1 Yohana 3:18 - Maləmce Məfele mala Ɓakuli: Kurcau Məbəshe

¹⁸ Wun amunem, earcearǝu ma'sǝm ngga, ɓǝ̀ kǝa ueo a mburkun ɗang, ɓǝ̀ duk mǝ'mǝsǝcau nì, mǝnana kǝ lǝmndǝ rǝì aɓa pě ka.

1 Yohana 3:18 ပူးပေါင်းရင်းမြစ်များ

Luka 7:5

Yì ka, kǝ earce nzali ma'sǝm, ɗǝm ngga ɓakka sǝm Ndakpapi.”

Yohana 17:19

Sǝ àkǝ̀ cea sǝ ǝn tar ɓamuram ɓǝn duk mo, acemǝnana yia gbal ka, ɓǝa tar ɓamuria aceo ɓǝa duk amo aɓa mǝsǝcau.

Amǝ Roma 12:9

Earcearǝu ka, ɓǝà pè nǝ mǝsǝcau. Wu ginǝki ɓealɓikea, sǝ wu bwal gir mǝnana mǝɓoarne na ka kàngkàng.

Amǝ Galati 5:13

Wun amǝ'eambǝam, à tunǝ wun ace mǝnana ɓǝ̀ wu yi do aɓa panzǝban. Sǝa ma wu kǝa na ama wu nǝ̀ nyesǝ dopanzǝban mǝnana wu kumo à panzǝ wun arǝ Nggurcau ka, ɓǝ̀ dupa wun njargula kpata anpel mala nggūrǝu aban pakki acauɓikea ɗang. Akuni ka, wu kǝ pakkia rǝ wun turo aɓa earcearǝu.

Amǝ Afisu 4:15

Ma'sǝm ngga, sǝm nǝ̀ nggǝ bang mǝsǝcau aɓa earcearǝu, sǝm nǝ̀ nggǝ gulo a koya njari kat, aban ká pa kǝla Kǝrǝsti Yesu mana nda ɓamur nggūrǝi, yì amǝkpate ka.

1 Amǝ Tasalonika 1:3

Aɓa hiwi ma'sǝm amur wun aban Ɓakuli ma'sǝm yì Tarrú ka, sǝm nggǝ ɗenyi nǝ pé ma'wun aɓa paɓamuru, andǝ earcearǝu ma'wun mǝnana tsǝa wu pakturo kǝrkǝr, andǝ came mala tsǝkɓalǝu ma'wun arǝ Mǝtala sǝm Yesu Kǝrǝsti.

1 Bitǝrus 1:22

Mǝno ado wu langŋǝna rǝ wun nǝ okiru ma'wun arǝ mǝsǝcau, sǝ wu ndanǝ earcearǝu arǝ amǝ'eamrǝarǝu nǝ ɓabum wun mwashat ka, wu lidǝmbǝa nǝ lǝmndǝ mǝno yì earcearǝu ka, nǝ ɓabum mǝɓoarnsari.

1 Yohana 2:1

Wun amunem mǝ keke, ǝn nggǝ gilǝa wun mǝnia yì cau ka ace mǝnana wu kǝa pak cauɓikea ɗang. Sǝ ɓǝ̀ kǝɓwa pak cauɓikea ka, sǝm ndanǝ mǝ pwan-nzali ace sǝm aban Tár sǝm, Yesu Kǝrǝsti Mǝɓealɓoarna.

1 Yohana 3:7

Wun amunem, wu kǝa eare ɓǝ̀ kǝɓwa ɓǝ̀ ɓosǝki wun ɗang: Ɓwa mǝnana kat kǝ pak mǝɓoarne ka, mǝ'cauɓoarna na, kǝla mǝnana Kǝrǝsti ka mǝ'cauɓoarna na ka.

2 Yohana 1:1

Mǝnia yì cautera ka, pur nǝ banam, mim jamgula Yohana aban ká aban Nggeaka amuna mǝnana Ɓakuli tárì, andǝ amuni, mǝnana ǝn earcea nǝ mǝsǝcau ka. Mǝ nda nǝmurǝam ǝn earkiyi ace wun ngga ɗang, sǝm nda kat sǝnǝ aɓwana mǝnana à surǝna rǝ mǝsǝcau ka.

3 Yohana 1:1

Mǝnia yì cautera ka, pur nǝ banam, mim ɓwamǝgule Yohana aban ká aban Gayus, gyajam mem mǝ'mǝsǝcau nì, mǝnana ǝn earkiyi ace raka.