1 Yohana 2:7 - Maləmce Məfele mala Ɓakuli: Kurcau Məbəshe

⁷ Wun agyajam, ǝn pa aban gilǝa wun bǝsa nzongcau ɗang, kǝ mǝ'e mǝnana wu ndanǝi ɗiɗyal a tite ka nda. Mǝnia yì nzongcau mǝ'e ka, nda kǝ cau mǝnana wu oe ka.

1 Yohana 2:7 ပူးပေါင်းရင်းမြစ်များ

Matiu 5:43

Wu ongŋǝna à bangŋa ama, “Earce ɓio mǝ'murkala,” sǝ wu ɓinǝ ɓiomǝbura.

Yohana 13:34

Sǝ ace mǝno ka mǝ ndarǝ pa wun bǝsa nzongcau: Wu earce rǝarǝ wun. Kǝla mǝnana ǝn earce wun ngga, anggo sǝ wu nǝ̀ dum nǝ earcea rǝ wun.

Amǝ Mishan 17:19

Pǝlǝa à twal Bulǝs, à yiu nǝi a ɓadǝmbǝ aɓwana-mǝgule, amǝkurcau mala lê, a ban mana à tunǝki ama, Ariyopagus ka, sǝ à ne wi ama, “Sǝm nggǝ earce ama sǝm nǝ̀ surǝ cau mala bǝsa kanigir mana a nakiyi cau amuri ka.

Amǝ Ibǝru 6:9

Wun amǝ'eamrǝarǝu mǝnana ǝn earkiyi cea ka, ko kat andǝ amani ama sǝm bangŋa ana ka, sǝm ndanǝ mǝsǝkang-kangŋa ama, wu ndanǝ agir mǝɓoarne mǝnana à kǝ yiu a tarǝia andǝ amsǝban ngga.

1 Yohana 2:24

Wun ngga, gir mǝnana wu ok ɗiɗyal a tite ka, ɓǝ̀ do aɓalǝ wun. Ɓǝ̀ pa anggo ka, wun gbal ka, wu nǝ̀ do aɓa dotarǝu wunǝ Muna mala Ɓakuli andǝ Ɓakuli Tarrû.

1 Yohana 3:11

Mǝnia ka, nda cau mǝnana wu oe a tite ka: Ɓǝ̀ sǝm earce arǝ sǝm.

1 Yohana 3:2

Wun agyajam, sǝm ado ka, sǝm ndaka amuna mala Ɓakuli, sǝ à malaká lǝmndǝa sǝm ulang pa mǝnana sǝm ngga pak ka ɗang. Sǝa ma sǝm sǝlǝna ama ɓǝ̀ Yesu yi pusǝna rǝì ka, sǝm nǝ̀ pa kǝla yi, acemǝnana sǝm nǝ̀ yia sǝni kǝla mǝnana ndakam ngga.

1 Yohana 3:21

Ace mani ka, wun agyajam, ɓǝ̀ ɓabum sǝm mak sǝm raka, sǝm ndanǝ mǝsǝkang-kangŋa a ɓadǝm Ɓakuli.

1 Yohana 3:23

Mǝnia ka nda nzongcau male: Ɓǝ̀ sǝm pa ɓamur sǝm aban Muni Yesu Kǝrǝsti, sǝ ɓǝ̀ sǝm earce rǝarǝ sǝm kǝla mǝnana bangga sǝm ngga.

1 Yohana 4:1

Wun agyajam mem, wu kǝa earnǝ koya ɓwa mǝnana kat twali ɓamuri ama ndanǝ Bangŋo mala Ɓakuli ka ɗang. Wu karǝkia, wu sǝni ko à pur nǝban Ɓakuli. Acemǝnana amǝ'ɓangna mǝ'nyirì pas kutina a ɓanza.

1 Yohana 4:11

Wun agyajam mem, ɓǝ̀ anggo sǝ Ɓakuli earce sǝm ngga, ɓoaro sǝm gbal ka, ɓǝ̀ sǝm earce rǝarǝ sǝm.

1 Yohana 4:21

Sǝ Kǝrǝsti ka, pana sǝm mǝnia yì nzongcau ka: Ɓwa mǝnana kat kǝ earce Ɓakuli ka, dumǝna pup ɓwe nǝ̀ earce mǝ'eambǝi gbal.

1 Yohana 4:7

Wun agyajam mem, ɓǝ̀ sǝm nggǝ earce rǝarǝ sǝm, acemǝnana earcearǝu ka pur nǝban Ɓakuli. Sǝ ɓwa mǝnana kat kǝ lǝmndǝ earcearǝu ka, ɓǝlban mala Ɓakuli na, sǝ surǝ Ɓakuli.