1 Yohana 2:11 - Maləmce Məfele mala Ɓakuli: Kurcau Məbəshe

¹¹ Sǝ ɓǝ̀ kǝɓwa ɓinǝ mǝsǝ mǝ'eambǝi ka, nda aɓa pǝndǝa; aɓa pǝndǝa sǝ kǝ gya, yale surǝ ban mǝnana kákiyi kam ngga ɗang, acemǝnana pǝndǝa dumsǝni a nte.

1 Yohana 2:11 ပူးပေါင်းရင်းမြစ်များ

Yohana 12:35

Yesu earia wia ama, “Tǎlaban ngga nda aban wun ado, sǝ banì pà nǝ̀ sau ɗang. Wu gya aɓa mǝnia yì tǎlaban ado mǝnana nda aban wun ngga, ace mǝnana ɓǝ̀ pǝndǝa ɓǝ̀ kǝa gir amur wun ɗang. Aɓwana mǝnana à kǝ gya aɓa pǝndǝa ka, à kǝ gandǝ sǝn ban mǝnana à káki kam ngga ɗang.

Yohana 12:40

Mǝtalabangŋo girkina amǝsǝia, ɗǝm ngga girkina ɓabumia. Girkia ace mǝnana amǝsǝia ɓǝa kǝa sǝnban ɗang, sǝ ɓabumia ɓǝ̀ kǝa kum sǝlǝe ɗang, sǝ à pà nǝ̀ nyàr abanam ace mǝnana ɓǝn sonzǝia ka raka.

2 Amǝ Korinti 3:14

Sǝ amǝ Isǝrayila ka ɓabumia girkina, ba yalung ko aya pwari sǝ à ndarǝ ɓal amalǝmce mala kurcau mǝ'e ka, mǝno yì lagir ka nda kam piu a ɓamǝsǝia. Yì lagir ka, à kǝ gandǝ pusǝe ɗang, she ɓǝ̀ ɓwa pànà ɓamuri aban Kǝrǝsti ka.

2 Amǝ Korinti 4:4

Shetan, mǝnana ginggiyi nǝ nza man ngga songŋǝna pǝndǝa aɓa ɗenyicau mala amǝ ɗwanyi earnǝ Cau Amsǝban, ace mǝnana ɓǝa kǝa kum sǝn tǎlaban mala Cau Amsǝban amur ɓoarɓwa mala Kǝrǝsti, mana ndà purban mala Ɓakuli ka, ɗang.

Titus 3:3

Sǝm ɗiɗyal gbal ka, sǝm ndaka aɓwana anggo sǝm kwar ɗang, amǝ'ɗwanyi okiru, à swarki sǝm, sǝm duk aguro mala gyata asuno andǝ anpel ɗàngɗáng mala nggūrǝu. Sǝm do aɓa bumkpǝmna andǝ mɓali. Aɓwana ɓinǝmǝsǝ sǝm, sǝ sǝm ɓinǝmǝsǝ arǝ sǝm.

2 Bitǝrus 1:9

Sǝ ɓwa mǝnana pànǝ amǝnia yì aɓealǝu raka, dumǝna nte, kǝ sǝnban kuko ɗang, sǝ ɓālǝi lorǝna ama à langŋǝni wi acauɓikea male mǝ'ɗiɗyali.

1 Yohana 1:6

Ɓǝ̀ sǝm na ama, sǝm ndanǝ dotarǝu sǝnǝia, sǝ sǝm lidǝmbǝa nǝ gya aɓa pǝndǝa ka, sǝm naná nyir, sǝ sǝm pa aɓa kpata mǝsǝcau ɗang.

1 Yohana 2:10

Ɓwa mǝnana kǝ earce mǝ'eambǝi ka, nda ban do aɓa tǎlaban, sǝ kǝgir pà kàm a ɓalǝi mǝnana nǝ̀ yinǝ annda ka ɗang.

1 Yohana 2:9

Ɓwa mǝnana twali ɓamuri ama nda aɓa tǎlaban, sǝ kǝ ɓinǝ mǝsǝ mǝ'eambǝi ka, nda aɓa kǝ pǝndǝa piu.

1 Yohana 3:15

Ɓwa mǝnana kat kǝ ginǝ mǝsǝ mǝ'eambǝi ka, mǝ'walki-alú na. Sǝ wu sǝlǝna ama kǝ mǝ'walki-alú pà kàm nǝ yilǝmu mǝnana málá male pà kàm raka ɗang.

1 Yohana 4:20

Ɓǝ̀ kǝɓwa na ama: “Ən nggǝ earce Ɓakuli,” sǝ kǝ ɓinǝ mǝsǝ mǝ'eambǝi ka, mǝnia yì ɓwa ka, mǝ'nyir na. Acemǝnana ɓǝ̀ ɓwa pà nǝ̀ earmǝsǝ mǝ'eambǝi mǝnana kǝ sǝni ado raka, pà nǝ̀ gandǝ earce Ɓakuli mǝnana kǝ sǝni raka ɗang.

Sǝna 3:17

A kǝ ne ɓamuro ama a nda mǝkume, a rambǝna gǝna, sǝ a ɗwanyi kǝgir ɗang! Sǝ a sǝlǝ ɗang ama we ka a nda mǝtapwasǝa, gir-mǝsǝswatǝr, mǝtǝr, nte, sǝ a ndanǝ ɓato.