1 Yohana 2:10 - Maləmce Məfele mala Ɓakuli: Kurcau Məbəshe

¹⁰ Ɓwa mǝnana kǝ earce mǝ'eambǝi ka, nda ban do aɓa tǎlaban, sǝ kǝgir pà kàm a ɓalǝi mǝnana nǝ̀ yinǝ annda ka ɗang.

1 Yohana 2:10 ပူးပေါင်းရင်းမြစ်များ

Matiu 13:21

Sǝ acemǝnana nlerǝi ko a nzali raka, gandǝ came banì sau ɗang. Pwari mǝnana tanni yipi wi acemǝnana paɓamuri arǝ cau mala Ɓakuli ka, nǝ̀ kaurǝ a kpa.

Matiu 18:7

Caukwanban na nǝ ɓanza ace agir mǝnana à kǝ tsǝk aɓwana ɓǝa pak cauɓikea ka! Agir tamban ngga à nǝ̀ yiu púp. Sǝa ma caukwanban na nǝ ɓwa mǝnana à kǝ pur nǝbani ka!

Yohana 11:9

Pǝlǝa Yesu earia wia ama, “Abúpwari mala tǎlaban aɓa pwari mwashat ka à nda lum-nong-ɓari. Nǝ pwari ka ɓwa nǝ̀ gandǝ gya pà nǝ̀ anndǝ ɗang, acemǝnana kǝ sǝn tǎlaban mala ɓanza man.

Yohana 12:35

Yesu earia wia ama, “Tǎlaban ngga nda aban wun ado, sǝ banì pà nǝ̀ sau ɗang. Wu gya aɓa mǝnia yì tǎlaban ado mǝnana nda aban wun ngga, ace mǝnana ɓǝ̀ pǝndǝa ɓǝ̀ kǝa gir amur wun ɗang. Aɓwana mǝnana à kǝ gya aɓa pǝndǝa ka, à kǝ gandǝ sǝn ban mǝnana à káki kam ngga ɗang.

Yohana 8:31

Yesu ne aɓwana mǝnana à pà ɓamuria abaní ka ama, “Ɓǝ̀ wu kpata kanigir mem ngga, wu nda ka amǝkpatam amǝ'mǝsǝcau nì.

Amǝ Roma 14:13

Ace mani ka, ɓǝ̀ sǝm nying ɓashì rǝarǝ sǝm. Ɓoaro male ka, ɓǝ̀ sǝm twali a ɓabum sǝm ama pà sǝm nǝ̀ pak ɓe kǝgir mǝnana nǝ̀ tsǝki amǝ'eamrǝarǝu gir annda, ko nǝ̀ tamsǝia aɓa kwaɗi malea ka ɗang.

Amǝ Filipi 1:10

Acemǝnana ǝn nggǝ earce ama, ɓǝ̀ wu bwalta gir mǝnana ɓoaro kutibanì wu nǝ̀ twal ka, sǝ anggo ka wu nǝ̀ dukdo ɓoarnsari andǝ ɗwanyi cau a rǝǔ, ace Pwari nyare mala Kǝrǝsti.

2 Bitǝrus 1:10

Ace mani ka, wun amǝ'eamrǝarǝu, wu pà rǝcandǝa arǝ lǝmndǝi ama ɓafo na wu nda aɓalǝ aɓwana mǝnana Ɓakuli tunǝia, sǝ tarkia ka. Ɓǝ̀ wu lidǝmbǝa nǝ do aɓalǝ amǝno yì aɓealǝu ka, pà wu nǝ̀ kuti aɓa cauɓikea ɗang, sǝ paɓamuru ma'wun ngga nǝ̀ kum kusǝu came.

1 Yohana 2:11

Sǝ ɓǝ̀ kǝɓwa ɓinǝ mǝsǝ mǝ'eambǝi ka, nda aɓa pǝndǝa; aɓa pǝndǝa sǝ kǝ gya, yale surǝ ban mǝnana kákiyi kam ngga ɗang, acemǝnana pǝndǝa dumsǝni a nte.

1 Yohana 3:14

Sǝm sǝlǝna ama sǝm auwuni lú, sǝm kutina aɓa yilǝmu, acemǝnana sǝm nggǝ lǝmndǝì amǝ'eamrǝarǝu earcearǝu. Sǝ ɓwa mǝnana pànǝ earceban raka, ɓwe ka, lú-ɓwa na.