1 Yohana 1:2 - Maləmce Məfele mala Ɓakuli: Kurcau Məbəshe

² Mǝnia yì ɓwa mǝnana nda yilǝmu nǝ nggearǝì ka, yi pusǝrǝi, sǝ sǝm sǝnǝni. Sǝ ado ka sǝm na ce sǝ sǝm hamba wun ama yì ka, nda yilǝmu mǝnana málá male pà kàm raka. Yì ka, à nda a tarǝia andǝ Ɓakuli Tarrû, sǝ yi pusǝrǝi aban sǝm.

1 Yohana 1:2 ပူးပေါင်းရင်းမြစ်များ

Yohana 1:18

Kǝ ɓwa sǝn ma Ɓakuli àkǝ̀ pwari ɗang, she kǝ Muni mǝnana à nda mwashat andǝ yi, sǝ nda a nkanggari ka. Yì na tsǝa sǝ sǝm surǝ Tarrí ka.

Yohana 1:4

Yì nda tǝr yilǝmu, sǝ mǝnia yì yilǝmu ka yiu nǝ tǎlaban aban ɓwapǝndǝa.

Yohana 10:28

Ən nggǝ pea wia yilǝmu mǝnana málá male pà kàm raka, sǝ à pà nǝ̀ kiɗiki à nǝ̀ ueɓà ɗang. Kǝɓwa pà nǝ̀ fea a buam ɗang.

Yohana 14:6

Yesu eari wi ama, “Mǝ nda njargula, Mǝ nda mǝsǝcau, sǝ Mǝ nda yilǝmu; kǝɓwa pà nǝ̀ ká aban Ɓakuli Tarrû ɗang she nǝ banam.

Yohana 15:27

Sǝ wun gbal ka dumǝna ama wu nǝ̀ nakunam aban aɓwana, acemǝnana tita turo mem ngga sǝm nda a tarǝ sǝm sǝnǝa wun.

Yohana 16:28

Ən pur aban Tárram sǝ ǝn yiu a ɓanza, sǝ ado ka, mǝ ndo mǝ nǝ nying ɓanza mǝ nǝ nyar aban Tárram.

Yohana 17:3

Sǝ mǝnia ka nda njar kum yilǝmu mǝnana pà nǝ̀ mal raka, ɓǝa surǝo, kǝ we Ɓakuli Mǝ'mǝsǝcau nì, andǝ Munio Yesu Kǝrǝsti mǝnana a turi aɓa ɓanza ka.

Yohana 17:5

Sǝ ado ka, Dâ, nyesǝam gulo a ɓadǝmbǝo, gulo mǝnana mǝ ndanǝi sǝnǝ we ɗiɗyal sǝ a yi pusǝ ɓanza ka.

Yohana 19:35

Ɓwa mǝnana sǝn mǝnia yì gir ka, nda bang ce ka, sǝ cau mǝnana na ka mǝsǝcau na, ace mǝnana wun gbal ka ɓǝ̀ wu ak ce sǝ ɓǝ̀ wu pa ɓamur wun.

Yohana 21:14

Mǝnia ka nda tāruia pusǝrǝu mala Yesu aban alaggana male anzǝm loapi ɓembe male.

Yohana 3:13

Kǝ ɓwa malaká eau a kuli ɗang, she kǝ yì Muna mala Ɓwa mǝnana sulǝ nǝ kuli ka.

Yohana 7:29

Mim ngga ǝn surǝì, acemǝnana abani sǝ ǝn puro, sǝ yì nǝ̀ turam.”

Yohana 8:38

Mim ngga ǝn nggǝ bang gir mǝnana ǝn sǝni aban Tárram ka. Sǝ wun ngga wu kǝ pak gir mǝnana tár wun kǝ na wun ngga.

Amǝ Mishan 1:22

Ɓǝ̀ twal a pwari mǝnana Yohana pakki Yesu batisǝma nǝi, yi bwal a pwari mǝnana à twali nǝi arǝ sǝm aban o a kuli ka. Ɓǝ̀ yana sǝ à twali ka, nǝ̀ duk mwashat ata sǝm aban hamnǝ cau mala loapi ɓembe mala Yesu.

Amǝ Mishan 10:41

Pusǝrǝi aban ɓwapǝndǝa kat ɗang, kǝ sǝm mana Ɓakuli ak dǝmbǝa tarki sǝm ama ɓǝ̀ sǝm duk amǝnakun male, yì sǝm mana anzǝm loapi ɓembe male, sǝm lili sǝnǝia, sǝm nu sǝnǝia ka, sǝm nda.

Amǝ Mishan 2:32

Ɓakuli loasǝ Yesu a ɓembe, sǝm kat ka, sǝm sǝni nǝ mǝsǝ sǝm anzǝm lo male.

Amǝ Mishan 3:15

Wu wal-lú ɓwa mǝnana nǝ̀ pākiyi yilǝmu ka, sǝ pǝlǝa Ɓakuli loasǝi a ɓembe. Sǝ sǝm ngga sǝm sǝnǝni nǝ mǝsǝ sǝm, nda sǝm nggǝ na cau male ka.

Amǝ Mishan 5:32

Sǝm nda ka aɓwana mǝnana sǝm sǝni nǝ mǝsǝ sǝm, nda sǝm nggǝ nakun amǝnia yì agir ka, sǝ anggo gbal sǝ Bangŋo Mǝfele, mǝnana Ɓakuli pani aɓwana mǝnana à kǝ kpata cau male ka.

Amǝ Roma 8:3

Gir mǝnana Nggurcau mala Musa gandǝ pe raka, ata cau mala gatti mala nggurǝ ɓwapǝndǝa mǝ'cauɓike ka, Ɓakuli yi pe. Yi tasǝ Muni ɓǝ̀ yiu aɓa nggūrǝu mǝnana nda kǝla nggurǝ sǝm aɓwapǝndǝa mǝ'cauɓike ka, ɓǝ̀ yi pa ɓamuri kǝla gir'nkila ace twal cauɓikea. Aɓa pe mǝnia anggo ka Ɓakuli yinǝ kasǝ-ɓashi amur cauɓikea, kiɗiki rǝcandǝa male aɓa mǝno yì nggūrǝu mala ɓwapǝndǝa ka.

Amǝ Galati 4:4

Sǝa ma, lang pwari ni yi karǝna ka, Ɓakuli tur Muni, mǝnana mɓwama nǝ̀ ɓǝli, a ɓata nggurcau mala Musa ka.

1 Timoti 3:16

Kǝ̀ makgir pà kàm ɗang, gir ɓa-sǝmbǝrǝa mala cau paɓamuru ma'sǝm ngga lim kǝkǝr: Kǝrǝsti ka, yi pur aɓa nggūrǝ ɓwapǝndǝa, sǝ à lǝmndǝi mǝ'cauɓoarna na nǝ bu Bangŋo mala Ɓakuli. Amǝturonjar sǝni, sǝ à hamnǝ cê aban aɓwana mala aɓea anzali. Aɓwana a ɓanza paɓamuria abani, sǝ à twali à um nǝi a kuli aɓa ɓoarɓwa.

2 Timoti 1:10

Sǝ ado ka, lǝmndǝna sǝmi bwāng nǝ yiu mala Kǝrǝsti Yesu, Mǝ'amsǝ sǝm, mǝnana ɓun rǝcandǝa mala lú, pǝlǝa lǝmndǝa sǝm njar mala yilǝmu mǝnana málá male pà kàm raka, aɓa Cau Amsǝban.

Titus 1:2

Mǝno yì paɓamuru andǝ sǝlǝe ka, nda mǝnana kǝ pea wia tsǝkɓalǝu ama à nǝ̀ kum yilǝmu mǝnana málá male pà kàm raka, yì yilǝmu mǝnana Ɓakuli mana kǝ na nyir raka, bangŋa a shareta ɓanza ama nǝ̀ pea wia ka.

1 Bitǝrus 5:1

Mǝ nda rǝ ɓakɓabum aɓwana-mǝgule mǝnana aɓalǝ wun ngga kǝla ɓi'wun ɓwamǝgule. Ən sǝn nutanni mala Kǝrǝsti nǝ amǝsǝam, sǝ mim gbal ka, mǝ nǝ kum kāmbe mem aɓa ɓoarɓwa male, yi mǝnana ɓǝ̀ yi pusǝna rǝì aban ɓanza ka.

1 Yohana 1:1

Sǝm hamba wun cau amur ɓwa mǝnana ndakam a tite ka. Yì nda mǝnana kir sǝm ongŋǝni, sǝ mǝsǝ sǝm sǝnǝni ka. Sǝm pelǝkini sǝ sǝm jeni nǝ abu sǝm. Yì ka, nda Cau mala Yilǝmu.

1 Yohana 2:25

Sǝ mǝnia ka, nda gir mǝnana Kǝrǝsti pàcau ace ka ama nǝ̀ pà sǝm yilǝmu mǝnana málá male pà kàm raka.

1 Yohana 3:5

Sǝ wu sǝlǝna ama, Yesu ka yiu ace twal acauɓikea ma'sǝm, sǝ yì ka, cauɓikea pa a ɓalǝi ɗang.

1 Yohana 3:8

Ɓwa mǝnana lidǝmbǝa aɓa cauɓikea ka, ɓwa mala Shetan na, acemǝnana twal a tite ka, Shetan ngga mǝ'cauɓikea na. Tǝr yiu mala Muna mala Ɓakuli ka, nda ace kiɗiki aturo mala Shetan.

1 Yohana 4:14

Ɗǝm ngga, sǝm sǝnǝna Muna mala Ɓakuli nǝ mǝsǝ sǝm, sǝ ado ka sǝm ndarǝ banggi aɓwana ama, Ɓakuli Tár sǝm tur Muni ɓǝ̀ yi duk Mǝ'amsǝ ɓanza.

1 Yohana 4:2

Ani sǝ wu nǝ̀ sǝlǝa ko à ndanǝ Bangŋo mala Ɓakuli: Ɓwa mǝnana kat eare ama Yesu Kǝrǝsti yiu aɓa nggūrǝu ka, ndanǝ Bangŋo mǝnana pur nǝban Ɓakuli ka.

1 Yohana 5:11

Mǝnia ka, nda nakun mǝnana Ɓakuli ne ka: Ɓakuli pana sǝm yilǝmu mǝnana málá male pà kàm raka, sǝ mǝnia yì yilǝmu ka, tǝri na nǝban Muni.

1 Yohana 5:13

Wun aɓwana mǝnana wu guli arǝ lullǝ Muna mala Ɓakuli ka, ǝn nggǝ gilǝa wun mǝnia yì cau ka, ace mǝnana ɓǝ̀ wu sǝlǝa aɓa mǝsǝcau ama wu ndanǝ yilǝmu mǝnana málá male pà kàm raka.

1 Yohana 5:20

Ɗǝm ngga sǝm sǝlǝna ama Muna mala Ɓakuli yina, yi pana sǝm sǝlǝe, ace mǝnana ɓǝ̀ sǝm surǝ Ɓakuli mǝ'mǝsǝcau nì. Sǝ sǝm ngga sǝm nda aɓa dotarǝu sǝnǝia, yì ɓwa mǝnana nda Ɓakuli mǝ'mǝsǝcau nì ka, andǝ Muni Yesu Kǝrǝsti. Yì Yesu ka, nda kǝ Ɓakuli mǝ'mǝsǝcau nì, sǝ nda yilǝmu mǝnana málá male pà kàm raka.