1 Yohana 2:15 - Maləmce Məfele mala Ɓakuli: Kurcau Məbəshe

¹⁵ Ce wu earce ɓanza ko agir mǝnana a ɓanza ka ɗang. Ɓǝ̀ kǝɓwa earce ɓanza ka, earcearǝu mala Ɓakuli Tarrû ka, pà a ɓalǝi ɗang.

1 Yohana 2:15 ပူးပေါင်းရင်းမြစ်များ

Matiu 4:8

Shetan nyar ɗǝm wari nǝ Yesu a ɓwang ɓe kǝ nkono nggea mǝdāre, pǝlǝa lǝmndǝki wi ala-murǝm kat mǝnana a ɓanza ka andǝ gulo andǝ gǝna mǝnana a ɓalǝia ka kat.

Matiu 6:24

Ɓwa pà nǝ̀ gandǝ duk guro mala amǝtala ɓala ɓari a tarǝia ɗang. She ɓweni nǝ̀ ɓinǝ mwashat atea sǝ nǝ̀ earce ɓi, ko nǝ̀ pa ɓamuri aban ɓwa mwashat sǝ nǝ̀ ɓǝsǝki ɓi. Wu pà nǝ̀ gandǝ kpata Ɓakuli andǝ boalo a tarǝia ɗang.

Luka 16:13

Kǝ muna-ɓala pà nǝ̀ pakki amǝtala-ɓala ɓari turoɓala ɗang. Ko nǝ̀ ginǝmǝsǝ man mwashat ka sǝ nǝ̀ earce ɓe, ko ana raka, nǝ̀ pa ɓamuri ata ɓwa man mwashat ka, sǝ nǝ̀ burice ɓe. Pa wu nǝ̀ pa ɓamur wun aban Ɓakuli andǝ boalo yia kǝm ɗang.

Yohana 15:19

Ɓǝ̀ wu ndaka mala ɓanza ka, ɓanza nǝ̀ earce wun kǝla amale. Sǝ ado ka wu ndaka mala ɓanza ɗang. Acemǝnana ǝn tarki wun ɓǝ̀ wu puri ɓa ɓanza ka, nda tsǝa sǝ ɓanza kǝ ɓinǝmǝsǝ wun ngga.

Amǝ Roma 12:2

Wu kǝa kpata ɓealǝu andǝ kuncau mala mǝnia yì ɓanza ka ɗang. Wu ɗeki Ɓakuli ɓǝ̀ nggaɗi wun nǝ tsǝk ɗenyicau ma'wun ɓǝ̀ duk bǝshe. Anggo sǝ wu nǝ̀ gandǝ surǝ nê mala Ɓakuli, mǝnana mǝɓoarne na, andǝ mǝnana nǝ̀ duk gir-á abani, sǝ nda pepè ka.

Amǝ Galati 1:10

Ado ka, ɓwangsǝban mala ɓwapǝndǝa na ǝn alkiyite ka le, ko mala Ɓakuli? Ɓǝ̀ mǝ nda ban ɓariki mǝ nǝ pwasǝbum ɓwapǝndǝa ka, ɓǝ́ pa mǝ nǝ duk guro mala Kǝrǝsti ɗang.

Amǝ Afisu 2:2

Amǝno yia apwari ka, wu kǝ dukiado ma'wun aɓa cauɓikea kǝla mǝnana acili amǝ ɓanza kǝ pa, aban kpata Shetan, mana ginggi nǝ ɓanza mana à sǝnggiyi raka, sǝ bangŋo male na kǝ pak turo aɓalǝ aɓwana mǝnana à kǝ oki Ɓakuli raka.

1 Timoti 6:10

Acemǝnana rufi ata boalo ka, nda nlerǝ koya ɓealɓikea. Aɓea aɓwana mana bumia kǝ pi ace alta gǝna ka, gandǝa à kpana, à ɗekina paɓamuru malea aban Ɓakuli, à soana ɓabumia nǝ agir bumkiɗikea.

Jemis 1:27

Kwaɗi mǝɓoarnsari, mǝɓafoe mǝnana Ɓakuli Tár sǝm earkiyice ka, nda tsǝkir akawa andǝ aman-lú aɓalǝ atanni malea, andǝ ɓanggi pǝndǝkiban mala ɓanza.

Jemis 4:4

Wun amǝ ɗwanyi do nǝ mǝsǝcau aban Ɓakuli andǝ doɓala! Wu sǝlǝ mbo ama duk gyajam mala ɓanza ka do ɓibura na arǝ Ɓakuli? Ace mani ka ɓwa mǝnana twalo nǝ̀ pa kǝla mala amǝ'ɓealɓikea ka, dumǝna ɓimǝbura mala Ɓakuli.

1 Yohana 3:17

Ɓǝ̀ kǝɓwa nanǝ agirkuma mala ɓanza man, sǝ sǝn mǝ'eambǝi aɓa tǝle, sǝ ɓinǝ sǝn mǝsǝswatǝr male ka, lang sǝ earcearǝu mala Ɓakuli nǝ̀ pa a ɓabum mǝnia yì ɓwa ka?

1 Yohana 4:5

Yia ka, a mala ɓanza na, ace mani ka ɓanza kǝ oea, acemǝnana kǝ cau mala ɓanza na à nakiyi ka.

1 Yohana 5:10

Ɓwa mǝnana kat paɓamuri aban Muna mala Ɓakuli ka, ndanǝ mǝnia yì nakun ngga a ɓabumi. Sǝ ɓwa mǝnana earnǝ mǝnia yì nakun raka, nda ban tunǝi Ɓakuli nyir, acemǝnana ɓwe ka earnǝ nakun mǝnana Ɓakuli ne amur Muni ka ɗang.