1 Yohana 1:3 - Maləmce Məfele mala Ɓakuli: Kurcau Məbəshe

³ Sǝm nggǝ na wun ce gir mǝnana mǝsǝ sǝm sǝni, sǝ kir sǝm oe ka, ace mǝnana wun gbal ka ɓǝ̀ wu kum dotarǝu nǝ sǝm. Sǝ dotarǝu ma'sǝm ngga, sǝm nda andǝ Ɓakuli Tarrû, andǝ Muni, Yesu Kǝrǝsti.

1 Yohana 1:3 ပူးပေါင်းရင်းမြစ်များ

Yohana 17:11

Ado ka mǝ ndo mǝ nǝ nying ɓanza, mǝ nǝ nyare abano, sǝ yia ka à ndakani a ɓanza piu. Dâ Ɓakuli Mǝfele! Yalia, nǝ rǝcandǝa mala lullǝo mǝnana a pam ngga, acemǝnana yia ka ɓǝa duk mwashat kǝla mǝnana sǝm nda mwashat sǝnǝ we ka.

Yohana 17:21

Ən nggǝ pak hiwi nǝma yia kat ka ɓǝa duk mwashat, kǝla mǝnana mim sǝnǝ we, sǝm nda mwashat ka. Dâ, kǝla mǝnana a nda a ɓalǝam, sǝ mǝ nda a ɓalǝo ka, yia gbal ka ɓǝa do aɓalǝ sǝm, ace mǝnana ɓanza ɓǝ̀ eare ama a nǝ turam ngga.

Yohana 17:25

We Dâ Mǝ'cauɓoarna! Ɓanza surǝo ɗang, sǝ mim ngga ǝn surǝo, sǝ amǝnia yì alaggana mem ngga, à sǝlǝna ama a nǝ turam.

Yohana 17:3

Sǝ mǝnia ka nda njar kum yilǝmu mǝnana pà nǝ̀ mal raka, ɓǝa surǝo, kǝ we Ɓakuli Mǝ'mǝsǝcau nì, andǝ Munio Yesu Kǝrǝsti mǝnana a turi aɓa ɓanza ka.

Yohana 19:35

Ɓwa mǝnana sǝn mǝnia yì gir ka, nda bang ce ka, sǝ cau mǝnana na ka mǝsǝcau na, ace mǝnana wun gbal ka ɓǝ̀ wu ak ce sǝ ɓǝ̀ wu pa ɓamur wun.

Amǝ Mishan 13:32

Sǝ ado ka, sǝm ndya sǝm yina wun nǝ mǝnia yì Cau Amsǝban ngga. Mǝnia ka nda gir mana Ɓakuli bangŋa ama nǝ̀ pakki aká sǝm ngga.

Amǝ Mishan 13:41

“Wu sǝni, wun amǝ ɓangginǝ cau mala Ɓakuli! Wu ndali, wu kya lú, wu ueɓà! Acemǝnana gir mana ado ǝn nggǝ pe yalung ngga, gir na mǝnana pà wu nǝ̀ earnǝi raka, ko ɓǝa bangŋa ama ɓeɓwa bangga wun ce ka.”

Amǝ Mishan 2:42

Pǝlǝa yia ka à paɓamuria aban ak kanigir aban amǝ'mishan, andǝ do a tarǝia, andǝ ligirlina a tarǝia, andǝ pakki ahiwi.

Amǝ Mishan 20:27

Acemǝnana kane kat mǝnana Ɓakuli ndanǝi a ɓabumi, sǝ kǝ earce ama ɓǝ̀ wu surǝì ka, ǝn nyar nǝ tam arǝ hamnǝ ce aban wun ɗang.

Amǝ Mishan 4:20

Acemǝnana pa sǝm nǝ̀ tamsǝ nacau amur gir mǝnana sǝm sǝni, sǝ sǝm ok ka ɗang.”

Amǝ Roma 15:27

Ban ɓoaria wia nǝ pâ mǝnia yì ɓoro ka, acemǝnana à sǝlǝna ama dumǝnia wia kǝla tangna mǝnana à nǝ̀ mbwe ka. Sǝ ɓǝa aɓwana mǝnana amǝ Yahudi na raka, à yì kum kāmbe ata amǝ Yahudi aɓalǝ atsǝkbu aɓa bangŋo ka, dumǝnia wia gbal ama ɓǝa pakki amǝ Yahudi turo nǝ agirkuma malea.

1 Amǝ Korinti 1:30

Àkǝ̀ ce gir mǝnana Ɓakuli pe ka sǝ wu kum kpapi wunǝa Kǝrǝsti Yesu, yì mǝnana Ɓakuli tsǝngŋǝni nda sǝlǝe ma'sǝm, sǝ yì nda ɓwa mǝnana gilǝki nre sǝm andǝa Ɓakuli, sǝ tàr sǝm, sǝm duk amale, sǝ yi akmúr sǝm aɓalǝ acauɓikea ma'sǝm ngga.

1 Amǝ Korinti 1:9

Ɓakuli mǝnana tunǝ wun aɓa dotarǝu wunǝa Muni Yesu Kǝrǝsti, Mǝtala sǝm ngga, mǝ mǝsǝcau na.

1 Amǝ Korinti 15:1

Adyan ngga, wun amǝ'eamrǝarǝu, ǝn nggǝ kasǝɓalǝ wun arǝ Cau Amsǝban mǝnana ǝn hamba wunì a dǝmbǝa ka. Sǝ wu angŋǝni gbal, wu tamsǝna kusǝ wun amuri kàngkàng.

Amǝ Afisu 3:6

Sǝ mǝnia ka, nda kànì mala Ɓakuli, mana sǝmbǝrǝ ce ɗiɗyal ka. Aɓwana mala acilia anzali andǝ amǝ Yahudi, mǝnana à ak Cau Amsǝban nǝ ɓabumia kat ka, à ndanǝ kāmbe mǝ'mwashati aɓa kum liɓala nǝ atsǝkbu mǝnana Ɓakuli pàcau ace aban amuna male kat ka. Yia kǝm ngga, abare nggūrǝu mǝ'mwashati na, sǝ yia kǝm, aɓa kpapi malea andǝa Kǝrǝsti Yesu ka, Ɓakuli nǝ̀ pea wia agir mǝnana bangŋa ama nǝ̀ pa ka.

Amǝ Filipi 1:7

Ɓǝ̀ ǝn twal wun kat anggo ka, ǝn ɓwarki ɗang, acemǝnana ɓabumam na arǝ wun. Wun kat ka wu nda atam, wu nda arǝ bwalam arǝ mǝnia yì turo Ɓakuli pam aɓa ɓwamuru male ka, kat aɓa kùrban mem, andǝ bǝl ɓa Cau Amsǝban, andǝ lǝmndǝì aɓwana mǝsǝcau mǝnana a ɓalǝi ka.

Amǝ Filipi 2:1

Ado ka ɓakɓabum na kam aɓa Kǝrǝsti, sǝ girikiban na kam aɓa earcearǝu male, sǝ Bangŋo mala Ɓakuli ka kǝ yinǝ dotarǝu mwashat a rǝarǝu. Ɓakuli pana wun sǝn mǝsǝswatǝr mala rǝarǝu andǝ lǝmndǝ pe mǝɓoarne.

Amǝ Filipi 3:10

Ən nggǝ earce surǝ Kǝrǝsti andǝ rǝcandǝa mǝnana loasǝi a ɓembe ka. Ən earǝna mǝ kum kāmbe mem aɓa nu tanni ate, mǝ nǝ wú a cau male,

Amǝ Kolosi 1:13

Acemǝnana amsǝna sǝm aɓata parban mala Shetan, sǝ yina nǝ sǝm aɓa Domurǝm mala Muni mǝnana earkiyi ace raka,

1 Amǝ Tasalonika 1:10

Ɗǝm ngga à bang cau mala do kundǝmuru ma'wun arǝ yiu mala Muna mala Ɓakuli nǝ kuli, yì muna male mana loasǝi a ɓembe ka. Nda Yesu mana nda mǝ'amsǝ sǝm a bu tanni mala bumlulla mǝɓike mala Ɓakuli mǝnana kǝ yiu ka.

1 Timoti 6:2

Amuna-ɓala mǝnana amǝtala-ɓala malea ka amǝkwaɗi na ka, ɓǝa kǝa ci ate ama amǝ'eambǝu na à nǝ̀ ɗwanyi pea wia gulo ɗang. Akuni ka, ɓǝa pakkia wia turo anjar mǝnana ɓoaribanì ka, acemǝnana amǝtala-ɓala malea mana à kǝ li mǝɓoarne aɓalǝ aturo malea ka aɓia amǝkwaɗi na, sǝ aɓwana na mǝnana Ɓakuli kǝ earcea ka. We Timoti ka, wu kǝ kani aɓwana mǝnia yì mǝsǝtacau ka, sǝ wu kǝ kwarkiria ɓǝa kǝ kpatea.

Amǝ Ibǝru 2:12

Yì ka, ne Ɓakuli ama, “Mǝ nǝ hamnǝ lullǝo aban amǝ'eambǝam; mǝ nǝ ɓwangsǝo aɓalǝ aɓwana mo mǝnana à ram ngga.”

Amǝ Ibǝru 3:1

Ace mani ka, wun amǝ'eamrǝarǝu mǝnana Ɓakuli tária ɓǝa duk amale, sǝ à kum tunǝban mǝ'mwashati ata aɓwana male ace ká kuli ka, ɓǝ̀ sǝm nyesǝ ɗenyicau ma'sǝm aban Yesu. Yì nda ɓwa mǝnana Ɓakuli tasǝi ɓǝ̀ yì duk Pǝris Mǝgule mala paɓamuru mǝnana sǝm bangŋǝna ama nda sǝm kpakiyi ate ka.

Amǝ Ibǝru 3:14

Ɓǝ̀ sǝm bwal kàngkàng arǝ guliarǝu ma'sǝm mana sǝm tinate nǝi sǝ kya bik masǝlǝate ka, gir mǝnana kat mala Kǝrǝsti na ka, sǝm nǝ̀ kumi ate.

1 Bitǝrus 5:1

Mǝ nda rǝ ɓakɓabum aɓwana-mǝgule mǝnana aɓalǝ wun ngga kǝla ɓi'wun ɓwamǝgule. Ən sǝn nutanni mala Kǝrǝsti nǝ amǝsǝam, sǝ mim gbal ka, mǝ nǝ kum kāmbe mem aɓa ɓoarɓwa male, yi mǝnana ɓǝ̀ yi pusǝna rǝì aban ɓanza ka.

2 Bitǝrus 1:16

Cau mǝnana sǝm bangga wun amur rǝcandǝa andǝ yiu mala Mǝtala sǝm Yesu Kǝrǝsti ka, sǝm pà aban bangga wun njarnzǝne mǝnana ɓeɓwa pusǝì aɓa kutan ngga ɗang. Nǝ nggearǝ mǝsǝ sǝm, sǝm sǝn tâ mala ɓoarɓwa male.

1 Yohana 1:1

Sǝm hamba wun cau amur ɓwa mǝnana ndakam a tite ka. Yì nda mǝnana kir sǝm ongŋǝni, sǝ mǝsǝ sǝm sǝnǝni ka. Sǝm pelǝkini sǝ sǝm jeni nǝ abu sǝm. Yì ka, nda Cau mala Yilǝmu.

1 Yohana 1:5

Mǝnia ka nda cau mǝnana sǝm oe abani, sǝ sǝm nggǝ hamnǝi aban wun ama: Ɓakuli ka tǎlaban na, sǝ kǝ pǝndǝa pa aɓalǝi ɗang ko bǝti.

1 Yohana 1:7

Sǝa ma ɓǝ̀ sǝm gya aɓa tǎlaban, kǝla mǝnana yì ka, nda aɓa tǎlaban ngga, lǝmndǝ ama sǝm ndanǝ dotarǝu nǝ rǝarǝ sǝm, sǝ nkila mala Muni Yesu kǝ lak sǝm arǝ acauɓikea kat.