1 Yohana 2:13 - Maləmce Məfele mala Ɓakuli: Kurcau Məbəshe

¹³ Ən nggǝ gilǝa wun, wun atárru, acemǝnana wu surǝna rǝ ɓwa mǝnana ndakam ɗiɗyal a tite ka. Ən nggǝ gilǝa wun, wun alo-ɓwa, acemǝnana wu lina murǝm amur mǝɓealɓikea. Ən nggǝ gilǝa wun, wun amunem, acemǝnana wu surǝna rǝ Ɓakuli Tarrû.

1 Yohana 2:13 ပူးပေါင်းရင်းမြစ်များ

Matiu 11:27

Tárram Ɓakuli panam agir kat aɓa buam. Kǝ ɓwa surǝam yì Muni ɗang, she kǝ yì Ɓakuli Tárram; sǝ kǝɓwa surǝ Ɓakuli yì Tárram ɗang, she kǝ mim Muni andǝ aɓwana mana ǝn tarkia mǝ nǝ lǝmndǝ Ɓakuli Tárram abania ka.

Matiu 13:19

Ɓǝ̀ ɓwa ok cau mǝɓoarne amur Domurǝm mala kuli, sǝ ce kpaki wi raka, nda kǝla mǝsǝɓeale mana kpa a tanjargula ka. Mǝɓealɓikea kǝ yiu kǝ fwa gir mana à ɓeali a ɓabumi ka.

Matiu 13:38

Ɓaban ngga nda ɓanza, sǝ amǝsǝɓeale mǝɓoarne ka à ndaka muna mala Ɓakuli a Domurǝm male. Sǝ ankwangŋan ngga à ndaka muna mala Mǝɓealɓikea.

Matiu 5:37

Ɗeki “E” mo ɓǝ̀ duk “E,” sǝ “Awo” mo ɓǝ̀ duk “Awo”; ɓǝ̀ wori mǝnia ka pur nǝ ban Mǝɓealɓikea.

Luka 10:22

“Girbunda kat ka Tárram nyingŋǝnam mia a buam. Kǝɓwa surǝ koyan nda Muna ɗang, she kǝ Ɓakuli Tarrû nǝmurǝì, sǝ kǝɓwa pà kàm surǝ koyan nda Tarrû ɗang, she kǝ Muni, andǝ aɓwana mǝnana Muni tarkia ama nǝ̀ lǝmndǝi abania ɓǝa surǝì ka.”

Yohana 14:7

Ɓǝ̀ wu surǝna rǝam ngga, wu surǝna rǝ Tárram. Sǝ twal ado aban ká a dǝmbǝa ka wu surǝna rǝì, sǝ wu sǝnǝ nǝi.”

Yohana 14:9

Yesu ne wi ama: Filip, ǝn sauwuna nǝ do ata wun, sǝ ba ado ka a malaká surǝam ɗang? Ɓwa mǝnana sǝnǝnam ngga sǝnǝna Tárram. Sǝ palang sǝ a kǝ na ama mǝ lǝmndǝa wun rǝì?

Yohana 16:3

À nǝ̀ pakka wun amǝnia yì agir ka acemǝnana à malaká surǝ Tárram ɗang, sǝ à malaká surǝam gbal ɗang.

Yohana 16:33

Ən bangga wun amǝnia yì acau ka, acemǝnana a ɓalǝam ngga wu nǝ̀ kum dorǝpwala. Aɓa mǝnia yì ɓanza ka, wu nǝ̀ kum patanni, Sǝa ma ɓabum wun ɓǝ̀ kǝa ɓunggi ɗang! Ən linamurǝm amur ɓanza!

Yohana 17:21

Ən nggǝ pak hiwi nǝma yia kat ka ɓǝa duk mwashat, kǝla mǝnana mim sǝnǝ we, sǝm nda mwashat ka. Dâ, kǝla mǝnana a nda a ɓalǝam, sǝ mǝ nda a ɓalǝo ka, yia gbal ka ɓǝa do aɓalǝ sǝm, ace mǝnana ɓanza ɓǝ̀ eare ama a nǝ turam ngga.

Yohana 17:3

Sǝ mǝnia ka nda njar kum yilǝmu mǝnana pà nǝ̀ mal raka, ɓǝa surǝo, kǝ we Ɓakuli Mǝ'mǝsǝcau nì, andǝ Munio Yesu Kǝrǝsti mǝnana a turi aɓa ɓanza ka.

Yohana 8:19

Sǝ à ɗi ama, “Tarró na ake?” Pǝlǝa Yesu earia wia ama, “Wu surǝam ɗang, sǝ wu surǝ Tárram ɗang. Ɓǝ̀ wu surǝna rǝam ngga, ɓǝ̀ wu surǝna rǝ Tárram gbal.”

2 Amǝ Korinti 4:6

Ɓakuli mǝnana na ama, “Ɓǝ̀ tǎlaban ta aɓa pǝndǝa” ka, tana a ɓabum sǝm ace pà sǝm tǎlaban mala surǝ ɓoarɓwa mala Ɓakuli mǝnana à nǝ̀ sǝni a ɓamǝsǝ Yesu Kǝrǝsti ka.

1 Timoti 5:1

Ce a pyau jamgula ɗang, ne wi cau ɓukɓuk nǝ pagulo, kǝla mǝnana a nǝ ne tárro ka. Ne alaggana cau kǝla mǝnana a nǝ ne amǝ'eambǝo ka.

Titus 2:6

Anggo gbal, ɓakɓabum alaggana ɓǝa dum nǝ bwalrǝu aɓa koya gir.

1 Yohana 1:1

Sǝm hamba wun cau amur ɓwa mǝnana ndakam a tite ka. Yì nda mǝnana kir sǝm ongŋǝni, sǝ mǝsǝ sǝm sǝnǝni ka. Sǝm pelǝkini sǝ sǝm jeni nǝ abu sǝm. Yì ka, nda Cau mala Yilǝmu.

1 Yohana 2:1

Wun amunem mǝ keke, ǝn nggǝ gilǝa wun mǝnia yì cau ka ace mǝnana wu kǝa pak cauɓikea ɗang. Sǝ ɓǝ̀ kǝɓwa pak cauɓikea ka, sǝm ndanǝ mǝ pwan-nzali ace sǝm aban Tár sǝm, Yesu Kǝrǝsti Mǝɓealɓoarna.

1 Yohana 2:12

Ən nggǝ gilǝa wun, wun amunem, acemǝnana à twalǝna wun ban acauɓikea ma'wun, ace gir mǝnana Kǝrǝsti pè ka.

1 Yohana 2:14

Ən nggǝ gilǝa wun, wun atárru, acemǝnana wu surǝna rǝ ɓwa mǝnana ndakam ɗiɗyal a tite ka. Ən nggǝ gilǝa wun, wun alo-ɓwa, acemǝnana wu ndanǝ rǝcandǝa, cau mala Ɓakuli na aɓalǝ wun, sǝ wu lina murǝm amur mǝɓealɓikea.

1 Yohana 3:12

Ɓǝ̀ sǝm ngga pa kǝla Kayinu mǝnana ɓwa mala mǝɓealɓikea na, sǝ wal-lú mǝ'eambǝi Habila ka ɗang. Ace mana ɗe sǝ wal-lui? Nda acemǝnana aturo male ka amǝ ɓike na, sǝ a mala mǝ'eambǝi ka amǝɓoarne na ka.

1 Yohana 4:4

Wun amunem ngga, wu nda ka mala Ɓakuli, sǝ wu lina murǝm amuria, acemǝnana yi Ɓwa mǝnana aɓalǝ wun ngga, kuti ɓwa mǝnana a ɓanza ka.

1 Yohana 5:18

Sǝm sǝlǝna ama ɓwa mǝnana kat ɓǝlban mala Ɓakuli na ka, pà nǝ̀ lidǝmbǝa nǝ pak cauɓikea ɗang. Yì ka, Muna mala Ɓakuli nǝ̀ dupi wi ntongŋo, Shetan pà nǝ̀ gandǝ je ɗang.

1 Yohana 5:20

Ɗǝm ngga sǝm sǝlǝna ama Muna mala Ɓakuli yina, yi pana sǝm sǝlǝe, ace mǝnana ɓǝ̀ sǝm surǝ Ɓakuli mǝ'mǝsǝcau nì. Sǝ sǝm ngga sǝm nda aɓa dotarǝu sǝnǝia, yì ɓwa mǝnana nda Ɓakuli mǝ'mǝsǝcau nì ka, andǝ Muni Yesu Kǝrǝsti. Yì Yesu ka, nda kǝ Ɓakuli mǝ'mǝsǝcau nì, sǝ nda yilǝmu mǝnana málá male pà kàm raka.

Sǝna 12:11

À limurǝm amuri nǝ nkila mala Mǝgam, andǝ nakun malea nǝ mǝsǝcau amur Mǝgam a ɓadǝmbǝ aɓwana; yia ka à eare à pa yilǝmia, à nyar nǝ tea ɗang yi pur a lú malea.

Sǝna 2:7

Ɓwa mǝnana ndanǝ kir ok ban ngga, ɓǝ̀ ok cau mǝnana Bangŋo kǝ banggi a'ikǝlisiya ka! Koya ɓwa na kat mǝnana cam kàngkàng sǝ limurǝm ngga, mǝ nǝ eari wi ɓǝ̀ li ɓǝlanggun mala nggun yilǝmu mǝnana a ɓaban mala Ɓakuli ka.