1 Yohana 3:24 - Maləmce Məfele mala Ɓakuli: Kurcau Məbəshe

²⁴ Aɓwana mǝnana à kǝ kpata anzongcau mala Ɓakuli ka, à nda aɓa dotarǝu andǝa Ɓakuli, sǝ Yì Ɓakuli ka nda aɓa dotarǝu andǝia. Ani sǝ sǝm sǝlǝ ama Ɓakuli ka nda aɓa dotarǝu nǝ sǝm: Sǝm sǝlǝa nǝ Bangŋo male mǝnana pa sǝm ngga.

1 Yohana 3:24 ပူးပေါင်းရင်းမြစ်များ

Yohana 10:38

Sǝ ɓǝ̀ aturo male na ǝn pakkiyi ka, ɓǝ̀ pà wu nǝ̀ earnǝ mim raka, wu earnǝ agir-ndali mǝnana ǝn pea ka, ace mǝnana ɓǝ̀ wu sǝlǝa, sǝ ɓǝ̀ kpaka wun ama, Tárram ngga nda a ɓalǝam, sǝ mim ngga mǝ nda aɓa Tárram.

Yohana 14:17

Yì nda kǝ Bangŋo mana kǝ lǝmndǝ mǝsǝcau amur Ɓakuli ka. Amǝ kpata ɓanza pa nǝ̀ gandǝ é ɗang, acemǝnana à kǝ sǝni ɗang, sǝ à surǝì ɗang. Sǝ wun ngga wu surǝì, acemǝnana ndanǝ do ata wun ado, sǝ nǝnzǝmo ka nǝ̀ ngga do a ɓabum wun.

Yohana 17:21

Ən nggǝ pak hiwi nǝma yia kat ka ɓǝa duk mwashat, kǝla mǝnana mim sǝnǝ we, sǝm nda mwashat ka. Dâ, kǝla mǝnana a nda a ɓalǝam, sǝ mǝ nda a ɓalǝo ka, yia gbal ka ɓǝa do aɓalǝ sǝm, ace mǝnana ɓanza ɓǝ̀ eare ama a nǝ turam ngga.

1 Amǝ Korinti 3:16

Wun ngga wu sǝlǝ mbak ama wu ndaka Ndàmǝgule mala Ɓakuli, sǝ Bangŋo mala Ɓakuli ka ndanǝ do aɓalǝ wun?

1 Amǝ Korinti 6:19

Sǝ wun ngga, wu sǝlǝ mbak ama nggurǝ wun ngga Ndàmǝgule mala Bangŋo mala Ɓakuli na, mǝnana do a ɓabum wun, mana Ɓakuli pa wun ngga? Wun ngga, wu dupi ɓamur rǝ wun ɗang,

2 Amǝ Korinti 6:16

Sǝ mana dapi Ndàmǝgule mala Ɓakuli andǝ nda ka lú? Sǝm ngga, sǝm nda ka ndàmǝgule mala Ɓakuli Mǝyilǝmui. Kǝla mǝnana Ɓakuli na ka: “Mǝ nǝ do aɓalǝ aɓwana mem, mǝ nǝ gya aɓalǝia, Mǝ nǝ duk Ɓakuli amuria, sǝ yia ka, à nǝ̀ duk aɓwana mem.”

1 Amǝ Tasalonika 4:8

Ace mani ka, ɓwa mǝnana kat ɓinǝ mǝnia yì kanigir ka, pa aban ɓinǝ nzongcau mala ɓwapǝndǝa ɗang, nzongcau mala Ɓakuli na ɓinǝkiyi ka, yì mǝnana kǝ pa wun Bangŋo Mǝfele male ka.

2 Timoti 1:14

Tsǝk kiro arǝ cau mǝ'mǝsǝcau nì, mǝnana à po a buo, nǝ rǝcandǝa mala Bangŋo Mǝfele mǝnana do a ɓabum sǝm ngga.

1 Yohana 2:24

Wun ngga, gir mǝnana wu ok ɗiɗyal a tite ka, ɓǝ̀ do aɓalǝ wun. Ɓǝ̀ pa anggo ka, wun gbal ka, wu nǝ̀ do aɓa dotarǝu wunǝ Muna mala Ɓakuli andǝ Ɓakuli Tarrû.

1 Yohana 2:3

Ani sǝ sǝm nǝ̀ sǝla ama sǝm surǝna rǝ Ɓakuli, ɓǝ̀ sǝm nggǝ kpata anzongcau male ka.

1 Yohana 2:5

Sǝ ɓwa mǝnana kat kǝ kpata cau mala Ɓakuli ka, earcearǝu mala Ɓakuli lumsǝna a ɓalǝi ɓafo. Anggo sǝ sǝm sǝlǝ ama sǝm nda aɓa dotarǝu sǝnǝa Ɓakuli.

1 Yohana 2:6

Ɓwa mǝnana bangŋa ama nda aɓa dotarǝu andǝa Ɓakuli ka, dumǝna ama nǝ̀ dukdo mǝnana Yesu duk ka.

1 Yohana 3:22

Sǝ gir mǝnana kat sǝm zǝm abani ka nǝ̀ pa sǝmi, acemǝnana sǝm nggǝ kpata anzongcau male, sǝ sǝm nggǝ pak gir mǝnana pwasǝ bumi ka.

1 Yohana 4:7

Wun agyajam mem, ɓǝ̀ sǝm nggǝ earce rǝarǝ sǝm, acemǝnana earcearǝu ka pur nǝban Ɓakuli. Sǝ ɓwa mǝnana kat kǝ lǝmndǝ earcearǝu ka, ɓǝlban mala Ɓakuli na, sǝ surǝ Ɓakuli.