1 Yohana 2:24 - Maləmce Məfele mala Ɓakuli: Kurcau Məbəshe

²⁴ Wun ngga, gir mǝnana wu ok ɗiɗyal a tite ka, ɓǝ̀ do aɓalǝ wun. Ɓǝ̀ pa anggo ka, wun gbal ka, wu nǝ̀ do aɓa dotarǝu wunǝ Muna mala Ɓakuli andǝ Ɓakuli Tarrû.

1 Yohana 2:24 ပူးပေါင်းရင်းမြစ်များ

Luka 1:2

Cau mǝnana à gilǝ ka nda kǝ̀ mǝnana à oe a kun aɓwana mǝnana à sǝn agir nì nǝ mǝsǝia a nggea dǝmbe, sǝ à hamnǝ ce ka.

Luka 9:44

“Wu kwaki kir wun arǝ cau mǝnana mǝ nǝ bangga wun ado ka: Muna mala Ɓwa ka à ndo à nǝ̀ me a ɓabu aɓwana amǝɓinǝ mǝsǝì.”

Yohana 14:23

Yesu eari wi ama: Ɓwa mǝnana kat earcem ngga, nǝ̀ kpata kanigir mem, Tárram nǝ̀ earce, sǝ mim sǝnǝ Tárram ka, sǝm nǝ̀ yiu abani sǝm nǝ̀ do ate.

Yohana 15:7

Sǝ ɓǝ̀ wu do a ɓalǝam, sǝ cau mem do aɓalǝ wun ngga, wu zǝmbǝi Ɓakuli gir mǝnana kat wu earkiyice ka, sǝ nǝ̀ pa wun gir nî.

Yohana 6:56

Ɓwa mǝnana kat li nyam nggūrǝam, sǝ nu nkilem ngga, nda aban do a ɓalǝam, sǝ mim gbal mǝ ndanǝ do a ɓalǝi.

Yohana 8:25

Pǝlǝa à ɗi Yesu ama, “A nda yana?” Sǝ Yesu earia wia ama, “Mǝ nda kǝ ɓwa mǝnana ǝn na wun a dǝmbe nǝma mǝ nda ka.

Amǝ Filipi 4:15

Wun amǝ Filipi ka, wu sǝlǝna ama aɓalǝ anonggeo mala tita turo hamnǝ Cau Amsǝban mem, lang ǝn nying Masǝdoniya ka, kǝ wu nda, kǝ ikǝlisiya mǝnana bwalam nggam, aɓa pa ɓoro ka. Kǝ ɓe ikǝlisiya pa kàm anggo ɗang.

Amǝ Kolosi 3:16

Ɓǝ̀ cau mala Kǝrǝsti, nǝ ɓoaro male kat ka, ɓǝ̀ lumsǝ ɗenyicau ma'wun. Wu kǝ kania rǝ wun gir sǝ wu kwarkir rǝarǝ wun, nǝ sǝlǝe mǝnana kat Kǝrǝsti pa sǝm ngga. Wu kǝ tuka anggyal ɓa Malǝmce mala Anggyal, andǝa mǝnana à cia nǝ tsǝa ka, andǝ anggyal ɓabangŋo, aban Ɓakuli nǝ ɓabum mana lumsǝ nǝ pak yàwá ka.

Amǝ Ibǝru 2:1

Ace mani ka, sǝm nǝ̀ tsǝk kir sǝm pépè arǝ cau mǝnana sǝm ok ka, ace mǝnana ɓǝ̀ sǝm ngga kyanggi wi ɗàng.

Amǝ Ibǝru 3:14

Ɓǝ̀ sǝm bwal kàngkàng arǝ guliarǝu ma'sǝm mana sǝm tinate nǝi sǝ kya bik masǝlǝate ka, gir mǝnana kat mala Kǝrǝsti na ka, sǝm nǝ̀ kumi ate.

1 Yohana 1:3

Sǝm nggǝ na wun ce gir mǝnana mǝsǝ sǝm sǝni, sǝ kir sǝm oe ka, ace mǝnana wun gbal ka ɓǝ̀ wu kum dotarǝu nǝ sǝm. Sǝ dotarǝu ma'sǝm ngga, sǝm nda andǝ Ɓakuli Tarrû, andǝ Muni, Yesu Kǝrǝsti.

1 Yohana 1:7

Sǝa ma ɓǝ̀ sǝm gya aɓa tǎlaban, kǝla mǝnana yì ka, nda aɓa tǎlaban ngga, lǝmndǝ ama sǝm ndanǝ dotarǝu nǝ rǝarǝ sǝm, sǝ nkila mala Muni Yesu kǝ lak sǝm arǝ acauɓikea kat.

1 Yohana 2:7

Wun agyajam, ǝn pa aban gilǝa wun bǝsa nzongcau ɗang, kǝ mǝ'e mǝnana wu ndanǝi ɗiɗyal a tite ka nda. Mǝnia yì nzongcau mǝ'e ka, nda kǝ cau mǝnana wu oe ka.

1 Yohana 3:24

Aɓwana mǝnana à kǝ kpata anzongcau mala Ɓakuli ka, à nda aɓa dotarǝu andǝa Ɓakuli, sǝ Yì Ɓakuli ka nda aɓa dotarǝu andǝia. Ani sǝ sǝm sǝlǝ ama Ɓakuli ka nda aɓa dotarǝu nǝ sǝm: Sǝm sǝlǝa nǝ Bangŋo male mǝnana pa sǝm ngga.

1 Yohana 4:13

Sǝ Ɓakuli pana sǝm Bangŋo male, mǝnana lǝmndǝ ama sǝm nda a ɓalǝi sǝ yì ka, nda aɓalǝ sǝm ngga.

1 Yohana 4:15

Ɓwa mǝnana kat bang bwāng ama, Yesu ka Muna mala Ɓakuli na ka, nda aɓa dotarǝu andǝa Ɓakuli, sǝ Ɓakuli na aɓa dotarǝu andǝi.

1 Yohana 4:16

Sǝ sǝm nǝ́ ɓamur rǝ sǝm ngga, sǝm surǝna rǝ ulang earcearǝu mǝnana Ɓakuli ndanǝi arǝ sǝm ngga, sǝ sǝm earǝna nǝi. Ɓakuli ka earcearǝu na, sǝ ɓwa mǝnana kat do aɓa earcearǝu ka, nda aɓa dotarǝu andǝa Ɓakuli, sǝ Ɓakuli ka nda aɓa dotarǝu andǝi.

2 Yohana 1:2

Sǝm nggǝ earce wun àkǝ̀ ce mǝsǝcau mǝnana nda aɓalǝ sǝm, sǝ nǝ̀ do ata sǝm, málá male pà kàm raka.

2 Yohana 1:9

Ɓwa mǝnana yàl-nzong aban ká dǝmbǝa, kpata mǝnia yì kanigir mala Kǝrǝsti raka, surǝ Ɓakuli ɗang. Sǝ ɓwa mǝnana lidǝmbǝa aɓa kanigir mala Kǝrǝsti ka, nda aɓa dotarǝu andǝa Ɓakuli Tarrû andǝ Muni.

3 Yohana 1:3

Ən pak banɓoarnado kǝrkǝr, nǝ cau mǝnana aɓea amǝ'eamrǝarǝu yiu à yì na amur do mǝsǝcau mo kǝla mana a kǝ gya aɓa mǝsǝcau ni ka.

Sǝna 3:11

Banì pà nǝ̀ sau ɗang, mǝ ndya ǝn nggǝ yiu ka. Bwal gir mǝnana a ndanǝi ka kàngkàng, ace mǝnana kǝɓwa ɓǝ̀ kǝa ako tangnakusǝu mbulan-murǝm mo raka.

Sǝna 3:3

Nyesǝ ɓalǝo nǝ nzǝmo, ɗenyi nǝ agir mǝnana a ok atadǝmbe, sǝ a pa ɓabumo a rǝia ka; bwalia kàngkàng, sǝ wu pǝlǝ nzǝmo arǝ acauɓikea mo. Ɓǝ̀ mǝsǝo sa sǝ a lo raka, mǝ nǝ yipo a bu-pwari mǝnana a tsǝk ɓalǝo raka, kǝla yiu mala mǝn'i.