1 Yohana 2:29 - Maləmce Məfele mala Ɓakuli: Kurcau Məbəshe

²⁹ Sǝ acemǝnana sǝm sǝlǝna ama yì ka, mǝ'cauɓoarna na ka, sǝm nǝ̀ sǝlǝ gbal ama aɓwana mǝnana à kǝ pak cauɓoarna ka, amuna male na.

1 Yohana 2:29 ပူးပေါင်းရင်းမြစ်များ

Yohana 1:13

Ɓǝlban malea ka, mala nkila na andǝ nggūrǝu ɗang. Pa aɓa kpapi mala mɓwama andǝ ɓwabura ɗang. Mǝnia ka pe mala Ɓakuli na.

Yohana 7:18

Ɓwa mǝnana kǝ na cau aɓa ɓamuri ka, gulo mala ɓamuri na alkiyite ka, sǝ ɓwa mǝnana kǝ pak gir ace gulo mala ɓwa mǝnana turi ka, ɓwa mǝ'mǝsǝcau nì na, ɓe kǝgir nyir pa a ɓalǝi ɗang.

Amǝ Mishan 10:35

A koya kun ngga, kǝ ak aɓwana mǝnana à kǝ peri abani, sǝ à kǝ pak gir mana kǝ pwasǝ bumi ka.

Amǝ Mishan 22:14

Pǝlǝa na ama, “Ɓakuli mala aká sǝm tàrrǒ ace mǝnana wu surǝ kànì male. Tàrno wu sǝn Ɓwa male Mǝɓealɓoarna, yì Mǝ'amsǝban, sǝ wu ok gi aban na cau.

Amǝ Mishan 3:14

Wu ginǝki Ɓwa Mǝɓoarne, Guro Mǝfele mala Ɓakuli, sǝ wu banggi Bilatus ama, ɓǝ̀ panzǝa wun mǝ walki alú.

2 Amǝ Korinti 5:21

Ɓakuli tsǝk Kǝrǝsti, mǝnana panǝ cauɓikea raka, pǝlǝ cauɓikea ace sǝm, ace mǝnana a ɓalǝi ka, sǝm nǝ̀ pǝlǝ amǝ'cauɓoarna aban Ɓakuli.

Amǝ Ibǝru 7:2

Ibǝrayim twal mwashat-aɓa-lum mala koya gir mǝnana kumo aban lwa ka, sǝ pe Melkizedek. Lullǝu mǝnia ama Melkizedek ka, ɓālǝi nda “murǝm ɓealɓoarna”; sǝ ɗǝm ngga, yì nda “murǝm mala Salem”, sǝ murǝm Salem ngga ɓālǝi nda “murǝm dorǝpwala.”

Amǝ Ibǝru 7:26

Ulang mǝnia yì Pǝris Mǝgule, yì Yesu ka, nda sǝm earkiyice ka. Acemǝnana yì ka, ɓwa mǝfele na, panǝ cau a rǝì ɗang, kǝ pak cauɓikea ɗang, sǝ yì ka, Ɓakuli tarrì ci ɗàng nǝ amǝ'cauɓikea. Adyan ngga, Ɓakuli pani wi gulo amur agir kat a kuli.

Jemis 1:18

Aɓa kane male sǝ yi ɓǝl sǝm nǝ cau mǝ'mǝsǝcau nì; tàr sǝm ata dǝmbe aɓalǝ aɓwana mǝnana pusǝia kat ka.

1 Bitǝrus 1:23

Wun ngga, à ɓǝsǝlǝna ɓǝl wun a bǝshe, sǝ mǝnia yì bǝsa ɓǝlban ngga, pur aɓa mǝsǝɓeale mǝnana kǝ kìɗìkì ka ɗang, pur aɓa mǝsǝɓeale mala cau mǝyilǝmuì mala Ɓakuli, yì cau male mana te malkiyi raka.

1 Bitǝrus 1:3

Ɓwangsǝban kat ka, ɓǝa pe Ɓakuli, Tár Mǝtala sǝm Yesu Kǝrǝsti! Ace mǝsǝswatǝr male mǝgule ka yina nǝ sǝm aɓa bǝsa ɓǝlban. Sǝm kum mǝnia yì bǝsa ɓǝlban ngga acemǝnana Ɓakuli loasǝ Yesu Kǝrǝsti a ɓembe ka. Ado ka sǝm ndanǝ do tsǝkɓalǝu mǝyilǝmui,

1 Bitǝrus 3:18

Kǝrǝsti ka, wú ace acauɓikea ma'sǝm kusǝ mwashat ɓǝrɓǝr, mǝ'cauɓoarna ace amǝ'cauɓikea, ace mǝnana ɓǝ̀ yinǝ wun a ɓala aban Ɓakuli ka. Yì ka, wú aɓa nggūrǝu, sǝa ma dum nǝ yilǝmu aɓa bangŋo.

2 Bitǝrus 1:4

Sǝ ata cau mala gulo andǝ ɓoaro male ka, ɓwamur sǝm pà sǝm aɓoro amǝgulke kǝrkǝr andǝ amǝɓoarne mǝnana bangŋa ama nǝ̀ pà ka. Pak mǝnia ka ace mǝnana nǝ amǝnia yia aɓoro ka, ɓǝ̀ sǝm kum kāmbe aɓa pa male mala do Ɓakuli, sǝ ɓǝ̀ sǝm api kiɗikiban mala ɓanza mǝnana suno mǝɓane kǝ yiu nǝi ka.

1 Yohana 2:1

Wun amunem mǝ keke, ǝn nggǝ gilǝa wun mǝnia yì cau ka ace mǝnana wu kǝa pak cauɓikea ɗang. Sǝ ɓǝ̀ kǝɓwa pak cauɓikea ka, sǝm ndanǝ mǝ pwan-nzali ace sǝm aban Tár sǝm, Yesu Kǝrǝsti Mǝɓealɓoarna.

1 Yohana 3:5

Sǝ wu sǝlǝna ama, Yesu ka yiu ace twal acauɓikea ma'sǝm, sǝ yì ka, cauɓikea pa a ɓalǝi ɗang.

1 Yohana 3:7

Wun amunem, wu kǝa eare ɓǝ̀ kǝɓwa ɓǝ̀ ɓosǝki wun ɗang: Ɓwa mǝnana kat kǝ pak mǝɓoarne ka, mǝ'cauɓoarna na, kǝla mǝnana Kǝrǝsti ka mǝ'cauɓoarna na ka.

1 Yohana 4:7

Wun agyajam mem, ɓǝ̀ sǝm nggǝ earce rǝarǝ sǝm, acemǝnana earcearǝu ka pur nǝban Ɓakuli. Sǝ ɓwa mǝnana kat kǝ lǝmndǝ earcearǝu ka, ɓǝlban mala Ɓakuli na, sǝ surǝ Ɓakuli.

1 Yohana 5:1

Ɓwa mǝnana kat ear ama Yesu nda Kǝrǝsti ka, ɓǝlban mala Ɓakuli na. Sǝ ɓwa mǝnana kat kǝ earce Ɓakuli Tarrú ka, nǝ̀ earce amuna mala Ɓakuli gbal.

1 Yohana 5:18

Sǝm sǝlǝna ama ɓwa mǝnana kat ɓǝlban mala Ɓakuli na ka, pà nǝ̀ lidǝmbǝa nǝ pak cauɓikea ɗang. Yì ka, Muna mala Ɓakuli nǝ̀ dupi wi ntongŋo, Shetan pà nǝ̀ gandǝ je ɗang.

1 Yohana 5:4

Sǝ koya ɓwa mǝnana kat ɓǝlban mala Ɓakuli na ka, kǝ limurǝm amur ɓanza. Paɓamuru ma'sǝm aban Ɓakuli ka, nda limurǝm ma'sǝm amur ɓanza.

3 Yohana 1:11

Gyajam mem mǝnana ǝn earkiyi ace raka, ce a twal kusǝu mǝnana mǝɓike na ka ɗang, kpata gir mǝnana mǝɓoarne na ka. Ɗenyi ama ɓwa mǝnana kǝ pak mǝɓoarne ka, ɓwa mala Ɓakuli na. Sǝ ɓwa mǝnana kǝ pak mǝɓike ka, ɓwe malaká surǝ Ɓakuli ɗang.