1 Yohana 3:19 - Maləmce Məfele mala Ɓakuli: Kurcau Məbəshe

¹⁹ Anggo ka sǝ sǝm nǝ̀ sǝlǝ ama sǝm ndaka a mala mǝsǝcau, sǝ sǝm nǝ̀ kum rǝcandǝa mala ɓabum a ɓadǝm Ɓakuli.

1 Yohana 3:19 ပူးပေါင်းရင်းမြစ်များ

Yohana 13:35

Ɓǝ̀ wu ndanǝ earcea rǝ wun ngga, aɓwana kat nǝ̀ sǝlǝ ama wu ndaka amǝkpatam.

Yohana 18:37

Bilatus pǝlǝa ne Yesu ama, “Ashe a nda murǝm!” Yesu eari wi ama, “A bangŋa ama mǝ nda murǝm. Ace kǝ mani sǝ à ɓǝlam, sǝ yiu mem a ɓanza ka nda ace na mǝsǝcau, sǝ ɓwa mǝnana kat kǝ camata mǝsǝcau ka, kǝ kwaki kiri kǝ ok giem.”

Amǝ Roma 4:21

Yì ka, earǝna nǝi nǝ ɓabumi kat ama Ɓakuli nanǝ rǝcandǝa nǝ̀ lumsǝ gir mǝnana bangŋǝna ama nǝ̀ pè ka.

Amǝ Roma 8:38

Ən earǝna nǝi a ɓabumam ama kǝgir pà nǝ̀ gau sǝm sǝnǝa earcearǝu mala Ɓakuli ɗang. Ko ɓǝ̀ lú na, ko auwa, ko amǝturonjar, ko arǝcandǝa mala akukwar, ko ɓǝ̀ ya rǝcandǝa nani ka, à karǝa à nǝ̀ gau sǝm ɗang. Ko ɓǝ̀ agir mǝnana à kǝ kumban a nza man, ko a nza mǝno nǝ̀ yiu ka,

2 Timoti 1:12

Nda gir mǝnana tsǝa sǝ ǝn nggǝ nu tanni kǝla mǝno mǝ nda a ɓalǝi ka. Sǝ mim ngga, kǝsǝkya kǝ pakkam arǝ mani ɗang, acemǝnana ǝn surǝna rǝ ɓwa mǝnana ǝn guli a rǝì, sǝ ǝn sǝlǝna ama gir mǝnana ǝn nyingŋǝni wi a bui ka, nǝ̀ gandǝ bwale ba pwari nyare male.

Amǝ Ibǝru 10:22

Ace mani ka, ɓǝ̀ sǝm sung tù aban Ɓakuli, nǝ guli kat a rǝì, nǝ ɓabum mwashat, sǝ nǝ aɗenyicau mǝnana à langŋǝnia aɓa múr-halǝkia mala cauɓikea ka. Ɓǝ̀ sǝm sung abani nǝ anggūrǝu mǝnana à langŋǝnia nǝ mur mǝɓoarnsari ka.

Amǝ Ibǝru 11:13

Amǝnia yì aɓwana kat ka, à wu aɓa paɓamuru malea, yale à kum agir mǝnana Ɓakuli na ama nǝ̀ pea wia ka ɗang. À sǝnia nǝ sǝna kuko, sǝ à gingsǝ yiu malea. À bangŋi bwāng ama à nda ka abǝri andǝ amǝgya-kutio aɓa ɓanza.

1 Yohana 1:8

Ɓǝ̀ sǝm nggǝ ne ɓamur rǝ sǝm ama sǝm pànǝ cauɓikea raka, sǝm nda ban swarki ɓamur rǝ sǝm, sǝ mǝsǝcau pà aɓalǝ sǝm ɗang.

1 Yohana 2:21

Ən pa aban gilǝa wun acemǝnana wu surǝ mǝsǝcau raka ɗang, wu surǝna rǝì, sǝ wu sǝlǝna ama mǝsǝcau kǝ ɓǝl nyir ɗang.

1 Yohana 3:14

Sǝm sǝlǝna ama sǝm auwuni lú, sǝm kutina aɓa yilǝmu, acemǝnana sǝm nggǝ lǝmndǝì amǝ'eamrǝarǝu earcearǝu. Sǝ ɓwa mǝnana pànǝ earceban raka, ɓwe ka, lú-ɓwa na.

1 Yohana 3:20

Sǝ ko ɓǝ̀ ɓabum sǝm mak sǝm ngga, Ɓakuli gulo kuti oě mala ɓabum sǝm, sǝ yì ka, surǝna rǝ agir kat.

1 Yohana 3:21

Ace mani ka, wun agyajam, ɓǝ̀ ɓabum sǝm mak sǝm raka, sǝm ndanǝ mǝsǝkang-kangŋa a ɓadǝm Ɓakuli.