1 Yohana 3:23 - Maləmce Məfele mala Ɓakuli: Kurcau Məbəshe

²³ Mǝnia ka nda nzongcau male: Ɓǝ̀ sǝm pa ɓamur sǝm aban Muni Yesu Kǝrǝsti, sǝ ɓǝ̀ sǝm earce rǝarǝ sǝm kǝla mǝnana bangga sǝm ngga.

1 Yohana 3:23 ပူးပေါင်းရင်းမြစ်များ

Matiu 22:39

Mǝnana kpate ka nda kǝla yì, ama: “Earce ɓeomǝkunɓala kǝla mǝnana a earce ɓamuro ka.”

Markus 9:7

Pǝlǝa pǝrɓang puro yi gir muria. Gi Ɓakuli pur nǝ ɓa pǝrɓang ama, “Mǝnia ka nda Munem mǝnana ǝn earkiyi ace raka. Wu oki wi.”

Yohana 1:12

Sǝ aɓwana mǝnana kat à é, à pa ɓamuria abani ka, pania wia rǝcandǝa ɓǝa duk amuna mala Ɓakuli.

Yohana 13:34

Sǝ ace mǝno ka mǝ ndarǝ pa wun bǝsa nzongcau: Wu earce rǝarǝ wun. Kǝla mǝnana ǝn earce wun ngga, anggo sǝ wu nǝ̀ dum nǝ earcea rǝ wun.

Yohana 14:1

“Ɓǝ̀ ɓabum wun ɓǝ̀ kǝa kiɗiki ɗàng. Wu pà ɓamur wun aban Ɓakuli, sǝ wu pà ɓamur wun gbal abanam.

Yohana 15:12

Mǝnia ka nda nzongcau mem: Wu earce rǝarǝ wun kǝla mǝnana ǝn earce wun ngga.

Yohana 17:3

Sǝ mǝnia ka nda njar kum yilǝmu mǝnana pà nǝ̀ mal raka, ɓǝa surǝo, kǝ we Ɓakuli Mǝ'mǝsǝcau nì, andǝ Munio Yesu Kǝrǝsti mǝnana a turi aɓa ɓanza ka.

Yohana 2:23

Mǝnana Yesu na a Urǝshalima a pwari Lamsan Yalimuru ka, aɓwana pas à sǝn agir-ndǝlǝki mǝnana pea ka, pǝlǝa à pà ɓamuria abani.

Yohana 3:18

“Ɓwa mǝnana kat pa ɓamuri aban Muna mala Ɓakuli ka, pà aɓata ɓashi ɗang. Sǝ ɓwa mǝnana kat ɓinǝ pà ɓamuri ka, à angŋa dǝmbǝa à kasǝna ɓashi ɓǝ̀ sulǝo amuri, acemǝnana ɓinǝ paɓamuri aban Muna mwashat ɓǝrɓǝr mala Ɓakuli ka.

Yohana 6:29

Yesu earia wia ama, “Gir mǝnana Ɓakuli earkiyice ama ɓǝ̀ wu pak ka, nda mǝnana ama, wu pa ɓamur wun aban ɓwa mǝnana turi ka.”

Amǝ Mishan 16:31

À eari wi ama, “Paɓamuro aban Mǝtalabangŋo Yesu, sǝ a wu nǝ kum amsǝban, we wunǝ aɓwana mana aɓala mo ka.”

Amǝ Afisu 5:2

Do ma'wun ngga, ɓǝ̀ lumsǝ nǝ earcearǝu, kǝla mana Kǝrǝsti earce sǝm, sǝ pa yilǝmi duk gir'nkila ace sǝm, mǝnana duk ɓoro mǝɓoarne mana pwasǝbum Ɓakuli ka.

1 Amǝ Tasalonika 4:9

Amur cau mala lǝmndǝia rǝ wun earcearǝu ka panǝ ɓoaro mǝ gilǝa wun kǝgir ɗang. Acemǝnana wun nǝ ɓamur rǝ wun ngga, Ɓakuli kánìna wun ɓǝ̀ wu earcea rǝ wun.

1 Timoti 1:15

Mǝnia ka nda ne mǝ'mǝsǝcau nì, mǝnana koyana ka, ɓǝ̀ earnǝ ce ka, ama “Kǝrǝsti Yesu ka, yiu aɓa ɓanza ace amsǝ amǝ'cauɓikea,” sǝ mǝ nda mana ǝn karmur aɓwana kat nǝ cauɓikea ka.

1 Bitǝrus 1:22

Mǝno ado wu langŋǝna rǝ wun nǝ okiru ma'wun arǝ mǝsǝcau, sǝ wu ndanǝ earcearǝu arǝ amǝ'eamrǝarǝu nǝ ɓabum wun mwashat ka, wu lidǝmbǝa nǝ lǝmndǝ mǝno yì earcearǝu ka, nǝ ɓabum mǝɓoarnsari.

1 Bitǝrus 4:8

Gir mǝnana kutibanì kat ka, wu lidǝmbǝa nǝ lǝmndǝì arǝ wun earcearǝu mǝlime, acemǝnana earcearǝu ka, kǝ gír múr acauɓikea pas.

1 Yohana 2:7

Wun agyajam, ǝn pa aban gilǝa wun bǝsa nzongcau ɗang, kǝ mǝ'e mǝnana wu ndanǝi ɗiɗyal a tite ka nda. Mǝnia yì nzongcau mǝ'e ka, nda kǝ cau mǝnana wu oe ka.

1 Yohana 3:11

Mǝnia ka, nda cau mǝnana wu oe a tite ka: Ɓǝ̀ sǝm earce arǝ sǝm.

1 Yohana 4:15

Ɓwa mǝnana kat bang bwāng ama, Yesu ka Muna mala Ɓakuli na ka, nda aɓa dotarǝu andǝa Ɓakuli, sǝ Ɓakuli na aɓa dotarǝu andǝi.

1 Yohana 4:21

Sǝ Kǝrǝsti ka, pana sǝm mǝnia yì nzongcau ka: Ɓwa mǝnana kat kǝ earce Ɓakuli ka, dumǝna pup ɓwe nǝ̀ earce mǝ'eambǝi gbal.

1 Yohana 5:13

Wun aɓwana mǝnana wu guli arǝ lullǝ Muna mala Ɓakuli ka, ǝn nggǝ gilǝa wun mǝnia yì cau ka, ace mǝnana ɓǝ̀ wu sǝlǝa aɓa mǝsǝcau ama wu ndanǝ yilǝmu mǝnana málá male pà kàm raka.