau mala Ɓakuli. Camarǝ banggi amǝ Yahudi ama, Yesu nda Kǝrǝsti Mǝ'amsǝban.

1 Bitǝrus 5:12

Nǝ́ bu Silas mǝnana ǝn earnǝi kǝla mǝ'eamrǝarǝu mǝ'mǝsǝcau nì ka, sǝ ǝn nggǝ gilǝa wun mǝnia yì cau gbǝlǝm ngga. Ən nggǝ earce mǝ ɓak ɓabum wun, sǝ mǝ na wun ama, mǝnia yì gir wu nda ɓālǝi ado ka, ɓwamuru mala Ɓakuli na kat ace wun. Wu cam kàngkàng a ɓalǝi.

1 Yohana 4:10

Mǝnia ka, nda nggearǝ earcearǝu: Sǝm nda mǝnana sǝm earce Ɓakuli ka ɗang, yì nǝ̀ earce sǝm, sǝ tur Muni ɓǝ̀ yi duk gir'nkila ace twal acauɓikea ma'sǝm.

1 Yohana 5:9

Ɓǝ̀ sǝm earnǝ nakun mala ɓwapǝndǝa ka, nakun mala Ɓakuli gulo kuti mǝno, acemǝnana nda nakun mana Ɓakuli ne amur Muni ka.