1 Yohana 3:8 - Maləmce Məfele mala Ɓakuli: Kurcau Məbəshe

⁸ Ɓwa mǝnana lidǝmbǝa aɓa cauɓikea ka, ɓwa mala Shetan na, acemǝnana twal a tite ka, Shetan ngga mǝ'cauɓikea na. Tǝr yiu mala Muna mala Ɓakuli ka, nda ace kiɗiki aturo mala Shetan.

1 Yohana 3:8 ပူးပေါင်းရင်းမြစ်များ

Matiu 12:28

Sǝ ɓǝ̀ nǝ Bangŋo mala Ɓakuli sǝ ǝn nggǝ pusǝ akukwar ka, lǝmndǝ ama Domurǝm mala Ɓakuli yina aɓalǝ wun.

Matiu 13:38

Ɓaban ngga nda ɓanza, sǝ amǝsǝɓeale mǝɓoarne ka à ndaka muna mala Ɓakuli a Domurǝm male. Sǝ ankwangŋan ngga à ndaka muna mala Mǝɓealɓikea.

Matiu 4:3

Mǝkarǝkiban pǝlǝa yiu abani sǝ ne wi ama, “Ɓǝ̀ a nda muna mala Ɓakuli ka, banggi atali mǝnia ɓǝa pǝlǝ nɗǝmo.”

Markus 1:24

“We Yesu ɓwa Nazarat, mana a earkiyice arǝ sǝm? A yiua kiɗiki sǝm, a nǝ mal sǝm le? Ən surǝo, a nda Ɓwa Mǝfele mala Ɓakuli!”

Luka 10:18

Pǝlǝa Yesu pea wia eare ama, “Ən sǝn Shetan pur a kuli aban kpa kǝla linzama mala mbulo.

Yohana 12:31

Pwari mala pakkî mǝnia yì ɓanza ɓashi ka, karǝna; ado sǝ Ɓakuli ak murǝm arǝ Shetan, yì murǝm mala ɓanza man.

Yohana 16:11

Ɗǝm ngga nǝ̀ lǝmndǝì aɓwana ama ɓashi na amuria acemǝnana Ɓakuli angŋa dǝmbǝa kasǝna ɓashi amur Shetan, yì murǝm mala Ɓanza mǝnia ka.

Yohana 8:44

Wun ndaka muna mala tár wun yì Shetan, sǝ wu kǝ earce lumsǝî tár wun a kun aturo male. Yì ka, tita walki-alú ɗiɗyal, sǝ kǝ earce mǝsǝcau ɗang, acemǝnana mǝsǝcau pa a ɓalǝi ɗang. Ɓǝ̀ ndarǝ na nyir ka nda ban lǝmndǝ girbui, acemǝnana yì ka, mǝ nyira, sǝ nda tár amǝ nyir kat.

Amǝ Roma 16:20

Ɓakuli mǝ pà dorǝpwala ka malanǝ parki Shetan aɓa kusǝ wun. Ɓǝ̀ ɓwamuru mala Yesu Mǝtala sǝm do ata wun.

Amǝ Afisu 2:2

Amǝno yia apwari ka, wu kǝ dukiado ma'wun aɓa cauɓikea kǝla mǝnana acili amǝ ɓanza kǝ pa, aban kpata Shetan, mana ginggi nǝ ɓanza mana à sǝnggiyi raka, sǝ bangŋo male na kǝ pak turo aɓalǝ aɓwana mǝnana à kǝ oki Ɓakuli raka.

Amǝ Kolosi 2:15

Yi ak agirbura mala amurǝma andǝ arǝcandǝa mala abangŋo. Pea wia kǝsǝkya a banfana bwāng, nǝ limurǝm male amuria amur nggun-gangndi.

1 Timoti 3:16

Kǝ̀ makgir pà kàm ɗang, gir ɓa-sǝmbǝrǝa mala cau paɓamuru ma'sǝm ngga lim kǝkǝr: Kǝrǝsti ka, yi pur aɓa nggūrǝ ɓwapǝndǝa, sǝ à lǝmndǝi mǝ'cauɓoarna na nǝ bu Bangŋo mala Ɓakuli. Amǝturonjar sǝni, sǝ à hamnǝ cê aban aɓwana mala aɓea anzali. Aɓwana a ɓanza paɓamuria abani, sǝ à twali à um nǝi a kuli aɓa ɓoarɓwa.

Amǝ Ibǝru 2:14

Sǝ acemǝnana amuna mala Ɓakuli ka, à pea nǝ nkila andǝ nyama ka, Yesu gbal ka duk nkila andǝ nyama, do kǝla yia aɓwapǝndǝa. Nǝ́ lú male sǝ gandǝ kiɗiki rǝcandǝa mala mǝɓealɓikea mǝnana bwal rǝcandǝa mala lú ka.

Amǝ Ibǝru 9:26

Ɓǝ̀ nda anggo ka, ɓǝ́ Kǝrǝsti camǝna arǝ nu tanni tutu, twal a tita ɓanza yi bwal adyan. Sǝa ma ado ka, yi pusǝrǝi kusǝ mwashat ɓǝrɓǝr a masǝlǝata anza, ace mǝnana ɓǝ̀ twalban cauɓikea, nǝ́ pa mǝnana pà ɓamuri duk gir'nkila ka.

2 Bitǝrus 2:4

Nggearǝ amǝturonjar mǝnana à pak cauɓikea ka, Ɓakuli sǝn mǝsǝswatǝr malea ɗang, ramtea aɓa nggea-tulibǝsa, kurkia kam aban mǝpǝndǝe mǝnana kǝlling-kǝlling ngga, she ɓǝ̀ pwari pak ɓashi pangŋǝna ka.

1 Yohana 1:2

Mǝnia yì ɓwa mǝnana nda yilǝmu nǝ nggearǝì ka, yi pusǝrǝi, sǝ sǝm sǝnǝni. Sǝ ado ka sǝm na ce sǝ sǝm hamba wun ama yì ka, nda yilǝmu mǝnana málá male pà kàm raka. Yì ka, à nda a tarǝia andǝ Ɓakuli Tarrû, sǝ yi pusǝrǝi aban sǝm.

1 Yohana 3:10

Mǝnia ka, nda gir mǝnana gakita amuna mala Ɓakuli andǝ amuna mala Shetan ngga: Ɓwa mǝnana kat kǝ pak cauɓoarna raka, muna mala Ɓakuli na ɗang, anggo sǝ ɓwa mǝnana kǝ earce mǝ'eambǝi raka, yì gbal ka muna mala Ɓakuli na ɗang.

1 Yohana 3:5

Sǝ wu sǝlǝna ama, Yesu ka yiu ace twal acauɓikea ma'sǝm, sǝ yì ka, cauɓikea pa a ɓalǝi ɗang.

1 Yohana 5:19

Sǝm sǝlǝna ama sǝm ndaka amuna mala Ɓakuli, sǝ sǝm sǝlǝna gbal ama acili aɓwana a ɓanza kat ka à nda ɓata rǝcandǝa mala Mǝɓealɓikea.

Yahuda 1:6

Ɗǝm ngga wu sǝlǝna ama amǝturonjar mǝnana à turta gulo malea, à yàllî bancame malea ka, Ɓakuli kurkia nǝ ansolo, kùrban mǝnana málá male pà kàm raka, sǝ girkunia aɓa pǝndǝa, ba Pwari ɓashi mǝgule.

Sǝna 20:10

Sǝ yì Shetan, mǝnana swarkia ka, à ramte aɓa garang mala bǝsa mǝnana kǝ li nǝ atali ear-bǝsa ka, à kǝ̀ ban mǝnana à ramta nyamɓikea andǝ mǝɓangna mǝ'nyir nì kàm ngga. À nǝ̀ ueo kano aɓa kum kwanban mǝkǝrkǝr nì du andǝ pwari, mǝnana málá male pà kàm raka.

Sǝna 20:15

Sǝ ɓwa mǝnana kat lullǝi pà kàm à gilǝì aɓa Malǝmce Yilǝmu raka, à turi aɓa garang mǝnana kǝ li nǝ bǝsa ka.