1 Yohana 1:6 - Maləmce Məfele mala Ɓakuli: Kurcau Məbəshe

⁶ Ɓǝ̀ sǝm na ama, sǝm ndanǝ dotarǝu sǝnǝia, sǝ sǝm lidǝmbǝa nǝ gya aɓa pǝndǝa ka, sǝm naná nyir, sǝ sǝm pa aɓa kpata mǝsǝcau ɗang.

1 Yohana 1:6 ပူးပေါင်းရင်းမြစ်များ

Matiu 7:22

A masǝlǝata apwari ka aɓwana pas nǝ̀ yiu à nǝ̀ nam ama, “Mǝtalabangŋo, Mǝtalabangŋo, nǝ lullǝo sǝ sǝm hamnǝ cau re, sǝ nǝ lullǝo sǝ sǝm pusǝki akukwar, sǝm pakki agir-ndǝlǝki pas re?”

Yohana 11:10

Sǝ nǝ dú ka, à nǝ̀ gandǝ annda, acemǝnana à pànǝ tǎlaban ɗang.”

Yohana 12:35

Yesu earia wia ama, “Tǎlaban ngga nda aban wun ado, sǝ banì pà nǝ̀ sau ɗang. Wu gya aɓa mǝnia yì tǎlaban ado mǝnana nda aban wun ngga, ace mǝnana ɓǝ̀ pǝndǝa ɓǝ̀ kǝa gir amur wun ɗang. Aɓwana mǝnana à kǝ gya aɓa pǝndǝa ka, à kǝ gandǝ sǝn ban mǝnana à káki kam ngga ɗang.

Yohana 12:46

Ən yiu kǝla tǎlaban ace pa tǎlaban aɓa pǝndǝa mala ɓanza man, ace mǝnana ɓwa mana kat pà ɓamuri abanam ngga, ɓǝ̀ kǝa ueo aɓa pǝndǝa ɗang.

Yohana 8:12

Yesu nyar ɗǝm banggi aɓwana ama, “Mǝ nda tǎlaban mala ɓanza! Ɓwa mǝnana kat kpatam ngga, pà nǝ̀ gya a pǝndǝa ɗang, nǝ̀ kum tǎlaban mala yilǝmu.”

Yohana 8:55

Wun ngga wu surǝì ɗang, sǝ mim ngga ǝn surǝì. Ɓǝ̀ ǝn na ama ǝn surǝì raka, mǝ nda mǝ'nyir kǝla wun. Sǝ mim ngga ǝn surǝì, sǝ ǝn nggǝ kpata cau male.

1 Timoti 4:2

Amǝnia yì amǝkanigir ka, amǝ'kunɓarina na sǝ amǝnyir na. Ɓabum ɗenyicau mǝɓoarne malea wuna.

Jemis 2:14

Mana nda ɓoaro male, wun amǝ'eamrǝarǝu, mǝnana ɓǝ̀ ɓwa na ama pana ɓamuru aban Yesu, sǝ lǝmndǝi aɓa pakki aturo male raka? Mǝno yì paɓamuru ka nǝ̀ amsǝi le?

Jemis 2:16

Ɓǝ̀ ɓeɓwa ata wun ne wi ama, “Kyan jam, ɓǝ̀ Ɓakuli tsǝko bu, wu kum girkuroarǝu sǝ wu ɗǝmbǝo,” sǝ pe wi gir mǝnana ɓoaro ɓǝ̀ pangŋǝni ace nggūrǝi raka, mana nda ɓoaro male?

Jemis 2:18

Sǝa ma ɓǝ̀ ɓwa nǝ̀ na ama, “A ndanǝ paɓamuru sǝ mǝ ndanǝ aturo.” Lǝmndǝam paɓamuru mo mǝnana pànǝ aturo ate raka, sǝ mǝ nǝ lǝmndǝo paɓamuru mem aban Ɓakuli nǝ aturo mǝɓoarne mem.

1 Yohana 1:10

Ɓǝ̀ sǝm ne ɓamur rǝ sǝm ama sǝm pàk cauɓikea raka, sǝm nyesǝ Ɓakuli ama yì ka, mǝ'nyir na, sǝ lǝmndǝ ama cau male pà aɓalǝ sǝm ɗang.

1 Yohana 1:3

Sǝm nggǝ na wun ce gir mǝnana mǝsǝ sǝm sǝni, sǝ kir sǝm oe ka, ace mǝnana wun gbal ka ɓǝ̀ wu kum dotarǝu nǝ sǝm. Sǝ dotarǝu ma'sǝm ngga, sǝm nda andǝ Ɓakuli Tarrû, andǝ Muni, Yesu Kǝrǝsti.

1 Yohana 1:8

Ɓǝ̀ sǝm nggǝ ne ɓamur rǝ sǝm ama sǝm pànǝ cauɓikea raka, sǝm nda ban swarki ɓamur rǝ sǝm, sǝ mǝsǝcau pà aɓalǝ sǝm ɗang.

1 Yohana 2:4

Ɓǝ̀ ɓwa twali ɓamuri ama: “Ən surǝna rǝ Ɓakuli,” sǝ kǝ kpata anzongcau male raka, mǝ'nyir na, sǝ mǝsǝcau pa aɓa mǝno yì ɓwa ka ɗang.

1 Yohana 4:20

Ɓǝ̀ kǝɓwa na ama: “Ən nggǝ earce Ɓakuli,” sǝ kǝ ɓinǝ mǝsǝ mǝ'eambǝi ka, mǝnia yì ɓwa ka, mǝ'nyir na. Acemǝnana ɓǝ̀ ɓwa pà nǝ̀ earmǝsǝ mǝ'eambǝi mǝnana kǝ sǝni ado raka, pà nǝ̀ gandǝ earce Ɓakuli mǝnana kǝ sǝni raka ɗang.