1 Yohana 2:16 - Maləmce Məfele mala Ɓakuli: Kurcau Məbəshe

¹⁶ Acemǝnana agir mana aɓa ɓanza ka: npel mala nggūrǝu, suno ace kum gir mana mǝsǝu sǝni sǝ earce , andǝ nggori nǝ agirkuma mala ɓanza ka, à pur nǝban Ɓakuli Tarrû ɗang; a mala ɓanza na.

1 Yohana 2:16 ပူးပေါင်းရင်းမြစ်များ

Matiu 4:8

Shetan nyar ɗǝm wari nǝ Yesu a ɓwang ɓe kǝ nkono nggea mǝdāre, pǝlǝa lǝmndǝki wi ala-murǝm kat mǝnana a ɓanza ka andǝ gulo andǝ gǝna mǝnana a ɓalǝia ka kat.

Matiu 5:28

Sǝ mim ngga ǝn nggǝ na wun ama ɓwa mana kat sǝn mɓwama nǝ sǝnban nshawari ka, angŋǝna dǝmbǝa nongŋǝna nǝi a ɓabumi.

Luka 4:5

Shetan loasǝi um nǝi a nggea ban mǝdāre, sǝ lǝmndǝì wi anzali-murǝm mala ɓanza kat aɓa kuɓimǝsǝu.

Amǝ Roma 13:14

A kun mani ka wu oasǝ Mǝtalabangŋo Yesu Kǝrǝsti arǝ wun, sǝ wu kǝa ká nǝ́ ɗenyicau ma'wun arǝ alita nggūrǝu njar mala loasǝ anpel male ɗang.

1 Amǝ Korinti 10:6

Amǝno yia gir mǝnana kumia ka, à dumǝna sǝm agirkani yalung, ace mǝnana ɓǝa nun kir sǝm, ɓǝ̀ sǝm ngga tsǝk ɓabum arǝ agir mǝɓike, kǝla mǝnana yia ka à pak ka ɗang.

Amǝ Galati 5:17

Gir mǝnana nggūrǝu earkiyice ka nda a mgbasho nǝ gir mǝnana Bangŋo earkiyice ka. Sǝ Bangŋo ka, kǝ tsǝk sǝm arǝ earce agir mǝnana nggūrǝu ginǝki cea ka. Amǝnia yì agir ɓari ka, à nda ɓibura. Yia ka, à kǝ munǝo a rǝarǝia pwari-pwari. Nda gir mǝnana kǝ tsǝk wun sǝ wu kǝ gandǝ pak mǝɓoarne mǝnana wu kǝ earce pe ka raka.

Amǝ Galati 5:24

Aɓwana mǝnana à mala Kǝrǝsti Yesu na ka, à gballìna ɓealǝu mala ɓwapǝndǝa mǝ'cauɓike andǝ anpel andǝ asuno male, amur nggun-gangndi mala Yesu.

Amǝ Afisu 2:3

Sǝm kat ka, anggo sǝ sǝm duk ɗiɗyal aɓalǝia aban kpata asuno mala nggurǝu andǝ aɗenyicau mala ɓamurǝ sǝm, mǝ earce cauɓike. Sǝ mǝnia yì ɓealǝu ma'sǝm ngga tsǝa sǝm nda aɓata bumlulla mala Ɓakuli kǝla mǝnana ɓwapǝndǝa kat pak ka.

Titus 2:12

Mǝno yì ɓwamuru ka, kǝ kania sǝm ɓǝ̀ sǝm nying do ɗwanyi kpata Ɓakuli andǝ gyata agir mala ɓanza, ɓǝ̀ sǝm dum nǝ bwalrǝu, andǝ do-ɓealɓoarna, andǝ do pwasǝbum Ɓakuli, aɓa mǝnia yì ɓanza ka.

Titus 3:3

Sǝm ɗiɗyal gbal ka, sǝm ndaka aɓwana anggo sǝm kwar ɗang, amǝ'ɗwanyi okiru, à swarki sǝm, sǝm duk aguro mala gyata asuno andǝ anpel ɗàngɗáng mala nggūrǝu. Sǝm do aɓa bumkpǝmna andǝ mɓali. Aɓwana ɓinǝmǝsǝ sǝm, sǝ sǝm ɓinǝmǝsǝ arǝ sǝm.

Jemis 3:15

Acemǝnana mɓali andǝ earce ɓamuru ka à pa aɓa sǝlǝe mǝnana mala Ɓakuli na ka ɗang. Amǝno yì agir ka à mala ɓanza na, mala Bangŋo mala Ɓakuli na ɗang; mala mgbǝrǝm na.

Jemis 4:16

Sǝ ado ka wu kǝ arkikun wun sǝ wu kǝ nggori aɓa ɗenyicau ma'wun. Sǝ mǝno yì arkikun ngga mǝɓane.

1 Bitǝrus 1:14

Ado mǝnana wu nda ka muna mala Ɓakuli amǝ okiru ka, wu kǝa eare ɓǝ̀ do ma'wun duk mala kpata anpel mǝɓane mǝnana wu ndanǝia ɗiɗyal aɓa ɗwanyi sǝlǝe ka ɗang.

1 Bitǝrus 2:11

Wun amǝ'eamrǝarǝu mǝnana ǝn earkiyi acea raka, wun mǝnana wu nda ka amǝgya-kutio andǝ abǝri a ɓanza ka, ǝn nggǝ kwarkir wun, wu gapita re wun nǝ anpel mala nggūrǝu, mǝnana à kǝ munǝo arǝ yilǝmi wun ngga.

2 Bitǝrus 2:10

Nggeamurǝmi ka, nǝ̀ ɓashi amǝ gyata kìɗìkì mala anpel mala nggūrǝu, andǝ amǝ burice yalban mala Ɓakuli amuria. Acemǝnana amǝnia yì amǝkanigir mǝ'nyirì ka à ndanǝ gusǝlǝ-ɓamuru, andǝ candǝ-ɓamuru ɗǝm ngga, ko ɓangciu kǝ pakkia wia arǝ na mǝɓane amur amǝturonjar a kuli, mǝnana Ɓakuli pea wia tǎ aɓa ɓoarɓwa ka ɗang.

2 Bitǝrus 2:18

Nǝ́ naki acau mǝɓangge mala twalɓamuru malea, à kǝ swár aɓwana mǝnana à ndarǝ puro à nǝ̀ api ɓalǝ aɓwana mǝnana a do aɓa ɓwarkio mala cauɓikea ka. À kǝ ɓariki à nǝ̀ nunnia aɓalǝ asuno mǝɓane mala nggurǝ ɓwapǝndǝa mǝ'earce kìɗìkì mala cauɓikea.