1 Yohana 2:18 - Maləmce Məfele mala Ɓakuli: Kurcau Məbəshe

¹⁸ Wun amunem, sǝm nda a masǝlǝata apwari ado; sǝ kǝla mǝnana wu ok ama ɓimǝbura mala Kǝrǝsti na aban yiu ka, nda ado ka, aɓiamǝbura mala Kǝrǝsti pas yina. Anggo sǝ sǝm sǝlǝ ama sǝm yina a masǝlǝata apwari.

1 Yohana 2:18 ပူးပေါင်းရင်းမြစ်များ

Matiu 24:11

Amǝ'ɓangna mǝ'nyirì pas nǝ̀ yia puro à nǝ̀ ɓosǝki aɓwana pas.

Matiu 24:24

Acemǝnana akǝrǝsti mǝ'nyirì andǝ amǝ'ɓangna mǝ'nyirì à nǝ̀ puro sǝ à nǝ̀ pakki agir-lǝmndǝa mǝgulke andǝ agir-ndali ace swarki aɓwana, yale ɓǝa nǝ̀ gandǝi ka, nggearǝ aɓwana mǝnana Ɓakuli tarkia ka, à nǝ̀ ɓosǝkia.

Matiu 24:5

Acemǝnana aɓwana pas nǝ̀ ngga yiu aɓa lullǝam à nǝ̀ na ama à ndaka Kǝrǝsti, sǝ à nǝ̀ ɓosǝki aɓwana pas.

Markus 13:6

Aɓwana pas nǝ̀ yiu à nǝ̀ nggǝ bangŋa ama, “Mǝ nda Kǝrǝsti.” À nǝ̀ pakturo nǝ lullǝam à nǝ̀ ɓosǝki aɓwana pas.

Yohana 21:5

Pǝlǝa tunǝban ɗia ama, “Wun alaggana, wu bwal kǝ nji le?” À ear ama, “Awo!”

Amǝ Roma 13:11

Dumǝna pup wu nǝ̀ pa anggo, acemǝnana wu surǝna rǝ nza mǝnia sǝm nda a ɓalǝi ka. Pwari pangŋǝna mǝnana wu nǝ̀ loapi ntulo ka, acemǝnana amsǝban ma'sǝm yina ado tu, amur mǝnana sǝm tita pana ɓamur sǝm nǝi ka.

Amǝ Roma 13:12

Du málá nǝ̀ mala; ban málá nǝ̀ kwaro. Ɓǝ̀ sǝm nying pakki agir mala pǝndǝa, ɓǝ̀ sǝm oasǝ agirbura mala tǎlaban.

Amǝ Ibǝru 1:2

Sǝ a masǝlǝata nza man ngga, yi na cau nǝ sǝm, nǝ mburkun Muni, mǝnana twali ɓǝ̀ yì duk mǝliɓala na amur girbunda kat, sǝ nǝ́ yi sǝ pusǝ kuli andǝ nzali ka.

1 Bitǝrus 1:20

Kaniama à nǝ̀ kwakita ɓanza ka, Ɓakuli tarrì, ci male ɗang. Sǝ aɓa mǝnia yì masǝlǝata apwari ka, à yì lǝmndǝni a banfana àkǝ̀ ace wun.

1 Bitǝrus 1:5

Sǝ ata cau mala paɓamuru ma'wun ngga, Ɓakuli na rǝ yal wun nǝ rǝcandǝa male ace kum amsǝban mǝnana gilǝkini nǝ̀ yia lǝmndǝi, a masǝlǝata apwari ka.

1 Bitǝrus 4:7

Masǝlǝata ɓanza ka, gbashina. Ace mani ka, wu shambum wun, nǝ gandǝrǝu ace pak hiwi.

2 Bitǝrus 2:1

Sǝ amǝ'ɓangna mǝ'nyirì gbal ka à lo aɓalǝ amǝ Isǝrayila, sǝ kǝla mǝno ka amǝkanigir mǝ'nyirì nǝ̀ ngga lo aɓalǝ wun. Aɓa kutan à nǝ̀ yiu nǝ akanigir mǝ'nyirì mǝnana à nǝ̀ kiɗikina paɓamuru mala aɓwana nǝia ka, yale à nǝ̀ tǝmce Mǝtalabangŋo mǝnana akmúr sǝm aɓalǝ acauɓikea ma'sǝm ngga. Anggo sǝ à nǝ̀ nunmbi ɓamuria kiɗikiban a kaurǝa.

2 Bitǝrus 3:3

Gir mǝnana wu nǝ̀ sǝlǝa a dǝmbe ka, nda mǝnana ama, a masǝlǝata apwari ka, amǝ'oalban nǝ̀ yia pusǝ rǝia, à nǝ̀ nggǝ oal mǝsǝcau, sǝ à nǝ̀ nggǝ kpata suno malea mǝ'cauɓike.

1 Yohana 2:22

Yana nda mǝ'nyir? Kǝ nda ɓwa mǝnana ginǝ eare ama Yesu nda Kǝrǝsti, yì ɓwa mana Ɓakuli tarrì ka. Ɓwa mǝnana kat makgir Ɓakuli Tarrû andǝ Muni ka, nda kǝ ɓimǝbura mala Kǝrǝsti.

1 Yohana 4:1

Wun agyajam mem, wu kǝa earnǝ koya ɓwa mǝnana kat twali ɓamuri ama ndanǝ Bangŋo mala Ɓakuli ka ɗang. Wu karǝkia, wu sǝni ko à pur nǝban Ɓakuli. Acemǝnana amǝ'ɓangna mǝ'nyirì pas kutina a ɓanza.

1 Yohana 4:3

Sǝ ɓwa mǝnana kat earnǝ Yesu raka, ɓwe pànǝ Bangŋo mǝnana pur nǝban Ɓakuli ka ɗang. Bangŋo mǝnana mǝnia yì ɓwa ndanǝi ka, pur nǝban ɓimǝbura mala Kǝrǝsti, mǝnana wu okce ama nǝ̀ yiu a ɓanza, sǝ yale yina ado nda a ɓanza ka.

2 Yohana 1:7

Ən bang mǝnia ka acemǝnana amǝ swarkiban pas mana à ear ama Yesu Kǝrǝsti yiu aɓa nggūrǝu raka, à kutina a ɓanza. Ɓwa kǝla ulang amǝno ka, mǝswarkiban na sǝ ɓimǝbura mala Kǝrǝsti na.

Yahuda 1:18

À bangŋǝna wun ama: “A masǝlǝata apwari ka, amǝ oalban arǝ njar dokwaɗi nǝ̀ yia puro, aɓwana mǝnana ɓa do malea ka nda kpata anpel malea mala ɗwanyi surǝ Ɓakuli.”