1 Yohana 3:22 - Maləmce Məfele mala Ɓakuli: Kurcau Məbəshe

²² Sǝ gir mǝnana kat sǝm zǝm abani ka nǝ̀ pa sǝmi, acemǝnana sǝm nggǝ kpata anzongcau male, sǝ sǝm nggǝ pak gir mǝnana pwasǝ bumi ka.

1 Yohana 3:22 ပူးပေါင်းရင်းမြစ်များ

Matiu 17:5

Ndarǝ na cau piu ka, kara pǝrɓang mǝpwasǝe pwatpwat yi gir muria, sǝ giu pur aɓa pǝrɓang na ama, “Mǝnia ka nda Munem mǝnana ǝn earkiyi ace raka; mǝnana ban kǝ ɓoaram a rǝì pepe ka. Wu ok cau male!”

Matiu 21:22

Gir mǝnana kat wu zǝmbǝa aɓa hiwi nǝ paɓamuru ka, wu nǝ̀ kumi.”

Markus 11:24

Ace mani ka ǝn nggǝ bangga wun, ɓǝ̀ mana wu zǝmbǝa aɓa hiwi ka, wu ear ama wu kumǝni. Anggo ka sǝ nǝ̀ duk ma'wun.

Yohana 14:13

Sǝ mǝ nǝ pak gir mǝnana kat wu zǝmbǝa aɓa lullǝam ngga, acemǝnana Muna ka ɓǝ̀ yinì Tarrí nǝ gulo.

Yohana 15:10

Ɓǝ̀ wu kpata anzongcau mem ngga, wu nǝ̀ do aɓa earcearǝu mem, kǝla mǝnana ǝn kpata anzongcau mala Tárram sǝ ǝn do aɓa earcearǝu male ka.

Yohana 15:7

Sǝ ɓǝ̀ wu do a ɓalǝam, sǝ cau mem do aɓalǝ wun ngga, wu zǝmbǝi Ɓakuli gir mǝnana kat wu earkiyice ka, sǝ nǝ̀ pa wun gir nî.

Yohana 6:29

Yesu earia wia ama, “Gir mǝnana Ɓakuli earkiyice ama ɓǝ̀ wu pak ka, nda mǝnana ama, wu pa ɓamur wun aban ɓwa mǝnana turi ka.”

Yohana 8:29

Ɓwa mǝnana tasǝam ngga nda atam; nyem nǝmurǝam ɗang. Acemǝnana koya pwari ka ǝn nggǝ pak gir mǝnana kǝ pwasǝbumi ka.”

Yohana 9:31

Sǝm sǝlǝna ama, Ɓakuli pakkiyi gir mǝnana amǝ'cauɓikea na ama ɓǝ̀ pakkia wia ka ɗang; sǝa ma ɓǝ̀ kǝɓwa kǝ pe Ɓakuli gulo sǝ kǝ kpata gir mǝnana kǝ earce ama ɓǝa pe ka, Ɓakuli nǝ̀ kwaki kiri nǝ̀ oki wi.

Amǝ Mishan 17:30

Adó-ɗwanyi surǝ Ɓakuli mana ɗiɗyal ka, Ɓakuli tsǝk kir cea ɗang, sǝ a dyan ngga, kǝ bangŋa ama tsǝngŋǝna nzongcau, ɓǝa ɓwana kat a koya aban, ɓǝa nying acauɓikea malea, ɓǝa pwanzali abani.

Amǝ Mishan 20:21

Ən banggi amǝ Yahudi andǝ aɓwana mana amǝ Yahudi na raka, nǝ nunkiru nǝma, dumǝna púp ɓǝa nyare aban Ɓakuli. Ɓǝa pǝlǝ nzǝmia arǝ acauɓikea malea, ɓǝa pwanzali, sǝ ɓǝa paɓamuri aban Mǝtalabangŋo Yesu.

Amǝ Filipi 4:18

Ado ka, ǝn kumǝna agir kat mǝnana ǝn earkiyi cea ka, yale nǝ mur amuri. Ən lumsǝna nǝ agirbunda kǝrkǝr nǝ aɓoro mǝnana wu tasǝam ban nǝia nǝ bu Apafuroditus ka. À nda kǝla aɓoro mǝɓoarne mǝnana agir'a na aban Ɓakuli sǝ à kǝ pwasǝbumi ka.

Amǝ Kolosi 1:10

Sǝm nggǝ pak hiwi mǝnia ka acemǝnana ɓǝ̀ do ma'wun, ɓǝ̀ gusǝlǝ Mǝtalabangŋo, ɓǝ̀ pwasǝ bumi a koya njar, nǝ pak koya turo mǝɓoarne. Anggo sǝ wu nǝ̀ nggǝ gulo aɓa surǝ Ɓakuli pepe.

Jemis 1:5

Ɓǝ̀ kǝɓwa aɓalǝ wun ɗwanyi sǝlǝe ace pak mǝɓoarne ka, ɓǝ̀ zǝmbǝa aban Ɓakuli mǝnana kǝ pa nǝ ɓabumi kat nggwani pà kàm raka. Sǝ à nǝ̀ pe wi.

Jemis 4:3

Andǝa zǝmbǝa mǝnana wu zǝm ngga, wu kum ɗang, acemǝnana wu zǝm nǝ ɓabum mǝɓoarne ɗang. Wu zǝmbǝa acemǝnana ɓǝa pa wun wu nǝ̀ lumsǝna anpel mala ɓamur rǝ wun nǝia ka.

Jemis 5:16

Ace mani ka wu banggi arǝ wun acauɓikea ma'wun, sǝ wu pakki arǝ wun hiwi, ace mǝnana ɓǝa twala wun ban arǝkwana ma'wun ngga. Hiwi mala mǝɓealɓoarna mǝnana pe nǝ ɓabumi mwashat ka, ndanǝ rǝcandǝa sǝ kǝ pak turo.

1 Yohana 2:3

Ani sǝ sǝm nǝ̀ sǝla ama sǝm surǝna rǝ Ɓakuli, ɓǝ̀ sǝm nggǝ kpata anzongcau male ka.

1 Yohana 5:14

Mǝnia ka nda mǝsǝkang-kangŋa mǝnana sǝm ndanǝi ace yiu a ɓadǝm Ɓakuli ka, ama ɓǝ̀ ko man kat sǝ sǝm zǝmbǝa aɓa eare male ka, kǝ ok sǝm.