1 Yohana 3:15 - Maləmce Məfele mala Ɓakuli: Kurcau Məbəshe

¹⁵ Ɓwa mǝnana kat kǝ ginǝ mǝsǝ mǝ'eambǝi ka, mǝ'walki-alú na. Sǝ wu sǝlǝna ama kǝ mǝ'walki-alú pà kàm nǝ yilǝmu mǝnana málá male pà kàm raka ɗang.

1 Yohana 3:15 ပူးပေါင်းရင်းမြစ်များ

Matiu 5:28

Sǝ mim ngga ǝn nggǝ na wun ama ɓwa mana kat sǝn mɓwama nǝ sǝnban nshawari ka, angŋǝna dǝmbǝa nongŋǝna nǝi a ɓabumi.

Markus 6:19

Nda gir nî sǝ Hirǝdiya bwal Yohana a bumi, kǝ earce wal-lui ka, sǝ ɓǝ̀ pà nǝ́ eare mala Hirǝdus raka, pà nǝ̀ gandǝ pakki wi kǝgir ɗang.

Yohana 4:14

Sǝ ɓwa mana kat nǝ̀ nu mùr mǝnana mǝ nǝ pe wi ka, pà nǝ̀ ok mǝsamur ɗǝm ɗang. Mùr mǝnana mǝ nǝ pe wi ka, nǝ̀ duk mgbeaɗe mùr a bumi mana nǝ̀ nggǝ pe wi yilǝmu mǝnana te pà nǝ̀ mal raka.”

Yohana 8:44

Wun ndaka muna mala tár wun yì Shetan, sǝ wu kǝ earce lumsǝî tár wun a kun aturo male. Yì ka, tita walki-alú ɗiɗyal, sǝ kǝ earce mǝsǝcau ɗang, acemǝnana mǝsǝcau pa a ɓalǝi ɗang. Ɓǝ̀ ndarǝ na nyir ka nda ban lǝmndǝ girbui, acemǝnana yì ka, mǝ nyira, sǝ nda tár amǝ nyir kat.

Amǝ Mishan 23:12

Ban nǝ fa ka, aɓea amǝ Yahudi yi kurkunarǝia à na ama, à pà nǝ̀ li girlina ko à nǝ̀ nu kǝgir ɗang, she ɓǝa walna lú Bulǝs ka.

Amǝ Mishan 23:14

Nda à wario aban agbani pǝris andǝ aɓwana-mǝgule à bangŋa ama, “Sǝm kanagìr ama pa sǝm nǝ̀ tsǝk kǝgir a kun sǝm ɗang she ɓǝ̀ sǝm walna lu Bulǝs ka.

Jemis 1:15

Sǝ ɓǝ̀ suno gongŋǝna ka kǝ ɓǝl aturo mala cauɓikea, sǝ ɓǝ̀ cauɓikea gulna ka nǝ̀ ɓǝl lú.

1 Bitǝrus 1:23

Wun ngga, à ɓǝsǝlǝna ɓǝl wun a bǝshe, sǝ mǝnia yì bǝsa ɓǝlban ngga, pur aɓa mǝsǝɓeale mǝnana kǝ kìɗìkì ka ɗang, pur aɓa mǝsǝɓeale mala cau mǝyilǝmuì mala Ɓakuli, yì cau male mana te malkiyi raka.

1 Yohana 2:11

Sǝ ɓǝ̀ kǝɓwa ɓinǝ mǝsǝ mǝ'eambǝi ka, nda aɓa pǝndǝa; aɓa pǝndǝa sǝ kǝ gya, yale surǝ ban mǝnana kákiyi kam ngga ɗang, acemǝnana pǝndǝa dumsǝni a nte.

1 Yohana 2:9

Ɓwa mǝnana twali ɓamuri ama nda aɓa tǎlaban, sǝ kǝ ɓinǝ mǝsǝ mǝ'eambǝi ka, nda aɓa kǝ pǝndǝa piu.

Sǝna 21:8

Sǝ mǝnia ka nda gir mǝnana nǝ̀ kum aɓwana mǝnana amǝ'ɓangciu na, andǝ amǝ pakki agir monzǝo, andǝ amǝ ɗwanyi earnǝ mim, andǝ amǝ pakki agirɓana, andǝ amǝ walki alú, andǝ amǝ do kiɗikì mala nongginǝ-rǝarǝu na ka. Yia kat andǝ amǝ peri aban ankúl andǝ alú, andǝ aɓwana kat mǝnana amǝ na'nyir na ka, à nǝ̀ ramtea aɓa garang mala bǝsa mǝnana kǝ li nǝ atali ear-bǝsa ka. Mǝnia ka, nda ɓaria lú.