1 Yohana 2:28 - Maləmce Məfele mala Ɓakuli: Kurcau Məbəshe

²⁸ Sǝ ado ka, wun amunem, wu lidǝmbǝa nǝ do aɓa dotarǝu wunǝa Kǝrǝsti, ace mǝnana nyare male mǝnana nǝ̀ pusǝna rǝì nǝi ka, sǝm nǝ̀ kum mǝsǝkang-kangŋa mala sungŋo a ɓadǝmbǝi, sǝ pa sǝm nǝ̀ kum kǝsǝkya ɗang.

1 Yohana 2:28 ပူးပေါင်းရင်းမြစ်များ

Matiu 16:27

Acemǝnana Muna mala Ɓwa ka nǝ̀ ngga yiu aɓa gulo mala Tarrí, andǝ amǝturonjar male ate, sǝ nǝ̀ yia pe koyan ngga tangnakusǝi, ace gir mǝnana pak ka.

Matiu 16:28

Ən nggǝ na wun aɓa mǝsǝcau ama, aɓea ɓwana na akani aban came mǝnana à pà nǝ̀ wu ɗang she ɓǝa sǝna yiu mala Muna mala Ɓwa a Domurǝm male ka.

Markus 8:38

Wu kǝa pak kǝsǝkyem andǝ cau mem aɓa mǝnia yì ɓanza mǝ ɗwanyi do nǝ mǝsǝcau aban Ɓakuli, andǝ mǝnana lumsǝ nǝ cauɓikea ka ɗang. Ɓǝ̀ kǝɓwa pak kǝsǝkyem ngga, mim Muna mala Ɓwa ka, mǝ nǝ pak kǝsǝkye gbal a pwari mǝnana mǝ nǝ nyar nǝi aɓa ɓoarɓwa mala Tárram, andǝ amǝturonjar mǝfele male ka.

Luka 17:30

Anggo sǝ nǝ̀ kumban a pwari mǝnana Muna Mala Ɓwa nǝ̀ yia pusǝna rǝì nǝi ka.

Amǝ Roma 9:33

Kǝla mǝnana à gilǝì aɓa Malǝmce ama: “Sǝni, mǝ ndya ǝn nggǝ tsǝk muna-tali a Siyona, mǝnana nǝ̀ tsǝk aɓwana à nǝ̀ anndǝ́ ka, andǝ nggea-tali mǝnana nǝ̀ cia à nǝ̀ kpa ka. Sǝa ma ɓwa mǝnana é guli a rǝi ka, pà nǝ̀ kum kǝsǝkya ɗang.”

1 Amǝ Korinti 1:7

Ace mani ka, wu ɗwanyi kum ɓe kǝ ɓoro mala Bangŋo ɗang, aɓa do ma'wun mala kundǝ Mǝtala sǝm Yesu Kǝrǝsti ɓǝ̀ lǝmndǝ rǝì.

1 Amǝ Korinti 15:23

Sǝ mǝnia yì loapi ɓembe nǝ yilǝmu ka, nzongŋi nakam, ko yan ngga ndanǝ banì male aɓa tsaɗi atarǝu: Kǝrǝsti nda mǝnana a dǝmbǝa à tita loasǝe ka; sǝ a pwari nyare yiu male ka, nǝ̀ loasǝ aɓwana mǝnana amale na ka.

Amǝ Afisu 3:12

Aɓa kpapi ma'sǝm sǝnǝa Kǝrǝsti andǝ paɓamuru ma'sǝm abani ka, sǝm nǝ̀ gandǝ yiu a ɓadǝm Ɓakuli nǝ mǝsǝkang-kangŋa andǝ guliarǝu.

Amǝ Kolosi 3:4

Sǝ ɓǝ̀ Kǝrǝsti mǝnana nda tǝr bǝsa yilǝmu ma'wun, yi pusǝna rǝì aban ɓanza kat ka, wun gbal ka wu nǝ̀ yia pusǝ rǝ wun aɓa gulo male.

1 Amǝ Tasalonika 2:19

Ɓǝ̀ mǝno na raka, mana ɗe nda tsǝkɓalǝu ma'sǝm, andǝ banɓoarnado ma'sǝm, ko mana nda mbulan mǝnana sǝm nǝ̀ jali nǝi a ɓadǝm Mǝtala sǝm Yesu a pwari yiu male? Kǝ wu nda re?

1 Amǝ Tasalonika 3:13

Anggo ka nǝ̀ pa wun rǝcandǝa mala ɓabum ace do tár ɓamuru ace Ɓakuli, andǝ ɗwanyi cau a rǝǔ a ɓadǝm Ɓakuli ma'sǝm mǝnana nda Tarrû ka, a pwari mǝnana yì Mǝtala sǝm Yesu nǝ̀ yiu nǝi, andǝ amǝturonjar male kat ka. Amin.

1 Amǝ Tasalonika 5:23

Adyan ngga, Ɓakuli mana pākiyi dorǝpwala ka, nǝ ɓamuri ɓǝ̀ tàr wun, ɓǝ̀ wu duk amale arǝ anjari pupup. Ɓǝ̀ yál bangŋo ma'wun, andǝ yilǝmi wun, andǝ nggūrǝ wun kat ɓǝa do aɓa ɗwanyi cau a rǝǔ a pwari mǝnana Mǝtala sǝm Yesu Kǝrǝsti nǝ̀ nyar nǝi ka.

1 Timoti 6:14

Kpata nzongcau mǝnia ka nǝ ɓabumo mwashat andǝ ɗwanyi cau a rǝǔ, twal adyan ba pwari nyare yiu mala Mǝtala sǝm, Yesu Kǝrǝsti.

2 Timoti 4:8

Sǝ ado ka, tangnakusǝam, yì jeko mala turo-cauɓoarna ka, nda rǝ kundǝam, mǝnana Mǝtalabangŋo, Mǝɓashi aɓa mǝsǝcau nǝ̀ pam a Pwari nyare male ka. Sǝ tangnakusǝu man ngga pa acem nǝmurǝam ɗang, nda gbal acea aɓwana mǝnana kat à kǝ earce yiu male ka.

Titus 2:13

Ɓǝ̀ do ma'sǝm pǎ anggo a pa mǝnana sǝm nda rǝ kundǝ mǝno yì tsǝkɓalǝu mana nǝ̀ yia lumsǝ sǝm nǝ bumpwasǝa ka, yì tsǝkɓalǝu arǝ yiu mala Ɓakuli ma'sǝm mǝgule, Yesu Kǝrǝsti Mǝ'amsǝban, aɓa tǎ mala ɓoarɓwa male.

Amǝ Ibǝru 9:28

anggo gbal, Kǝrǝsti wu kusǝ mwashat ɓǝrɓǝr ace mǝnana ɓǝ̀ twalban cauɓikea mala ɓwapǝndǝa pas ka. Nǝ̀ ngga yiu ɗǝm, sǝ pà ace twalban cauɓikea ɗang, nda ace mǝnana nǝ̀ yia amsǝ aɓwana mǝnana à kǝ kundǝi nǝ rǝɓǝla ka.

1 Bitǝrus 1:7

Amǝnia yì akárǝkiban ngga, à nda à nǝ̀ lǝmndǝ ama paɓamuru ma'wun ngga, mǝɓafoe na ka. Ko nggearǝ zǝnariya mǝnana kǝ kiɗiki ka, à kǝ mwami nǝ bǝsa; anggo gbal, paɓamuru ma'wun mǝnana doɓoaro male kuti mala zǝnariya ka, dumǝna pup à nǝ̀ mwami, ace mǝnana ɓǝa sǝn came male aɓa mǝkwane ka. Anggo ka sǝ wun nǝ̀ kum ɓwangsǝban, andǝ ɓoarɓwa, andǝ gusǝlǝban aban Ɓakuli, a Pwari mǝnana Yesu Kǝrǝsti nǝ̀ lǝmndǝna rǝì nǝi aban ɓwapǝndǝa kat ka.

1 Bitǝrus 5:4

Sǝ ɓǝ̀ Gbani mala ayalgir yi pusǝna rǝì ka, wu nǝ̀ kum mbulan-gulo mǝɓoarne mǝnana pà nǝ̀ è raka.

1 Yohana 2:1

Wun amunem mǝ keke, ǝn nggǝ gilǝa wun mǝnia yì cau ka ace mǝnana wu kǝa pak cauɓikea ɗang. Sǝ ɓǝ̀ kǝɓwa pak cauɓikea ka, sǝm ndanǝ mǝ pwan-nzali ace sǝm aban Tár sǝm, Yesu Kǝrǝsti Mǝɓealɓoarna.

1 Yohana 3:2

Wun agyajam, sǝm ado ka, sǝm ndaka amuna mala Ɓakuli, sǝ à malaká lǝmndǝa sǝm ulang pa mǝnana sǝm ngga pak ka ɗang. Sǝa ma sǝm sǝlǝna ama ɓǝ̀ Yesu yi pusǝna rǝì ka, sǝm nǝ̀ pa kǝla yi, acemǝnana sǝm nǝ̀ yia sǝni kǝla mǝnana ndakam ngga.

1 Yohana 3:21

Ace mani ka, wun agyajam, ɓǝ̀ ɓabum sǝm mak sǝm raka, sǝm ndanǝ mǝsǝkang-kangŋa a ɓadǝm Ɓakuli.

1 Yohana 4:17

Ani ka, earcearǝu kum lumsǝo aɓalǝ sǝm, sǝ anggo ka, ɓangciu pà nǝ̀ pakka sǝm a Pwari Ɓashi ɗang, acemǝnana sǝm nda kǝla Yì a mǝnia yì ɓanza ka.

1 Yohana 5:14

Mǝnia ka nda mǝsǝkang-kangŋa mǝnana sǝm ndanǝi ace yiu a ɓadǝm Ɓakuli ka, ama ɓǝ̀ ko man kat sǝ sǝm zǝmbǝa aɓa eare male ka, kǝ ok sǝm.

Sǝna 1:7

Wu sǝni! Ndya kǝ yiu aɓalǝ apǝrɓang a kuli ka. Koya ɓwa ka nǝ̀ sǝni, kat andǝ aɓwana mǝnana à zuɓi nǝ kaɗa ka; sǝ akún mǝnana a ɓanza ka, à nǝ̀ ɓua ace. E, anggo sǝ ɓǝ̀ pa! Amin.