1 Yohana 2:1 - Maləmce Məfele mala Ɓakuli: Kurcau Məbəshe

¹ Wun amunem mǝ keke, ǝn nggǝ gilǝa wun mǝnia yì cau ka ace mǝnana wu kǝa pak cauɓikea ɗang. Sǝ ɓǝ̀ kǝɓwa pak cauɓikea ka, sǝm ndanǝ mǝ pwan-nzali ace sǝm aban Tár sǝm, Yesu Kǝrǝsti Mǝɓealɓoarna.

1 Yohana 2:1 ပူးပေါင်းရင်းမြစ်များ

Luka 10:22

“Girbunda kat ka Tárram nyingŋǝnam mia a buam. Kǝɓwa surǝ koyan nda Muna ɗang, she kǝ Ɓakuli Tarrû nǝmurǝì, sǝ kǝɓwa pà kàm surǝ koyan nda Tarrû ɗang, she kǝ Muni, andǝ aɓwana mǝnana Muni tarkia ama nǝ̀ lǝmndǝi abania ɓǝa surǝì ka.”

Yohana 10:15

kǝla mǝnana Tárram surǝam, sǝ ǝn surǝ Tárram ka. Ən pa yilǝmem ace anzur mem.

Yohana 13:33

Wun amunem, mǝ nda mǝ nǝ do ata wun zuku. Wu nǝ̀ altam, sǝ kǝla mǝnana ǝn banggi aɓwana-mǝgule mala amǝ Yahudi ka, ban mǝnana ǝn kákiyi kam ngga, pa wu nǝ̀ gandǝ ká kam ɗang.

Yohana 14:16

Sǝ mǝ nǝ zǝmbǝi Tárram, sǝ nǝ̀ pa wun Mǝbwala wun nggam, mǝnana nǝ̀ yia do ata wun ba málá male ka.

Yohana 14:6

Yesu eari wi ama, “Mǝ nda njargula, Mǝ nda mǝsǝcau, sǝ Mǝ nda yilǝmu; kǝɓwa pà nǝ̀ ká aban Ɓakuli Tarrû ɗang she nǝ banam.

Yohana 21:5

Pǝlǝa tunǝban ɗia ama, “Wun alaggana, wu bwal kǝ nji le?” À ear ama, “Awo!”

Yohana 5:14

Anzǝm mani ka Yesu kumi aɓa Ndàmǝgule mala Ɓakuli, sǝ ne wi ama, “Sǝni ado ka à twalǝno ban rǝkwana, nying pakki acauɓikea, ɓǝ̀ ana raka gir mǝɓane mǝnana kuti mǝno ka nǝ̀ kumo.”

Yohana 5:36

Sǝ mǝ ndanǝ mem yi nakun a muram mǝnana kuti mana Yohana na a muram ngga. Agir mǝnana ǝn nggǝ pakkia ka, aturo mǝnana Tárram pam ama ɓǝn pakkia ka à nda. À kǝ̀ nakunam, sǝ à kǝ̀ lǝmndǝ ama Tárram nǝ turam.

Yohana 6:27

Sǝ wu kǝa wu pak turo ace girlina mǝnana kǝ kiɗiki ka ɗang; wu pak turo ace girlina mǝnana nǝ̀ pà wun yilǝmu mǝnana málá male pà kàm raka. Mǝnia ka nda girlina mǝnana Muna mala Ɓwa nǝ̀ pà wun ngga, acemǝnana Tarrû, yì Ɓakuli ka, tsǝngŋǝna bui ama earǝna nǝi.”

Yohana 8:11

Pǝlǝa eare ama, “Awo, Ɓwamǝgule, kǝɓwa pà kàm ɗang.” Yesu banggi wi ama, “Nggearǝ mim gbal ka ǝn kasǝo ɓashi-lú ɗang. Kyane, sǝ kǝa pak cauɓikea ɗǝm ɗang.”]

Amǝ Mishan 7:52

Kǝ ɓe mǝɓangna mala Ɓakuli nakam mǝnana aká wun pe wi tanni raka le? Amǝ'ɓangna mala Ɓakuli mana a pwaryan à bangce yiu mala Mǝɓealɓoarna ka, aká wun wal-luia. Sǝ ado ka wu kurkuro nǝi, nyare wu wali wú,

Amǝ Roma 5:10

Kat aɓa do ma'sǝm ɗiɗyal mǝnana sǝm ndaka aɓibura mala Ɓakuli ka, à yì gilǝki nre sǝm sǝnǝa Ɓakuli nǝ lú mala Muni mana yi wú ace sǝm ngga. Ɓǝ̀ mǝno ka yi pa anggo ka, lǝmndǝ ama kàngkàng aɓa pe mǝnana kuti mǝno ka, sǝm nǝ̀ kum auwa, mǝnana ado ka à yina nǝ sǝm aɓa dotarǝu sǝnǝa Ɓakuli ka. Acemǝnana yì Muna mala Ɓakuli ka ndakam nǝ yilǝmu.

Amǝ Roma 6:15

Lang sǝ wu sǝni ado ɗe? Sǝm nǝ̀ lidǝmbǝa nǝ pak cauɓikea, acemǝnana sǝm pa aɓata Nggurcau ɗang, sǝm nda aɓata ɓwamuru mala Ɓakuli ka le? Awo, pà nǝ̀ pak ɗang!

Amǝ Roma 8:34

Yana ɓwe na ado kasǝkiyi ɓashi amur sǝm? Yesu Kǝrǝsti na le, yì ɓwa mǝnana yi wú, sǝ lo nǝ yilǝmu, nda a bu-mǝli mala Ɓakuli, kǝ zǝmbǝa ace sǝm ngga le?

1 Amǝ Korinti 15:34

Wu nyare aɓa ɗenyicau ma'wun, sǝ wu bwaki bu wun arǝ cauɓikea. Aɓea ɓwana ata wun, à surǝ Ɓakuli ɗang. Ən bang mǝnia ka ace ɓǝ̀ wu kum kǝsǝkya.

2 Amǝ Korinti 5:21

Ɓakuli tsǝk Kǝrǝsti, mǝnana panǝ cauɓikea raka, pǝlǝ cauɓikea ace sǝm, ace mǝnana a ɓalǝi ka, sǝm nǝ̀ pǝlǝ amǝ'cauɓoarna aban Ɓakuli.

Amǝ Galati 4:19

Wun amunem mǝnana ǝn earkiyi acea raka! Ən nggǝ ok kwanban a rǝam ace wun, kǝla mɓwama mǝnana nda aban gbashi ka, sǝ mǝno ka pà nǝ̀ mal ɗang she ɓǝ̀ Kǝrǝsti lumsǝna aɓalǝ wun ngga.

Amǝ Afisu 2:18

Adyan ngga, sǝm kat ka, sǝm nǝ̀ gandǝ yiu aban Ɓakuli Tarrû aɓa Bangŋo mǝ'mwashati nǝ bu Kǝrǝsti.

Amǝ Afisu 4:26

Ɓǝ̀ bumlulla ma'wun ɓǝ̀ kǝa kánǝ wun a cauɓikea ɗang. Wu kǝa eare ɓǝ̀ pwari lime wu ndanǝ bumlulla piu ɗang.

1 Timoti 2:5

Ɓakuli ka, nda mwashat ɓǝrɓǝr, sǝ Ɓwa mǝnana a nre ɓwapǝndǝa andǝ Ɓakuli ka, nda mwashat, yì Ɓwa kǝla Kǝrǝsti Yesu,

1 Timoti 3:14

Mǝ ndanǝ tsǝkɓalǝu ama mǝ nǝ ká aban wun banì pà nǝ̀ sau ɗang. Sǝ mǝ ndaban gilǝa mǝnia yì gir ka, ace mǝnana ama,

Amǝ Ibǝru 9:24

Pà aɓa ban mǝfele mǝnana bu ɓwapǝndǝa nǝ pè ka sǝ Kǝrǝsti kuti ɗang. Mǝno ka yilǝmi gir mǝɓafoe na. Yì ka, kutio a nggearǝ kuli, ace lǝmndǝ rǝì ado a ɓadǝm Ɓakuli a kúnì sǝm.

Jemis 1:27

Kwaɗi mǝɓoarnsari, mǝɓafoe mǝnana Ɓakuli Tár sǝm earkiyice ka, nda tsǝkir akawa andǝ aman-lú aɓalǝ atanni malea, andǝ ɓanggi pǝndǝkiban mala ɓanza.

Jemis 3:9

Nǝ́ lasǝ sǝm sǝ sǝm nggǝ ɓwangsǝ Mǝtalabangŋo mǝnana nda Tar sǝm ngga. Sǝ nǝ́ kǝ lasǝuî sǝ sǝm nggǝ su aɓwana mǝnana Ɓakuli pea aɓa nggūrǝi ka.

1 Bitǝrus 2:22

“Yì ka, pak kǝ cauɓikea ɗang, sǝ swarkiban pa a kuni ɗang.”

1 Bitǝrus 3:18

Kǝrǝsti ka, wú ace acauɓikea ma'sǝm kusǝ mwashat ɓǝrɓǝr, mǝ'cauɓoarna ace amǝ'cauɓikea, ace mǝnana ɓǝ̀ yinǝ wun a ɓala aban Ɓakuli ka. Yì ka, wú aɓa nggūrǝu, sǝa ma dum nǝ yilǝmu aɓa bangŋo.

1 Yohana 3:18

Wun amunem, earcearǝu ma'sǝm ngga, ɓǝ̀ kǝa ueo a mburkun ɗang, ɓǝ̀ duk mǝ'mǝsǝcau nì, mǝnana kǝ lǝmndǝ rǝì aɓa pě ka.

1 Yohana 3:5

Sǝ wu sǝlǝna ama, Yesu ka yiu ace twal acauɓikea ma'sǝm, sǝ yì ka, cauɓikea pa a ɓalǝi ɗang.

1 Yohana 3:7

Wun amunem, wu kǝa eare ɓǝ̀ kǝɓwa ɓǝ̀ ɓosǝki wun ɗang: Ɓwa mǝnana kat kǝ pak mǝɓoarne ka, mǝ'cauɓoarna na, kǝla mǝnana Kǝrǝsti ka mǝ'cauɓoarna na ka.

1 Yohana 4:4

Wun amunem ngga, wu nda ka mala Ɓakuli, sǝ wu lina murǝm amuria, acemǝnana yi Ɓwa mǝnana aɓalǝ wun ngga, kuti ɓwa mǝnana a ɓanza ka.

1 Yohana 5:17

Koya pě mǝɓane kat ka, cauɓikea na. Sǝ cauɓikea nakam mǝnana pà nǝ̀ kánǝban a lú raka.

1 Yohana 5:21

Wun amunem, wu ɓanggi gir mǝnana kat nǝ̀ ak bancame mala Ɓakuli a ɓabum wun ngga.

3 Yohana 1:4

Ɓe kǝ banɓoarnado pà kàm mǝnana nǝ̀ kuti mana ɓǝ̀ ǝn o ama, amunem ngga à nda aban gya aɓa mǝsǝcau ka ɗang.