Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Yohana 3:9 - Maləmce Məfele mala Ɓakuli: Kurcau Məbəshe

9 Ɓwa mǝnana kat ɓǝlban mala Ɓakuli na ka, kǝ lidǝmbǝa aɓa cauɓikea ɗang, acemǝnana mǝsǝɓeale mala Ɓakuli na a ɓabumi; pà nǝ̀ lidǝmbǝa nǝ pak cauɓikea ɗang, acemǝnana yì ka, ɓǝlban mala Ɓakuli na.

အခန်းကိုကြည့်ပါ။ ကော်ပီ




1 Yohana 3:9
18 ပူးပေါင်းရင်းမြစ်များ  

Nggun mǝɓoarne pa nǝ̀ pusǝ ɓǝle mǝɓane ɗang, sǝ nggun mǝɓane pa nǝ̀ pusǝ ɓǝle mǝɓoarne ɗang.


Ɓǝlban malea ka, mala nkila na andǝ nggūrǝu ɗang. Pa aɓa kpapi mala mɓwama andǝ ɓwabura ɗang. Mǝnia ka pe mala Ɓakuli na.


Yesu eari wi ama, “Mǝ nda ban no mǝsǝcau, ɓǝà ɓǝsǝlǝ ɓǝl ɓwa raka, pà nǝ̀ kutio aɓa domurǝm mala Ɓakuli ɗang.”


Acemǝnana pa sǝm nǝ̀ tamsǝ nacau amur gir mǝnana sǝm sǝni, sǝ sǝm ok ka ɗang.”


Awo! Ɓakuli twalbani! Lang sǝ sǝm mǝnana sǝm angŋa dǝmbǝa sǝm wunî cauɓikea ka, sǝm nǝ̀ lidǝmbǝa nǝ do ɗǝm a ɓalǝi le?


Gir mǝnana nggūrǝu earkiyice ka nda a mgbasho nǝ gir mǝnana Bangŋo earkiyice ka. Sǝ Bangŋo ka, kǝ tsǝk sǝm arǝ earce agir mǝnana nggūrǝu ginǝki cea ka. Amǝnia yì agir ɓari ka, à nda ɓibura. Yia ka, à kǝ munǝo a rǝarǝia pwari-pwari. Nda gir mǝnana kǝ tsǝk wun sǝ wu kǝ gandǝ pak mǝɓoarne mǝnana wu kǝ earce pe ka raka.


Mǝno yì paɓamuru andǝ sǝlǝe ka, nda mǝnana kǝ pea wia tsǝkɓalǝu ama à nǝ̀ kum yilǝmu mǝnana málá male pà kàm raka, yì yilǝmu mǝnana Ɓakuli mana kǝ na nyir raka, bangŋa a shareta ɓanza ama nǝ̀ pea wia ka.


Wun ngga, à ɓǝsǝlǝna ɓǝl wun a bǝshe, sǝ mǝnia yì bǝsa ɓǝlban ngga, pur aɓa mǝsǝɓeale mǝnana kǝ kìɗìkì ka ɗang, pur aɓa mǝsǝɓeale mala cau mǝyilǝmuì mala Ɓakuli, yì cau male mana te malkiyi raka.


Sǝ acemǝnana sǝm sǝlǝna ama yì ka, mǝ'cauɓoarna na ka, sǝm nǝ̀ sǝlǝ gbal ama aɓwana mǝnana à kǝ pak cauɓoarna ka, amuna male na.


Ace mani ka, ɓwa mǝnana nda aɓa dotarǝu andǝ Kǝrǝsti ka, pà nǝ̀ lidǝmbǝa nǝ pak cauɓikea ɗang. Sǝ ɓwa mǝnana kat kǝ pak cauɓikea ka, ɓwe malaká sǝni, ko surǝì ɗang.


Wun agyajam mem, ɓǝ̀ sǝm nggǝ earce rǝarǝ sǝm, acemǝnana earcearǝu ka pur nǝban Ɓakuli. Sǝ ɓwa mǝnana kat kǝ lǝmndǝ earcearǝu ka, ɓǝlban mala Ɓakuli na, sǝ surǝ Ɓakuli.


Ɓwa mǝnana kat ear ama Yesu nda Kǝrǝsti ka, ɓǝlban mala Ɓakuli na. Sǝ ɓwa mǝnana kat kǝ earce Ɓakuli Tarrú ka, nǝ̀ earce amuna mala Ɓakuli gbal.


Sǝm sǝlǝna ama ɓwa mǝnana kat ɓǝlban mala Ɓakuli na ka, pà nǝ̀ lidǝmbǝa nǝ pak cauɓikea ɗang. Yì ka, Muna mala Ɓakuli nǝ̀ dupi wi ntongŋo, Shetan pà nǝ̀ gandǝ je ɗang.


Sǝ koya ɓwa mǝnana kat ɓǝlban mala Ɓakuli na ka, kǝ limurǝm amur ɓanza. Paɓamuru ma'sǝm aban Ɓakuli ka, nda limurǝm ma'sǝm amur ɓanza.


Gyajam mem mǝnana ǝn earkiyi ace raka, ce a twal kusǝu mǝnana mǝɓike na ka ɗang, kpata gir mǝnana mǝɓoarne na ka. Ɗenyi ama ɓwa mǝnana kǝ pak mǝɓoarne ka, ɓwa mala Ɓakuli na. Sǝ ɓwa mǝnana kǝ pak mǝɓike ka, ɓwe malaká surǝ Ɓakuli ɗang.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ