1 Yohana 2:27 - Maləmce Məfele mala Ɓakuli: Kurcau Məbəshe

²⁷ Sǝ wun ngga, rǝcandǝa mala Bangŋo Mǝfele mǝnana wu kumo a bui ka, nda aɓalǝ wun. Pà nǝ̀ ɓoaro ɓǝ̀ ɓe kǝɓwa kania wun ɗang, acemǝnana mǝno yì rǝcandǝa mala Bangŋo male ka kǝ kania wun agirbunda kat, sǝ yi rǝcandǝa ka, mǝɓafoe na, mǝ'nyirì na ɗang; sǝ kǝla mǝnana kǝ kania wun ngga, wu do aɓa dotarǝu andǝi.

1 Yohana 2:27 ပူးပေါင်းရင်းမြစ်များ

Matiu 13:11

Yesu earia wia ama: Surǝ gir-ɓasǝmbǝra mala Domurǝm mala kuli ka à pana wuni, sǝ yia ka à pea wia ɗang.

Yohana 14:16

Sǝ mǝ nǝ zǝmbǝi Tárram, sǝ nǝ̀ pa wun Mǝbwala wun nggam, mǝnana nǝ̀ yia do ata wun ba málá male ka.

Yohana 14:17

Yì nda kǝ Bangŋo mana kǝ lǝmndǝ mǝsǝcau amur Ɓakuli ka. Amǝ kpata ɓanza pa nǝ̀ gandǝ é ɗang, acemǝnana à kǝ sǝni ɗang, sǝ à surǝì ɗang. Sǝ wun ngga wu surǝì, acemǝnana ndanǝ do ata wun ado, sǝ nǝnzǝmo ka nǝ̀ ngga do a ɓabum wun.

Yohana 14:26

Sǝ Mǝ pa wun gbasha, yì Bangŋo Mǝfele, mǝnana Tárram nǝ̀ tasǝi aɓa lullǝam ngga, nǝ̀ yia kania wun agirbunda kat, sǝ nǝ̀ kasǝ ɓalǝ wun arǝ agir mǝnana kat, ǝn bangga wun ngga.

Yohana 16:13

Sǝ ɓǝ̀ Bangŋo, mǝnana kǝ lǝmndǝ mǝsǝcau amur Ɓakuli, yina ka, nǝ̀ yia kania wun ɓǝ̀ wu surǝ mǝsǝcau kat mǝnana kǝ pur aban Ɓakuli ka. Pà nǝ̀ ɓun cau a ɓamuri ɗang, kǝgir mǝnana o a kun Ɓakuli ka, kǝ nda nǝ̀ bang ngga. Sǝ nǝ̀ bangga wun ce agir mǝnana à malaká yiu peatu raka.

Yohana 4:14

Sǝ ɓwa mana kat nǝ̀ nu mùr mǝnana mǝ nǝ pe wi ka, pà nǝ̀ ok mǝsamur ɗǝm ɗang. Mùr mǝnana mǝ nǝ pe wi ka, nǝ̀ duk mgbeaɗe mùr a bumi mana nǝ̀ nggǝ pe wi yilǝmu mǝnana te pà nǝ̀ mal raka.”

Yohana 6:45

Kǝla mǝnana à gilǝì aɓa Malǝmce mala amǝ'ɓangna ka: ‘Yia kat ka, Ɓakuli na nǝ̀ kania wia gir ka.’ Lǝmndǝ ama, ɓwa mǝnana kat kǝ kwaki kiri arǝ Ɓakuli Tarrû sǝ kǝ kànì abani ka, nǝ̀ yiu abanam.

1 Amǝ Korinti 2:12

Sǝm ngga, sǝm ak bangŋo mala ɓanza ɗang, kǝ Bangŋo mala Ɓakuli mǝnana turabani ka nda sǝm ak ka, ace mǝnana ɓǝ̀ sǝm surǝ agir mǝnana kat Ɓakuli pa sǝm mia ɓà ka.

1 Amǝ Korinti 2:13

Ace mani ka, aɓa nacau ma'sǝm ngga, sǝm nggǝ pakturo nǝ gir mǝnana à kania sǝm nǝ sǝlǝe mala ɓwapǝndǝa ka ɗang. Cau ma'sǝm nda kǝ mǝnana Bangŋo mala Ɓakuli kania sǝm ngga. Kǝ nda sǝm nggǝ mǝnggi ɓa mǝnia yì mǝsǝcau mala Bangŋo ka, aban aɓwana mǝnana gbal à ndanǝ Bangŋo mala Ɓakuli ka.

2 Amǝ Korinti 1:21

Sǝ ado ka, Ɓakuli na tsǝk sǝm sǝnǝa wun, ɓǝ̀ sǝm kum kusǝu-came kàngkàng aɓa tārǝù ma'sǝm sǝnǝa Kǝrǝsti. Kǝ yì nda mǝnana tàr sǝm ngga.

Amǝ Afisu 4:21

Ɓafo wun ngga, wu ongŋǝna cau amur Yesu Kǝrǝsti, sǝ wu kanina mǝsǝtacau mǝnana pur nǝ bani ka.

Amǝ Kolosi 2:6

Sǝ adyan ngga, kǝla mǝnana wu angŋǝna Kǝrǝsti Yesu, dumǝna mǝtala wun ngga, wu lidǝmbǝa nǝ kpate.

1 Amǝ Tasalonika 2:13

Sǝ ɗǝm ngga sǝm nggǝ pakki Ɓakuli yàwá tutu. Acemǝnana, lang sǝm yinǝ́nà wun nǝ́ cau mala Ɓakuli ka, wu twali kǝla cau mala ɓwapǝndǝa na ɗang. Wu oe, sǝ wu é cau mala Ɓakuli na, mǝ'mǝsǝcau nì mǝnana ndaban pak turo a ɓabum wun, wun aɓwana mǝnana kat wu pa ɓamur wun abani ka.

1 Amǝ Tasalonika 4:9

Amur cau mala lǝmndǝia rǝ wun earcearǝu ka panǝ ɓoaro mǝ gilǝa wun kǝgir ɗang. Acemǝnana wun nǝ ɓamur rǝ wun ngga, Ɓakuli kánìna wun ɓǝ̀ wu earcea rǝ wun.

1 Timoti 2:7

Àkǝ̀ ce mani sǝ à taram kǝla mǝhama andǝ mǝ'mishan, mǝ kani aɓwana mala acili anzali gir, amur paɓamuru andǝ mǝsǝcau. Mǝnia ka nyir na ǝn nakiyi ka ɗang, nggearǝ mǝsǝcau na ǝn nggǝ na ka.

1 Bitǝrus 1:23

Wun ngga, à ɓǝsǝlǝna ɓǝl wun a bǝshe, sǝ mǝnia yì bǝsa ɓǝlban ngga, pur aɓa mǝsǝɓeale mǝnana kǝ kìɗìkì ka ɗang, pur aɓa mǝsǝɓeale mala cau mǝyilǝmuì mala Ɓakuli, yì cau male mana te malkiyi raka.

1 Yohana 2:28

Sǝ ado ka, wun amunem, wu lidǝmbǝa nǝ do aɓa dotarǝu wunǝa Kǝrǝsti, ace mǝnana nyare male mǝnana nǝ̀ pusǝna rǝì nǝi ka, sǝm nǝ̀ kum mǝsǝkang-kangŋa mala sungŋo a ɓadǝmbǝi, sǝ pa sǝm nǝ̀ kum kǝsǝkya ɗang.

1 Yohana 3:24

Aɓwana mǝnana à kǝ kpata anzongcau mala Ɓakuli ka, à nda aɓa dotarǝu andǝa Ɓakuli, sǝ Yì Ɓakuli ka nda aɓa dotarǝu andǝia. Ani sǝ sǝm sǝlǝ ama Ɓakuli ka nda aɓa dotarǝu nǝ sǝm: Sǝm sǝlǝa nǝ Bangŋo male mǝnana pa sǝm ngga.

2 Yohana 1:2

Sǝm nggǝ earce wun àkǝ̀ ce mǝsǝcau mǝnana nda aɓalǝ sǝm, sǝ nǝ̀ do ata sǝm, málá male pà kàm raka.